Hiibru Yaab 13:5 - Uwumbɔr aagbaŋ

⁵ Ni taa cha ninimbil li man ŋimombil pu. Cha ninimbil gbiin naah kpa ni na pu. Ba pu? Uwumbɔr ubaa le bui ke waan di cha si. Waan di si lii.

UWONBƆR A GBƆNPƆŊ LIKƆƆNL

⁵ Ni choo niba nin ilig a jiɛma, wee ki che ni num ngbee nan wee ni jɔɔ-n, nan bu-n Uwonbɔr len ke, “Maa li nyi ki jiɛn ni; maa li nyi ki yii ni.”

Hiibru Yaab 13:5 ပူးပေါင်းရင်းမြစ်များ

Mpiin 28:15

Taa suln, ki li teer n‑yoonn mɔmɔk ke m ga li bi aa chee, le ki ga li joo si saah ga buen nimɔk na, ki ga ki giin ni si kitiŋ kee pu. Maan di si lii see m ŋa maah puu ke m ga ŋa si pu na.”

Mpiin 30:31

Le Labann baa u ke, “Aa ban ke m pa si ba?” Le Jakob bui u ke, “Maa ban tipar tibaa. M ga li beenin kpaa saapiih ngbaan, see aa ti kii maah ban m kpokl si pu na.

Mpiin 31:5

Baah fuu ni na le u bui bi ke, “M bee ke nite aa ki gee maabɔr ke waah nan gee mi njan pu na; tɔ, nte Aawumbɔr bi m chee.

1 Bibɔrb 6:13

M ga li bi saah bi maa Lidichal li na ponn ni, ki bi maanib Israel yaab chee. Maan di bi lii daalbaadaal.”

1 Bibɔrb 8:57

Tidindaan Uwumbɔr li bi ti chee, ke waah nan bi tiyaajatiib chee pu na; u taa di timi lii kpala, bee u siir cha timi;

1 Bibɔrb Aabɔr 28:20

Ubɔr David nan bui ujapɔɔn Solomonn ke, “Li si chob ki taa san ijawaan. Piin lituln ngbaan ki taa cha nibaa kiir si. Tidindaan Uwumbɔr u m dii na ga li bi aa chee. Waan siir cha si, see lituln li aa ban aa tun Waadichal pu na ti doo.

Ilahn 10:3

Ubiindaan kpa kigaak waanimbɔŋ aageehn aatuln pu la, le ukumɔndaan seei Uwumbɔr ki yii u.

Ilahn 119:36

Cha m li kpa lineen saakaal pu ki jer liwangol.

Ilahn 37:25

Dandana m ye uninkpel la; m yunn pam, le maa kee kan ke Uwumbɔr siir cha bininyaam, ki mu aa kee kan ke baabim chuun mee tijiir.

Ilahn 37:28

ba pu? Uwumbɔr gee tiwan ni ŋan na la, kaa siir cha waanib bi dii u mbamɔm na. U kii bi n‑yoonn mɔmɔk, le ki ga jenn nyan bibiindam ma.

Nnyam 2:21

Nima pu na, Moses nan kii ke u ga li bi Jetro do, le u di ubisal Sipora tii Moses u di ŋa upuu,

Nnyam 20:17

“Aa taa cha aanimbil li man aaŋeen aatɔ aadichal, bee upuu, bee waanaagbiib, bee waanaa, bee waabon, bee waah kpa tiwan nimɔk na pu.”

Ŋiyataŋak 23:4

Li kpa nlan ki taa ku aabaa ke aa ŋa uwankpadaan.

Aisaya 41:10

Taa san ijawaan man. M bi ni chee. Min le ye nimi Aawumbɔr, taa cha nibaa faan nimi man. M ga tii nimi mpɔɔn ki ter nimi; m ga li kii nimi ki nyan nimi tibɔr ni.

Aisaya 41:17

Buyoonn bigiim bi kaa kpa nibaa na ban nnyun kaa kan na, aan nnyunyuu joo bi na, le bineen kuur, n‑yoonn ngbaan le min Uwumbɔr ga kii baameel; min, Israel yaab Aawumbɔr, aan san cha bi.

Aisaya 42:16

M ga loln maanib bi jɔb na pu isan i ni baa kee dii i na. M ga cha baabɔmbɔɔn kpaln nwiihn ki cha ŋitingbaln ŋi kaa joon na jɔŋ aan bi dii jer. Maah puu tipuur ti na le bi na, le m ga li joo ti, kaan bii ti.

Jeremia 6:13

Binib bi pɔɔ na, ni bi kaa pɔɔ na mɔmɔk pɔɔni bibaa ke bi di beebee le kan ŋimombil, hali maabɔnabtiib ni bitotoorb ji binib ngbaan la.

