Hiibru Yaab 5:13 - Uwumbɔr aagbaŋ

¹³ Unii umɔk nyu nnaabiin na ye ubopɔɔn la, kaa ŋmaa len nsanyaan aabɔr.

UWONBƆR A GBƆNPƆŊ LIKƆƆNL

¹³ Wan la mɔɔ nbiim ke, udaan la ye kiwatirig le, wan a lam kaa la gɔnn ni, nin tibuchinn a wɔɔmin paami.

Hiibru Yaab 5:13 ပူးပေါင်းရင်းမြစ်များ

Ilahn 119:123

Maah lik ki ban ke aa gaa mi lii ke saah nan puu pu na le cha nnimbil ti wu.

Aisaya 28:9

Bi len tibɔr ti kaa ŋan na m pu. Bi len ke, “Ŋma aan uja wee dak ke u mɔk tiwan? Ŋma neen waabɔr ti u nabr na? Ti ŋan tii mbim mu laa lii libiil na la.

Matiu 11:25

N‑yoonn ngbaan le Yesu bui ke, “Nte Uwumbɔr, u ye paacham ni taab Aadindaan na, aa bɔr tibɔr timina bilankpalb ni binimbiwolm, le ki di mɔk chapɔntiib, nima pu le m pak si.

Tibɔnyaan ti Mak ŋmee ti na 10:15

M tuk nimi mbamɔn la, unii umɔk kaa gaa Uwumbɔr aanaan ke ubo aah gaal tiwan pu na, waan koo mu ni.”

Rom Yaab 2:20

ki ga ŋmaa mɔk bijɔrb nlan, ki ga ŋmaa mɔk mbim mmɔkm. Saah nyi Moses aakaal mu na, aa dak ke aa nyi tiwan mɔmɔk, ki dak ke saah len pu na mɔmɔk ye mbamɔn.

1 Korenti 13:11

Maah nan ye ubo na, m nan len ibiliin la, ki nan beer tiwan mbim aah beer pu na, ki dak mbim aah dak pu na. Maah ŋa unii na, le m di cha mbim aabɔr.

1 Korenti 14:20

Nnaabitiib, ni taa ki li dak ke mbim aah dak pu na. Ni li dak ke binib bi chikr na aah dak pu na. Tɔ, bakaa wɔb ma kan, ni li bi ke mbipɔm na.

1 Korenti 3:1

Nnaabitiib, maa ŋmaa len ni chee ke maah ga len binib bi kpa Uwumbɔr Aafuur Nyaan na chee pu na. M len ni chee ke maah ga len binib bi dii dulnyaa aasan na chee pu na la. Ni laa ye mbipɔm le Kristo aasan ponn ni.

2 Korenti 3:9

Waah nan tii binib nkaal mu mɔk bi ke baabɔr bii na, bi nan kan nwiihn mu deer binimbil na, le waah tii timi tibɔnyaan ti mɔk timi ke timi aabɔr ŋan u chee na, tibɔnyaan ngbaan ga tii timi nwiihn ki ti jer kina.

Efesusi 4:14

Ti taa ki li ye mbim. Biŋmaŋmannim bi kpa nnyamɔn aalan ke bi di ŋmann binib na yaa tuk nimi tibɔyayan ti kaa ye Kristo aabɔr na kan, ni taa dii bi.

2 Timoti 3:16

Iliin imɔk bi Uwumbɔr Aagbaŋ ni na nyan ni Uwumbɔr chee la. Le i mɔmɔk kpa tinyoor, ki mɔk timi waasan, ki sur timi, ki toor timi aabimbin, ki mɔk timi taah ga li dii mbamɔm pu na.

1 Piita 2:2

Nimi nibaa lik ki kan Tidindaan aah kpa tiŋann pu na. Nima pu na, ni li ban Uwumbɔr aamɔbon ke ubopɔɔn aah ban mbiin pu na. Uwumbɔr aabɔr gbii, ki ga ter nimi ke ni moo dii waasan mbamɔm, ki ŋmar.

2 Jɔnn 1:11

Unii u doon u na kpaln ubakaatɔ le na.