Hiibru Yaab 2:17 - Uwumbɔr aagbaŋ

¹⁷ Ni ŋan ke u li naahn unaabitiib tiwan mɔmɔk ponn ni, aan ki li ye utotoorninkpel u san timi kinimbaak, ki tun Uwumbɔr aatuln mbamɔm, ki di ubaa toor kitork aan Uwumbɔr di cha pinn waanib baatunwanbir na.

UWONBƆR A GBƆNPƆŊ LIKƆƆNL

¹⁷ Ni nan bu ni nan kpaa talar le u li be ke u nabum kaah be man nin niwann biɛn nin, wee ki fir kpann biminmanib a yudaau wan yab ki si nba bu nin wan ye unyunyunbasann u toon yin ki sei Uwonbɔr, ki ta uba ki mann tibir a manug ki sei bininfob.

Hiibru Yaab 2:17 ပူးပေါင်းရင်းမြစ်များ

2 Bibɔrb Aabɔr 29:24

Le bitotoorb kɔr i, ki di yaasin kpir kitork aabimbiln pu, ke ni li ye kitork ki ga nyan binib ngbaan mɔmɔk aatunwanbir na. Ubɔr ngbaan nan bui ke bi toor kitork ki bi joo seer mmii ni na, ni titunwanbir aachapinn aatork tii Israel yaab mɔmɔk.

Aisaya 11:5

U ga joo waanib mbamɔm ni kinyaan.

Esekiel 45:15

Ni nyan upiih ubaa Israel aapihkpaamook aapiih ikui ilee ni tii mi ipiin. “Ni li joo ni njikaabim aatork, ni tiwakor ti ni ga di see mmii ni timɔnn na, ni kimɔbaan aatork nan tii mi, aan ki kan chapinn nimi aatunwanbir pu. Min Nidindaan Uwumbɔr le siin kina.

Esekiel 45:17

Ni ye uma le aatuln ke u ban tiwakor ti bi ga di see mmii ni timɔnn na, ni njikaabim aatork, ni ŋisubil aadaan aapiin i bi ga di toor Israel aatimbol mɔmɔk pu Uŋmapɔɔn Aajim ni, ni Likpaakool aawiin aatork, ni njim muken aatork ni na. Uma le ga ban titunwanbir aatork, ni njikaabim aatork, ni kitork ki bi ga di see mmii ni na, ni kimɔbaan aatoor, ti ga nyan Israel aanib aatunwanbir na.”

Esekiel 45:20

Ni ki ŋa kina aatork winlole daal, unii umɔk aa nyi ki tun titunwanbir na pu. Kina le ni ga cha Maadichal li bi chain.

Daniel 9:24

“Ŋibin ŋi Uwumbɔr di siin ke u nyan saanib, ni kitiŋ ki bi chain na titunwanbir ni, ni tiwan ni kaa ŋan na ni na, ye ŋibin imonko itaa ni kipiik nfum mulole pu la. U ga di cha pinn titunwanbir, ki cha ibamɔn i ga li bi n‑yoonn mɔmɔk na dan, le tidaŋ ngbaan, ni Uwumbɔr aabɔnabr ngbaan aamɔbon ga gbiin, le Uwumbɔr Aadichal li bi chain na ga ki gir sil.

Liifai Yaab 14:18

Nkpan mu gur uŋaapɔtan ni na, u di kpir uja ngbaan aayil pu. U yaa ŋa kina kan, u toor ki ŋa udaan ngbaan chain le na.

Liifai Yaab 16:16

Kina le u ga toor ki ŋa Chain Chain Aapepel ni chain, ki nyan Israel yaab aah kaa bi chain pu na, ni baatunwanbir. U ŋa Libool ngbaan kina, ba pu? li si binib ngbaan aah ka pu na aakaasisik ni la, le baa bi chain.

Liifai Yaab 6:30

Tɔ, ni yaa di kiwakork ngbaan aasin buen Libool na ni, ki ti di mu tii ke mu nyan titunwanbir kan, ni taa ŋmɔ kiwakork ngbaan; ni see ki mmii ni.

Liifai Yaab 8:15

Moses nan kɔr u, le ki teŋ waasin, ki di uŋanbik ŋa nsin ngbaan ni, ki di ŋa kitork aabimbiln na aalɔlɔ aamɔju pu, le ki di li tii Uwumbɔr. U nan di nsin mu gur na kpir libimbiln ngbaan aataab. U nan ŋa kina ki toor li chain, le ki di li tii Uwumbɔr.

Nkahm 15:25

Utotoor le ga ŋa kina aatork ki ŋa binib ngbaan mɔmɔk chain, le bi ga kan chapinn, ba pu? baa nyi le ki tun taani ngbaan, le ki mu joo ni titunwanbir aatork aapiin ke ni ye tijikaar aapiin le nan tii Uwumbɔr.

Rom Yaab 15:17

Maah tun lituln tii Uwumbɔr na, le m ga ŋmaa li kpa kipupuk Yesu Kristo pu.

Rom Yaab 5:10

Buyoonn ti nan ye Uwumbɔr aadim na, le Ujapɔɔn nan kpo ti pu. U pu, le ti ni Uwumbɔr kpaan kijɔtiik. Ti ni Uwumbɔr aah kpaan kijɔtiik na, ŋmaninkabaa taah ga ŋmar waamɔfal pu pu na?

Efesusi 2:16

Waah kpo ndɔpuinkoo pu na, u di timi ni bima, ki kpaan linibol libaa, ki giin bi Uwumbɔr chee, bi ni Uwumbɔr ti kpaan ki ŋa kijɔtiik. Waah ŋa kina na, le u kuln kiduŋ ki nan bi ti ni bikaasisik ni na.

