Hiibru Yaab 3:8 - Uwumbɔr aagbaŋ

⁸ ni taa cha nitafal li pɔɔ ke niyaajatiib aatafal aah nan pɔɔ pu buyoonn bi nan yii waamɔb nteersakpiin ni na.

UWONBƆR A GBƆNPƆŊ LIKƆƆNL

⁸ ni laa ta niba ŋa tukangbirdami, wee ki kɔnn bininkpeeb ke ni yaajam kaah nan mag u n-yonn man wee bi nan be kukunkɔɔg a paabin ni,

Hiibru Yaab 3:8 ပူးပေါင်းရင်းမြစ်များ

2 Bibɔrb 17:14

Le baan kii tii u; bi nan kpa tafalaaŋun ke biyaajatiib bi kaa nan di naadii tii Bidindaan Uwumbɔr na la.

2 Bibɔrb Aabɔr 30:8

Taa li kpa tafalaaŋun ke baah nan kpa pu na man, ni tee kii Uwumbɔr aamɔb. Dan man Uwumbɔr Aadichal li Nidindaan Uwumbɔr ŋa li chain n‑yoonn mɔmɔk aan li bi Jerusalem ni na ni, ki nan doon u aan waaŋuul sɔŋ ni pu.

2 Bibɔrb Aabɔr 36:13

Sedekia nan nyan Ubɔr Nebukadnesar, u nan cha u puu Uwumbɔr aayimbil pu ke u ga li si uchaŋ ni mbamɔm na aapuwɔb. U nan kpa tafalaaŋun, le ki yii, kaa kpeln waabimbin ki fenn dan Israel yaab Aadindaan Uwumbɔr chee.

Nehemia 9:16

Le tiyaajatiib nan ŋa gaankpela ni n‑yipɔɔn, ki yii, kaa kii tii saakaal.

Job Aagbaŋ 9:4

Uwumbɔr aalan ni waapɔɔn nyaŋ a, unii ubaa aa bi ki ga ŋman u.

Ilahn 106:14

Le nteersakpiin ngbaan ni, kikpeek cha bi tɔŋ Uwumbɔr;

Ilahn 78:18

Bi nyi le ki tɔŋ Uwumbɔr ki bui ke u tii bi tijikaar ti bi ban na.

Ilahn 78:56

Le bi tee nyan Uwumbɔr u kaa kpa ŋeen aatɔ na aapuwɔb, ki tɔŋ u; baa nan joo waakaal;

Ilahn 95:8

“Taa cha nitafal li pɔɔ ke niyaajatiib aah nan bi pu Meriba aatiŋ ni na, ke baah nan ŋa pu nteersakpiin ni, Masa aatiŋ ni na.

Nnyam 17:7

Bi nan yin nima chee ke Masa, ki ki yin ni ke Meriba; ba pu? Israel yaab nan ŋulni Uwumbɔr pu ki tɔŋ u, ki baa ke, “Uwumbɔr bi ti chee aan waa bi?”

Nnyam 8:15

Ubɔr ngbaan aah kan ke ŋipulaatal mɔmɔk kpo doo na, le u ki pɔɔk usui, le ni gbiin Uwumbɔr aah nan tuk Moses ni Aaronn pu na, ke ubɔr ngbaan ga pɔɔk usui kaan tii bi nsan.

Ŋiyataŋak 28:14

Aa yaa ban mpopiin kan, kii tii Uwumbɔr n‑yoonn mɔmɔk. Aa yaa kpa tafalaaŋun kan, saamɔfal ga junn.

Ŋiyataŋak 29:1

Buyoonn bi sur si aa yii ki moo ŋani kalmbaani na kan, daalbaadaal aa ga nan lir, kaan ki fii sil.

Jeremia 7:26

Le ubaa aa kpa ntafaŋum. Ni labr kpa tafalaaŋun ki tun titunwanbir ki jer niyaajatiib.

Daniel 5:20

Tɔ, u nan di kigaak, ni inimpool, ni mbiin di ŋa waawangol na, nima le Uwumbɔr nan nyan u waanaan ni, ni kipak ni.

Nkahm 14:11

Uwumbɔr nan baa Moses ke, “Bayoonn aan binib bee ga di cha kaan ki yii mi? Maah ŋa lijinjiir aawan bikaasisik ni pu na, bayoonn aan bi ga di cha ki tii mi naadii?

Matiu 13:15

Ba pu? binib ngbaan aasui aa bi nibaa ni. Bitafal kpaa la. Bi ŋub binimbil, kaa ban ke binimbil woln, kaa ban ke bitafal ŋun, kaa ban ke bisui bee Uwumbɔr aaliin aatataa, kaa ban ke bi kpeln baabimbin ki dii Uwumbɔr aasan ke u tii bi laafee.’

Lituln 19:9

Le bi ponn ni bibaa aatafal pɔɔ. Baa kii tii waaliin, le ki len tibɔr ti kaa ŋan na Tidindaan aasan pu, kinipaak aanimbil ni. Kina pu le Pɔɔl siir cha bi, ki di binib bi dii Yesu aasan na buen uja u bi yin u ke Tiranus na aadisakpeŋ ki ponn ni binib ŋmaa kuun ni na. Idaa mɔmɔk le u ni binib gbaa tɔb chee Yesu aabɔr nima.

Lituln 7:36

Uma Moses le nyan bi Ijipt aatiŋ ni, ki tun lijinjiir aatun nima chee, ni Limɔɔkal Aanyusakpem ni, le ki ti nin tun lijinjiir aatun timoor ni, ŋibin imonko ilee.

1 Korenti 10:9

Ni mu taa tɔŋ Tidindaan ke bi ponn ni bibaa aah nan tɔŋ u pu ki cha iwaa junn ku bi na.

Ikaal 6:16

“Ni taa tɔŋ Nidindaan Uwumbɔr ke naah nan ŋa pu Masa aatiŋ ni na.

1 Samuel 6:6

Ba ŋa nitafal pɔɔ ke Ijipt aabɔr ni waanib aatafal aah nan pɔɔ pu na? Taa suln man Uwumbɔr aah nan ŋa bi falaa aan ki ti nin cha Israel yaab nyan baatiŋ ponn ni pu na.