Hiibru Yaab 5:7 - Uwumbɔr aagbaŋ

⁷ Buyoonn Yesu nan ye unibɔn na, u nan wii tinyunyunn mpɔɔn pu, ki gaŋ Uwumbɔr u ga ŋmaa nyan u nkun ni na. Waah san Uwumbɔr na, le u ŋun waameel.

UWONBƆR A GBƆNPƆŊ LIKƆƆNL

⁷ Yisa kaah nan be dulinya nan yaan n-yonn man nin, u nan miɛ Uwonbɔr le ki bei U waah ban nan, ki mɔr nkukɔpɔɔn nin tinyinyinn ki ŋaan U, Uwonbɔr wan li fir fee u nkumin nin, waah nan jɔɔ jiininba ki tenn Uwonbɔr nin limɔcheelin bu le U nan gbir u miɛm.

Hiibru Yaab 5:7 ပူးပေါင်းရင်းမြစ်များ

Ilahn 22:24

Waa suln bigiim ni bifalaadam bɔr; waa fenn upuwɔb tii bi, u keei bi.”

Ilahn 69:1

Uwumbɔr, gaa mi lii. Nnyun ti saa nneen ni mɔk la;

Ilahn 88:1

Ndindaan Uwumbɔr u gaal mi lir na, m wii le nwiin ti lir, le kinyeek kan, m bi aanimbiin ni.

Aisaya 49:8

Uwumbɔr bui waanib ke, “Ni yaa ŋeer ke m gaa nimi lii kan, le m ga san nimi kinimbaak, aan ki pel nimi aameel. M ga li kii nimi ki joo nimi le ki puu tipuur tii binib mɔmɔk, nimi pu. M ga cha ni ki gir kal nimi aatiŋ ki dɔ fam dandana na pu.

Aisaya 53:11

U yaa jin falaa kan, nee aapuwɔb le u ga kan mpopiin; le ki ga bee ke waa jin falaa fam. Maatutunn bamɔnn u m gee u na ga gaa binib pam aatafadaan le m di cha pinn bi baatunwanbir.

Aisaya 53:3

Ti lik u fam ki yii u; u nan kan falaa ni iween. Ubaa aa ban ke u lik kan u, ti suln ubɔr ke waah kaa ye nibaa le na.

Liifai Yaab 2:2

U yaa ŋa kina doo kan, u li joo ni mu Aaronn aabijabim bi ye bitotoorb na chee. Utotoor u ga gaa ipiin ngbaan na di uŋaal lee n‑yon ni nkpan, ki paar tulalee aayon na mɔmɔk, ki di see mmii ni, libimbiln paab, ni li ye limɔkl ke ni mɔmɔk ye Uwumbɔr aapiin la. Tijikaar aapiin kina aaboln nu mɔ uma Uwumbɔr chee.

Matiu 27:46

Nwiin aah kpar na, le Yesu teen mpɔɔn pu, “Eli, Eli, lama sabaktani.” Naatataa le ye ke, “Maawumbɔr, Maawumbɔr, ba pu aa siir cha mi?”

Matiu 27:50

Le Yesu ki teen mpɔɔn pu, le ki cha waawiin nyan, le ki kpo.

Tibɔnyaan ti Mak ŋmee ti na 15:34

Nwiin aah kpar na, le Yesu teen mpɔɔn pu ke, “Eloi, eloi, lama sabaktani.” Naatataa le ye ke “Maawumbɔr, Maawumbɔr, ba pu aa siir cha mi?”

Tibɔnyaan ti Mak ŋmee ti na 15:37

Le Yesu ki teen mpɔɔn pu, le ki kpo.

Tibɔnyaan ti Luk ŋmee ti na 23:46

Le Yesu teen mpɔɔn pu, le ki bui ke, “Nte Uwumbɔr, m di maawiin ŋa aaŋaal ni la.” Waah len kina na, le u kpo.

Jɔnn 1:14

Baah yin u ke Limɔboln na nan kpaln unibɔn, ki nan bi tikaasisik ni. U gee binib chob, ki len ibamɔn baanja la. Le ti kan waah kpa mpɔɔn pu na. Waah ye Uwumbɔr Aajapɔnbaal na, u kpa mpɔɔn ke Ute Uwumbɔr aah kpa pu na.

Jɔnn 11:35

Le Yesu wii.

