Hiibru Yaab 5:1 - Uwumbɔr aagbaŋ

¹ Utotoorninkpel umɔk bi na, Uwumbɔr le lee u ki nyan u binib ponn ni siin, ke u ti sil baasisiiyaan Uwumbɔr aanimbiin ni, aan ki tii u ipiin, ki toor kitork tii u binib aatunwanbir pu.

UWONBƆR A GBƆNPƆŊ LIKƆƆNL

¹ Bi gann biminmanib a yudaau biɛn bininfob a sisiigin le, ki ta siin u kpiɛtiib a taai Uwonbɔr ban, ke u jɔɔ ipiin nin bi bir a manug ki tenn Uwonbɔr.

Hiibru Yaab 5:1 ပူးပေါင်းရင်းမြစ်များ

Liifai Yaab 8:2

“Di Aaronn ni ujapɔtiib buen Libool aabisamɔb chee nnimbiin ni, aan ki li joo ni bitotoorb aawanpeenkaan, ni nkpanmeenkaan, ni titunwanbir aatork aanaaja, ni ipihja ilee, ni boroboro u kaa kpa boroboro aanyɔk na kibɔɔkuuk kibaa,

Liifai Yaab 9:7

Moses nan bui Aaronn ke, “Li cha kitork aabimbiln chee, ki ti toor titunwanbir aatork, ni kitork ki bi joo seer mmii ni na, aan ki nyan aa ni binib ngbaan aatunwanbir. Toor kitork ngbaan tii Uwumbɔr ki nyan binib ngbaan aatunwanbir, ke Uwumbɔr aah mɔk pu na.”

Rom Yaab 15:17

Maah tun lituln tii Uwumbɔr na, le m ga ŋmaa li kpa kipupuk Yesu Kristo pu.

1 Korenti 15:3

Maah nan gaa tibɔnyaan ngbaan na, tima le m nan di tuk ni mu. Ti ye tibɔkpaan ki jer tibɔr mɔmɔk. Tibɔnyaan ngbaan le ye ke Kristo nan kpo timi aatunwanbir pu. Ni ŋmee kina Uwumbɔr Aagbaŋ ni.

Hiibru Yaab 10:11

Juu yaab aatotoorb mɔmɔk tun lituln iwiin mɔmɔk tii Uwumbɔr. N‑yoonn mɔmɔk, bi toor kitork kichachaan le tii u. Kitork ngbaan aan ŋmaa nyan titunwanbir binib aasui ni.

Hiibru Yaab 10:12

Yesu Kristo toor kookoo aatork titunwanbir pu nfum mbaa, le ki kal Uwumbɔr aaŋangii wɔb.

Hiibru Yaab 11:4

Abel nan gaa Uwumbɔr ki kii, nima le cha u nan toor kitork ki ŋan ki jer ukpel Keenn aah toor pu tii Uwumbɔr na. Waah gaa Uwumbɔr ki kii pu na, le Uwumbɔr len ke waabimbin ŋan, le ki gaa waah toor kitork ki tii u na. U kpo, le waah gaa Uwumbɔr ki kii pu na pu, u beenin len.

Hiibru Yaab 2:17

Ni ŋan ke u li naahn unaabitiib tiwan mɔmɔk ponn ni, aan ki li ye utotoorninkpel u san timi kinimbaak, ki tun Uwumbɔr aatuln mbamɔm, ki di ubaa toor kitork aan Uwumbɔr di cha pinn waanib baatunwanbir na.

Hiibru Yaab 7:27

Bitotoorninkpiib biken aah bi pu na, waa bi kina. Waa toor kitork uma ubaa aatunwanbir pu, u toor kitork binib aatunwanbir pu la. Waa toor kitork iwiin mɔmɔk. U nan di ubaa toor kitork nfum mubaa, kookoo aatork mu le na.

Hiibru Yaab 8:3

Baah leer bitotoorninkpiib bimɔk na, bi lee bi ke bi tii Uwumbɔr ipiin, ki toor kitork tii u. Nima pu na, ni ŋan ke utotoorninkpel ngbaan mu li kpa tiwan ki tii Uwumbɔr.

Hiibru Yaab 8:4

Bitotoorninkpiib bi dulnyaa wee ni ki toor kitork tii Uwumbɔr, Juu yaab aakaal aah dii pu na la. Yesu yaa ba laa bi dulnyaa wee ni kan, waa ba ga li ye utotoor.

Hiibru Yaab 9:9

Libool ngbaan le nan ye Yesu aabɔr aamɔkl ki tii bi. Libool ngbaan ponn ni, le bi joo ipiin, ni tiwakor toor kitork tii Uwumbɔr. Kitork ngbaan aa nan cha bisui doon titunwanbir pu.