Kolosiya 1:21

N‑yoonn mbaa ni nan ye biwɔwɔm le Uwumbɔr chee. Ni nan dak ilandak i kaa ŋan na, ki tun lituln li kaa ŋan na, nima le ni nan ye Uwumbɔr aadim,

Hiibru Yaab 10:21

Ti kpa utotoorninkpel u joo timi bi ye Uwumbɔr aanib na.

Hiibru Yaab 2:11

U ŋani binib chain la. U ni binib bi u ŋani bi chain na, bi mɔmɔk kpaan te ubaa la. Nima le inimɔɔn aa joo u ke u yin bi unaabitiib.

Hiibru Yaab 2:14

Tɔ, timi waabim aah ye binibɔm pu na, nima le uma Yesu mu kpaln unibɔn, ke u nan kpo ki ŋa kinimbɔŋ ki nan kpa nkun aapɔɔn na fam,

Hiibru Yaab 2:16

Ni ye mbamɔn, naa ye Uwumbɔr aatuuntiib le u ter. Abraham aayaabil le u ter.

Hiibru Yaab 3:1

Nnaabitiib bi bi chain, aan Uwumbɔr yin bi na, ni li dakl lik Yesu aabɔr. Ti dii u ki len binib aanimbil ni ke ti dii u la. Uwumbɔr nan tun ni u, ke u nan li ye utotoorninkpel.

Hiibru Yaab 3:2

U tun lituln mbamɔm tii Uwumbɔr u tii u lituln ngbaan na. Moses mu nan tun Uwumbɔr aatuln mbamɔm Uwumbɔr aamaal aanib aakaasisik ni.

Hiibru Yaab 3:5

Ni ye mbamɔn, Moses nan tun Uwumbɔr aatuln mbamɔm, Uwumbɔr aamaal aanib aakaasisik ni. U nan ye Uwumbɔr aatutunn, ki tuk binib Uwumbɔr aah nan ban ke u tuk bi pu na.

Hiibru Yaab 4:14

Tɔ, ti kpa utotoorninkpekpaan u bi Uwumbɔr do na. U ye Uwumbɔr Aajapɔɔn Yesu la. Nima pu na, cha ti li beenin dii u ki taa di waasan lii.

Hiibru Yaab 4:15

Utotoorninkpel ngbaan ga ŋmaa san timi kinimbaak timi aafalaa ponn ni. U kan ntɔŋ aabɔŋ aabɔŋ ke taah kan ntɔŋ mɔmɔk pu na. Uma le aa tun titunwanbir tibaa.

Hiibru Yaab 5:1

Utotoorninkpel umɔk bi na, Uwumbɔr le lee u ki nyan u binib ponn ni siin, ke u ti sil baasisiiyaan Uwumbɔr aanimbiin ni, aan ki tii u ipiin, ki toor kitork tii u binib aatunwanbir pu.

Hiibru Yaab 5:10

Uwumbɔr len ke u ye utotoorninkpel ke Melkisedek aah nan ye pu na.

Hiibru Yaab 5:2

Utotoorninkpel ubaa mu kpa titunwanbir la. Nima le u ga ŋmaa san binib bi tun titunwanbir kaa nyi na kinimbaak.

Hiibru Yaab 5:5

Kina le Kristo aa nyuŋ ubaa ki ŋa ubaa utotoorninkpel. Uwumbɔr le bui u ke, “Sin le ye Maabo, din wee le m ma si,”

Hiibru Yaab 6:20

Yesu le ye utotoorninkpel n‑yoonn mu kaa kpa ndoon na, ke Melkisedek aah nan ye pu na, ki loln ti pu nsan ki buen Uwumbɔr do, ke u ti sil timi aasisiiyaan nima chee, Uwumbɔr aanimbiin ni.

Hiibru Yaab 7:26

Yesu le ye utotoorninkpel taah ban pu na. U bi chain, kaa kpa ngalm, kaa kpa titunwanbir tibaa. U ni titunwanbirdam aa kpaani. Uwumbɔr yoor u paacham ki jer bimɔk bi paacham na.

Hiibru Yaab 7:28

Bi nan leer bitotoorninkpiib Moses aakaal aah dii pu na. Bitotoorninkpiib ngbaan aa nan ŋan ti doo. Nkaal ngbaan aapuwɔb le Uwumbɔr puu tipuur, ki ŋa Ujapɔɔn utotoorninkpel. Uma le ye utotoorninkpel bamɔnn, ki ga li bi n‑yoonn mu kaa kpa ndoon na.

Hiibru Yaab 8:1

Maah len pu na aayil le ye ke ti kpa utotoorninkpel wee aaboln. Uma le ye Yesu Kristo u ka Uwumbɔr u yeh mpɔɔn mɔmɔk na aabɔrjal aaŋangii wɔb paacham na.

Hiibru Yaab 8:3

Baah leer bitotoorninkpiib bimɔk na, bi lee bi ke bi tii Uwumbɔr ipiin, ki toor kitork tii u. Nima pu na, ni ŋan ke utotoorninkpel ngbaan mu li kpa tiwan ki tii Uwumbɔr.

Hiibru Yaab 9:11

Dandana wee Kristo fuu ni a, ki ye utotoorninkpel, ki joo ni nsanyaan mu bi nan len ke mu ga fuu ni na. Waa koo ni libool li binib ŋa li dulnyaa wee ni na. U dii lipepel li jer dulnyaa wee aabool ngbaan na,