Hiibru Yaab 13:6 - Uwumbɔr aagbaŋ

⁶ Nima pu le ti ga li kpa lipobil ki bui ke, “Uwumbɔr ye maateter la. Maan san ijawaan. Ubaa aan ŋmaa ŋa mi nibaa.”

UWONBƆR A GBƆNPƆŊ LIKƆƆNL

⁶ Ni ma bu le ti pag nin tidindann ke, “Uyudaan le ye wan terim; ni bu jawaam kaa jɔɔmi. Uninfosaal li fir ŋaam baa?”

Hiibru Yaab 13:6 ပူးပေါင်းရင်းမြစ်များ

Mpiin 15:1

Nimina aapuwɔb, le Uwumbɔr nan kpiir ubaa mɔk Abram ki bui u ke, “Abram, taa li san ijawaan. M ga kiir tibɔbir mɔmɔk ti ga dan aa pu na, ki tii si ipiin sakpiin.”

1 Bibɔrb 17:8

Le Uwumbɔr nan bui Elaija ke,

Ilahn 124:8

Timi aaterm nyani Uwumbɔr u naan paacham ni kitiŋ na chee la.

Ilahn 146:3

Taa li kpa limakl unibɔn aayidam pu, unibɔn aan ŋmaa nyan si tibɔr ni.

Ilahn 27:9

Uwumbɔr u gaal mi lir na, taa gee liŋuul m pu; m ye saatutunn la, taa jenn mi aa chee. Sin le ter mi; taa di mi lii, taa siir cha mi.

Ilahn 33:20

Ti di timi aamakl ŋa Uwumbɔr aaŋaal ni la; uma le ye u kii timi ki ter timi na.

Ilahn 40:17

Uwumbɔr, nwon yɔl, le m ye ugiin, le saa suln mbɔr. Sin le ye Maawumbɔr u gaal mi lir na, ŋa mala ki nan ter mi.

Ilahn 54:4

Uwumbɔr mu le ye u ter mi na. Uma Uwumbɔr le ye maakikiir.

Ilahn 56:4

M kpa Uwumbɔr pu gaakii le kaa san ijawaan; m pak u waah puu tipuur ti na pu. Unibɔn aan ŋmaa ŋa mi nibaa.

Ilahn 63:7

ba pu? sin le ter mi n‑yoonn mɔmɔk. Aaŋmaŋ taab le m ga gaa mpopiin aalahn.

Ilahn 94:17

Uwumbɔr yaa kaa ba nan ter mi kan, kina m ba nan san mala sunn bitekpiib chee.

Nnyam 18:4

U nan ki bui ke, “Nte Aawumbɔr le ter mi le ki gaa mi lii Ijipt yaab aabɔr u ban u ku mi na chee,” kina pu na, u nan yin uken na ke Elieser.

Aisaya 41:10

Taa san ijawaan man. M bi ni chee. Min le ye nimi Aawumbɔr, taa cha nibaa faan nimi man. M ga tii nimi mpɔɔn ki ter nimi; m ga li kii nimi ki nyan nimi tibɔr ni.

Aisaya 41:14

Uwumbɔr bui ke, “Israel yaab, naah par kaa ki kpa mpɔɔn mu pu na, taa san man ijawaan, m ga ter nimi. Min, u ye nimi Israel yaab Aawumbɔr u bi chain na, min le ye u gaal nimi lir na.

Matiu 10:28

Ni taa san binib ijawaan man. Bi ga ŋmaa ku nimi aawon baanja la. Baan ŋmaa ku nimi aawiin. Ni li san Uwumbɔr u ga ŋmaa bii tiwon ni nwiin mɔmɔk mmii mu kaan junn na ponn ni na.

Rom Yaab 8:31

Uwumbɔr aah ŋa kina mɔmɔk na, ti ga len kinye? Uwumbɔr aah si tichaŋ ni na, ubaa aan ŋmaa ŋa timi nibaa.

Efesusi 3:12

Taah gaa Yesu ki kii ki kpaan u ni na, nima le ti kpa lipobil ke ti dan Uwumbɔr chee ki nan doon u, ki taa li san ijawaan.

Ikaal 33:26

Israel aanib, ubaa aa ki bi ke nimi Aawumbɔr na, uma le bi paacham, ntaalangbam ni, ki ter nimi.

Ikaal 33:29

Israel yaab, ni kpa mpopiin pam. Lilanibol kpa liyimɔɔn ke nimi na? Nimi aatimbol le Uwumbɔr gaa li lii. Uwumbɔr ubaa le ye nimi aakikiir, ki ter nimi, ki ga li kii nimi, ki tii nimi linyaŋ. Nimi aadim ga san nimi ijawaan ki gaŋ nimi ke ni san bi kinimbaak, le ni ga taa taa bi pu.

Hiibru Yaab 10:19

Nnaabitiib, Yesu aasin pu le ti kpa lipobil ke ti koo ni chain aapepel ponn ni, Uwumbɔr aah bi nin chee na.

Hiibru Yaab 4:16

Timi aatotoorninkpel aah bi kina na, cha ti li kpa lipobil ki dan Uwumbɔr u kpa tibulchinn na aabɔrjal chee, aan u san timi kinimbaak, ki ter timi buyoonn ti ban nterm na.

1 Samuel 23:17

ki len ke, “Taa san ijawaan. Nte Sɔɔl aan ŋmaa ŋa si nibaa. U nyi gbingbin ke sin le ga ŋa Israel aabɔr, le m li paa aa pu.”