Hiibru Yaab 2:2 - Uwumbɔr aagbaŋ

² Tibɔr ti Uwumbɔr nan cha waatuuntiib tuk waanib na sil mbamɔm la. Unii umɔk nan yii tibɔr ngbaan ki ŋa taah kɔ pu na nan kan ntafadaan mu ŋeer u na.

UWONBƆR A GBƆNPƆŊ LIKƆƆNL

² Nan bu-n Malakam kaah nan pag tibɔr tan sei ti yaajamin nan wɔɔn ke ni ye ibamɔn le, le ban nan yii tibɔr nmɔn nan kan litudaril lan kpaan bi ke,

Hiibru Yaab 2:2 ပူးပေါင်းရင်းမြစ်များ

Ilahn 68:17

Uwumbɔr ga di waataan aatɔroku mam ŋichur ŋichur bi kpa mpɔɔn na nyan ni Sainai aajool ki nan koo ni nin chee bi chain na.

Nkahm 11:33

Tinann ngbaan aah nan gbii ni kookoo, aan bi beenin ŋmɔ na, le Uwumbɔr aaŋuul nan fii bi pu, le u cha iween dan bi pu.

Nkahm 16:49

Binib bi nan kpo na nan saa ŋichur kipiik ni ŋinaa, ni ikui ilole. Kora ni binib bi nan kpaan kpo buyoonn u nan galn Moses na aa bi bi ponn ni.

Nkahm 21:6

Le Uwumbɔr cha iwaa i kpa liluul na dan nan junn bi, le bi ponn ni pam nan kpoi.

Nkahm 25:9

Israel yaab bi nan puun kpo Uwumbɔr aaŋuul pu na nan pii binib ŋichur moninko ni ŋinaa.

Lituln 7:53

Uwumbɔr nan tun ni waatuuntiib bi nan tii nimi waakaal. Le ni yii, kaa kii nkaal ngbaan.”

Galantiya 3:19

Ni yaa ye kina kan, ba pu Uwumbɔr nan tii binib nkaal ngbaan? U nan tii bi nkaal ngbaan ke bi bee titunwanbir aah ye pu na. U ban ke nkaal ngbaan li bi ki nan saa buyoonn Abraham aayaabil ga fuu ni na. Abraham aayaabil ngbaan le Uwumbɔr nan puu tipuur ngbaan tii u. Uwumbɔr nan cha waatuuntiib di nkaal ngbaan tii Moses, ke u di tii binib.

Ikaal 17:12

Unii u yii ubɔjir, bee utotoor u bi lituln ni liyaadaal ngbaan na aamɔb kan, ni ku u. Ni yaa nyan udaan ngbaan kina kan, ni ga nyan kina aatunwanbir, Israel aatiŋ ni.

Ikaal 17:2

“Nibaakan, ni ga ŋun ke nimi aatiŋ kibaa ponn ni uja, bee upii tun Uwumbɔr titunwanbir ki bii waakaal,

Ikaal 17:5

ni nyan udaan ngbaan kitiŋ aagbaan aan ki mee ŋitakpal ku u.

Ikaal 27:26

“‘Uwumbɔr aamɔpuur bi unii umɔk yii, kaa joo Uwumbɔr aakaal ni waamɔkm mɔmɔk na pu.’ “Le binib ngbaan mɔmɔk ga kpaan ki kii ke, ‘Amii.’

Ikaal 32:2

Maamɔkm ga lir ke utaal na la, le ki bi kitiŋ pu ke limaln na. Maamɔbon ga lir ke titaapupur aah lir timoor ti laa diin na pu na la, ki ki naahn ke utaal u lir yɔl yɔl timoor ti laa chiin na pu na.

Hiibru Yaab 1:1

N‑yaayoonn na Uwumbɔr nan cha waabɔnabtiib tuk tiyaajatiib waabɔr ki di tiwan aabɔŋ aabɔŋ ŋaŋ waasan.

Hiibru Yaab 10:28

Unii ubaa yaa nan yii Moses aakaal kan, biseeraadam bilee, bee bitaa, yaa len ke ti gbii kan, le bi ku u, kaa san u kinimbaak.

Hiibru Yaab 10:35

Ni taa di nimi aapobil lii man; ba pu? nima le ga cha ni kan tinyoor sakpen.

Hiibru Yaab 11:26

U nan bee ke u yaa kan ŋisiibil Kristo pu kan, u ga nan kan tinyoor ti jer Ijipt aatiŋ aawankpal mɔmɔk na. Ba pu? utafal nan bi tinyoor ti Uwumbɔr ga tii u na ni la.

Hiibru Yaab 11:6

Unii yaa kaa gaa Uwumbɔr ki kii kan, waan ŋmaa piir Uwumbɔr aasui. Unii u dan Uwumbɔr chee na, see u pak ke u bi, ki pak ke u ŋani binib bi ban u na tinyoor.

Hiibru Yaab 12:25

Ni li nyi man, ki taa yii Uwumbɔr u len ni chee na. Buyoonn u nan sur Israel yaab dulnyaa wee ni na, le bi yii, le u daa bitafal. Ti yaa yii Yesu u nyan ni paacham ki nan sur timi na kan, u ga sil daa titafal.

2 Piita 1:19

Nima le mɔk timi ke Uwumbɔr aabɔnabtiib aah nan len Yesu aabɔr pu na, bi len mbamɔn la. Ni ŋan ke ni kii baah len pu na. Baaliin bi ke karyaa u wiin mbɔmbɔɔn ni na aah bi pu na. I ga woln ninimbil ki ti saa buyoonn Yesu Kristo ga gir ni ki nan woln ninimbil mbamɔm na.

Juud 1:5

Ni nyi maah ga tuk nimi pu na mɔmɔk. Le m ban m teer nimi. Uwumbɔr nan nyan Israel yaab Ijipt aatiŋ ni ki gaa bi lii. Le u mu nan ku bi ponn ni binib bi kaa gaa u ki kii na.