Hiibru Yaab 2:1 - Uwumbɔr aagbaŋ

¹ Nima pu na, ni ŋan ke titafal li bi tibɔnyaan ti ti ŋun ti na ponn ni, ti taa di ti lii.

UWONBƆR A GBƆNPƆŊ LIKƆƆNL

¹ Mambu ni kpaa talar le nin ti li ŋmag ibamɔn yan wee ti nan gbirin, wee niba laa ta ti ki nya ibamɔn nmɔn yaan ni.

Hiibru Yaab 2:1 ပူးပေါင်းရင်းမြစ်များ

1 Bibɔrb Aabɔr 22:13

Aa yaa dii ikaal i mɔmɔk Uwumbɔr nan di tii Moses ke u di tii Israel yaab na kan, aa ga nyaŋ. Cha aanimbil li man ki li si chob, ki taa san nibaa ijawaan.

Ilahn 119:9

Binib bi laa diin na yaa ban baabimbin li ŋan kan, see bi kii saakaal.

Ŋiyataŋak 3:21

Maabo, li joo nlan ni mbaem mbamɔm. Taa cha ni nya aa chee daalbaadaal.

Habakuk 1:6

M ban ke m di mpɔɔn ŋa Babiloŋ aanib bi kpa mbiin kaa san nibaa na aaŋaal ni la. Bi chuun dulnyaa wee mɔmɔk ni ki ban ntim ke bi nyaŋ ki gaa mu la.

Habakuk 2:16

Sin le ga kan inimɔɔn, naan li ye kipak. Sin aabaa ga nyu ndaan ki gbii. Uwumbɔr le ga daa aatafal ki cha inimɔɔn biin saapak pu.

Matiu 16:9

Naa kee bee maabimbin aa? Naa teer maah nan di ŋiboroboro kpin ŋiŋmu kpiin bijab ŋichur ŋiŋmu pu na aa? Ni nan yoor tijikaar ti gur na tibɔɔkur tiŋa?

Tibɔnyaan ti Mak ŋmee ti na 8:18

Ni kpa ŋinimbil, kaa waa aa? ki kpa ŋitafal, kaa ŋun aa?

Tibɔnyaan ti Luk ŋmee ti na 8:15

Mu lir kitiŋ ki ŋan na ponn ni na le ye binib bi aasui ŋan ki ye mbamɔn na, ki ŋun Uwumbɔr aabɔr, ki joo ti mbamɔm, ki kpa limɔr, ki dii Uwumbɔr kaa di cha na.”

Tibɔnyaan ti Luk ŋmee ti na 9:44

“Bi ga di min Unibɔn Aabo ŋa binib aaŋaal ni la. Cha tibɔr timina koo nitafal ni man.”

Jɔnn 8:59

Le bi yoor ŋitakpal bi ti mae u. Le u miln ki nyan Uwumbɔr Aadichal ni.

Ikaal 4:23

Ni pɔɔn nibaa, ki taa suln tipuur ti Nidindaan Uwumbɔr nan puu tii nimi na. Ni kii waamɔb, ki taa naan liwaal libaa tii nibaa.

Ikaal 4:9

Ni li kii nibaa man. Ni yaa bi limɔfal ni ki ti saa buyoonn na kan, ni taa suln ninimbigbaŋ aah kan tiwan ni Uwumbɔr ŋa na. Ni tuk nimi aabim, ni niyaabitiib,

Hiibru Yaab 12:5

Ni suln Uwumbɔr aah sur nimi pu na aa? U yin nimi waabim ki bui ke, “Maabo, Uwumbɔr yaa sak si kan, ŋun mbamɔm. U yaa cha falaa pii si ke u chiin si kan, taa cha aataakpab yɔl.

2 Piita 1:15

Le m ga pɔɔk mbaa ki tii nimi kigbaŋ ki ga li teer nimi tibɔr tee n‑yoonn mɔmɔk, ki joo cha maakundaal aapuwɔb na.

2 Piita 3:1

Maanigeekaab, kigbaŋ kimina ye kigbaŋ leler le m ki ŋmee tii nimi. Tigbann tilee ngbaan mɔmɔk ponn ni, le m teer nimi tibɔr ngbaan pu, ke m fiin ilandaknyaan nisui ni.