Hiibru Yaab 4:6 - Uwumbɔr aagbaŋ

⁶ Binib bi puen ŋun tibɔnyaan tee na, baa nan gaa ti ki kii, nima le baa kan lifuur ngbaan. Binib biken mu ga kan lifuur ngbaan.

UWONBƆR A GBƆNPƆŊ LIKƆƆNL

⁶ Ni le la biɛn nin ye man le ke biba na li kɔɔ lifooril nmɔn yaan, amaa ban nan chinn ki gbir tibɔŋann nmɔn nin kaa nan kɔɔ lifooril nmɔn yaan ni, nan bu-n bi mɔyiil nbu.

Hiibru Yaab 4:6 ပူးပေါင်းရင်းမြစ်များ

Aisaya 65:15

Maanib bi m nyan bi na ga li joo nimi aayimbil le puuni lir binib pu, ke bi li bee fam ke nimi na. Min, Bidindaan Uwumbɔr le ga ku nimi, le ki tii binib bi kii maamɔb na liyimbipɔln.

Nkahm 14:12

M ga cha iween i bir sakpen na dan nan lir bi pu, ki kuln bi, ki tee cha sin Moses ma maa pam ki ŋa litimbokpaan, ki li kpa mpɔɔn sakpen ki jer bi.”

Nkahm 14:31

Ni bui ke bi ga chur nimi aabim tinaagbiir; nima le m ga cha bi koo kitiŋ ki ni yii ki na ni, le ki ga li ye baatiŋ, le bi ji kaamɔɔn.

Matiu 21:43

“M tuk nimi la, Uwumbɔr ga nyan ni chee waanaan, ki di tii linibol li ga dii waah ban pu na. [

Lituln 28:28

Pɔɔl nan ki bui bi, “M ban ke ni bee ke Uwumbɔr tun mi ke m buen binib bi kaa ye Juu yaab na chee, ki ti tuk bi waabɔr, aan bi mu ŋmar. Bima le ga ŋun.” [

1 Korenti 7:29

Nnaabitiib, maah len pu na le ye ke n‑yoonn mu gur na, mu par a. Nima pu na, binib bi kpa puutiib na, bi li bi ke baah kaa kpa le na;

Galantiya 3:8

Ni ki ŋmee Uwumbɔr Aagbaŋ ni ke Uwumbɔr nan bee ke binib bi kaa ye Juu yaab na ga nan gaa u ki kii ki ŋmar. Baah kaa nan kee gaa u ki kii buyoonn na, le u nan puen tuk Abraham tibɔnyaan tee, ki bui u, “Aa pu, le m ga ŋa tinyoor ŋa ŋinibol mɔmɔk pu.”

Hiibru Yaab 4:11

Nima pu na, cha tinimbil li man ke ti kan lifuur ngbaan, ubaa taa yii Uwumbɔr aamɔb ki lir, ke Israel yaab aah nan lir pu na.

Hiibru Yaab 4:2

Ti mu ŋun tibɔnyaan tee ke binib ngbaan aah nan ŋun ti pu na. Bi nan ŋun ti, kaa gaa ti ki kii, nima le tibɔnyaan ngbaan aa ŋa bi tinyoor.

Hiibru Yaab 4:9

Naah bi pu na, lifuur beenin bi ki tii Uwumbɔr aanib.