Jɔnn 11:42

M nyi ke n‑yoonn mɔmɔk aa ŋun maah len aa chee pu na. Kinipaak ki si do na pu, le m len kina, ke bi pak ke sin le tun ni mi.”

Jɔnn 17:1

Yesu aah len kina na, le u waan lik paacham, ki bui ke, “Nte Uwumbɔr, n‑yoonn fuu ni a. Nyuŋ min Aajapɔɔn, le m mu nyuŋ si Nte;

Rom Yaab 8:3

Nkaal aan ŋmaa ŋa kina; ba pu? binib aa kpa mpɔɔn ke bi joo nkaal ngbaan. Le Uwumbɔr ŋa waakaal aah kaa ŋmaa ŋa pu na; timi aatunwanbir pu le u nan tun ni Ujapɔɔn Yesu dulnyaa wee ni, ke u di tiwon ti naahn timi titunwanbirdam aawon na bii titunwanbir ti bi tisui ni na aapɔɔn,

Galantiya 4:4

Naah nan ŋeer n‑yoonn mu na, le Uwumbɔr nan tun ni Ujapɔɔn. Upii le nan ma u. Juu yaab aakaal le nan joo u,

1 Timoti 3:16

Uwumbɔr aah kpiir waasan aabɔr ti tuk timi na, ti ye tibɔkpaan la: U nan yoor unibɔn aawon, ki nyan ubaa mpaan pu. Uwumbɔr Aafuur Nyaan le mɔk ke u ŋan. Uwumbɔr aatuuntiib waa u. Binib moon waabɔr ki tuk ŋitimbol aanib, le binib gaa u ki kii dulnyaa wee mɔmɔk ni. Uwumbɔr nan yoor u ki di buen paacham, ki nyuŋ u.

Hiibru Yaab 10:10

U ŋa Uwumbɔr aageehn, le ki di ubaa aawon toor kookoo aatork nfum mbaa, le ki ŋa timi waanib bi ye chain na.

Hiibru Yaab 10:5

Nima pu na, Yesu Kristo aah nan ban ke u dan dulnyaa wee ni na, u nan bui Uwumbɔr ke, “Saa ban tiwakor ni tijikaar aatork. Aa naan tiwon tii mi la.

Hiibru Yaab 11:7

Uwumbɔr nan bui Nowa linimaln li nan choo na pu, le laa kee fuu ni. Nowa aah nan tii Uwumbɔr naadii pu na, le u nan pak waah len pu na, le ki kii waamɔb, le ki kpii buŋɔb bu, u ni waamaal koo ki ŋmar na. Nowa aah nan ŋa kina na, le ni mɔk ke dulnyaa ni yaab biken aabɔr bii Uwumbɔr chee. Nowa nan tii Uwumbɔr naadii, nima le nan cha Uwumbɔr len ke waabɔr ŋan u chee.

Hiibru Yaab 12:28

Ti ga ji nnaan mu ga li bi n‑yoonn mu kaa kpa ndoon na. Nima pu na, cha ti doon Uwumbɔr, ki tun lituln li ga piir usui na tii u, ki li pak u, ki li san u ijawaan.

Hiibru Yaab 13:20

Uwumbɔr nan fikr Tidindaan Yesu u ye waanib mɔmɔk aayidaan na nkun ni. Waasin pu, le Uwumbɔr puu tipuupɔln tii timi. Tipuur ngbaan ga li bi n‑yoonn mu kaa kpa ndoon na.

Hiibru Yaab 2:14

Tɔ, timi waabim aah ye binibɔm pu na, nima le uma Yesu mu kpaln unibɔn, ke u nan kpo ki ŋa kinimbɔŋ ki nan kpa nkun aapɔɔn na fam,

1 Jɔnn 4:3

Ubɔnabr umɔk len ke Yesu aa kpaln unii na kan, udaan ngbaan aa kpa Uwumbɔr Aafuur Nyaan. U ye Kristo aadin aabɔnabr la. Ni nan ŋun ke Kristo aadin aabɔnabtiib ga dan. Dandana wee, bi fuu ni dulnyaa ni a.

2 Jɔnn 1:7

Biŋmaŋmannim chuun dulnyaa wee ni ki wiir. Bi len ke Yesu Kristo aa nan kpaln unii ki dan dulnyaa wee ni. Bima le ye biŋmaŋmannim ki ye Kristo aadim.