Hiibru Yaab 5:3 - Uwumbɔr aagbaŋ

³ Uma ubaa aah kpa titunwanbir pu na, ni ŋan ke u toor kitork uma ubaa aatunwanbir, ni bi mu aatunwanbir pu.

UWONBƆR A GBƆNPƆŊ LIKƆƆNL

³ Ni ma bu le ni kpaa talar nin un mann u tɔɔl a bir a manug, nin bininfobin a bir a manug.

Hiibru Yaab 5:3 ပူးပေါင်းရင်းမြစ်များ

Liifai Yaab 16:15

U yaa ŋa kina doo kan, u kɔr uŋoja ki di toor binib ngbaan aatunwanbir aatork, ki li joo ni waasin Chain Chain Aapepel ni, aan ki nan di mu yɔk yɔk Uwumbɔr Aakaal Aadakaa chee, ni waabiil pu, ke waah di unaaja aasin ŋa pu na.

Liifai Yaab 16:6

U di unaaja toor kitork ki nyan ubaa, ni waamaal aatunwanbir.

Liifai Yaab 9:7

Moses nan bui Aaronn ke, “Li cha kitork aabimbiln chee, ki ti toor titunwanbir aatork, ni kitork ki bi joo seer mmii ni na, aan ki nyan aa ni binib ngbaan aatunwanbir. Toor kitork ngbaan tii Uwumbɔr ki nyan binib ngbaan aatunwanbir, ke Uwumbɔr aah mɔk pu na.”

1 Korenti 15:3

Maah nan gaa tibɔnyaan ngbaan na, tima le m nan di tuk ni mu. Ti ye tibɔkpaan ki jer tibɔr mɔmɔk. Tibɔnyaan ngbaan le ye ke Kristo nan kpo timi aatunwanbir pu. Ni ŋmee kina Uwumbɔr Aagbaŋ ni.

Hiibru Yaab 10:12

Yesu Kristo toor kookoo aatork titunwanbir pu nfum mbaa, le ki kal Uwumbɔr aaŋangii wɔb.

Hiibru Yaab 7:27

Bitotoorninkpiib biken aah bi pu na, waa bi kina. Waa toor kitork uma ubaa aatunwanbir pu, u toor kitork binib aatunwanbir pu la. Waa toor kitork iwiin mɔmɔk. U nan di ubaa toor kitork nfum mubaa, kookoo aatork mu le na.

Hiibru Yaab 9:7

Utotoorninkpel baanja le koo ni chain chain aapepel li bi libool ngbaan ponn ni na. U koo ni nima chee libiln mɔmɔk nfum mbaa baanja la. U yaa koo ni kan, see u joo ni nsin nan tii Uwumbɔr, uma ubaa aatunwanbir ni binib aatunwanbir pu.