Esekiel 33:31

Kina pu na, maanib kuuni ke bi nan ŋun saah kpa pu aa len na, kaa tee ŋani saah tuk bi ke bi ŋa pu na. Ngeehm aabɔlen le bi bimɔi ni, le bi tee beenin dii baakumɔŋ aasan.

Matiu 6:19

“Ni taa kuun liwankpal bil dulnyaa wee ni. Idundur ni ŋipulaaleen ga bii ni. Binaayukb mu ga loon koo ni ki nan sun ni.

Matiu 6:25

“Nima le m tuk nimi ke ni taa cha nimi aalandak muk nimi tiwon aawan pu, ki taa li dak: ‘Ti ga ji ba? Ti ga nyu ba? Ti ga peen ba?’ Limɔfal bi tijikaar baanja pu la aa? Tiwon bi tiwanpeenkaan baanja pu la aa?

Matiu 6:34

Nima pu na, ni taa cha fen u choo na aabɔr muk nimi. Fen le ni ga fe dak fen aabɔr. Ni yaa dakl din aabɔr din kan, ni ŋeer kina la.”

Tibɔnyaan ti Mak ŋmee ti na 7:22

ni iniman, ni mbiin, ni linyamɔngee, ni inimpoo, ni lipiipoln, ni ŋisiibil, ni kalmbaani, ni kijɔrk aatuln.

Tibɔnyaan ti Luk ŋmee ti na 3:14

Le butɔb aajab mu baa u, “Ti mu ga ŋa kinye?” Le u bui bi, “Ni taa gaa unii ubaa aamombil mpɔɔn man, ki taa galn unii u kaa kpa taani na. Cha ninimbil gbiin nimi aapal.”

Tibɔnyaan ti Luk ŋmee ti na 8:14

Mu lir ikokon ponn ni na le ye binib bi ŋun Uwumbɔr aabɔr aan ki cha bitafal bi liwankpal ni, ni dulnyaa ni aawan ni mɔ na ni, ni baabimbin aabɔr ni na. Nima le ku tibɔr ngbaan bisui ni. Le taa mar.

Rom Yaab 1:29

ki gbii titunwanbir aabɔŋ mɔmɔk. Bi gɔr kidagook ki tun baka baka, ki kpa iniman, kaa gee tɔb, ki kpa lipiipoln, ki jaa kijaak, ki ku tɔb, ki ŋmanni tɔb, ki nan tɔb, ki bii tɔb libɔɔl ni,

1 Korenti 5:11

Maah len pu na le ye ke unii u len ke u dii Kristo aasan na, u yaa ye udagoor, bee unimandaan, bee uwaadaan, bee ŋisiibil daan, bee udagbiir, bee unii u ji binib pempem na kan, ni ni udaan ngbaan taa kpaan. Hali ni taa ji u chee tijikaar.

1 Korenti 6:10

ni binaayukb, ni binimandam, ni bidagbiirb, ni ŋisiibildam, ni binib bi ji biken pempem na, aan kan Uwumbɔr aanaan.

2 Korenti 4:9

Binib ŋani timi falaa, le Uwumbɔr aa di cha timi. Bi lii timi kitiŋ, ki mu aa ku timi.

Efesusi 5:3

Naah ye Uwumbɔr aanib na, ni taa gɔr kidagook, ki taa tun tijɔŋ aatuln libaa, ki taa li kpa iniman. Ni taa po len lituln limina aaboln aabɔr.

Efesusi 5:5

Ni po nyi ke unii umɔk ye udagoor na, ni unii umɔk ye tijɔŋdaan na, ni unii umɔk ye unimandaan na, aan koo ni Kristo ni Uwumbɔr aanaan ni. Unii yaa kpa iniman kan, liwangol ye liwaal la, le u dii.

Ikaal 31:6

Ni nya sil, ki li kpa lipobil. Ni taa san bi ijawaan. Nidindaan Uwumbɔr ubaa ga li bi ni chee. Waan jinn nimi inimɔɔn, ki mu aan di nimi lii.”

Ikaal 31:8

Uwumbɔr ubaa le ga loln aa pu nsan ki li bi aa chee. Waan jinn si inimɔɔn, ki mu aan di si lii aabaa, nima pu na, aa taa cha aataakpab yɔl, ki taa san ijawaan.”

Ikaal 4:31

Uma le ye Uwumbɔr u kpa linimbaasaln na. Waan di nimi lii, ki mu aan kuln nimi doo, waan suln tipuur ti u nan puu tii niyaajatiib na.

Kolosiya 3:5

Nima pu na, kuln man tiwon aah ban pu na, ki taa gɔr kidagook, ki taa tun tijɔŋ aatuln, ki taa li ban tiwan ni kaa ŋan na, ki taa li kpa iniman. Unii u kpa iniman na aa dii Uwumbɔr, u dii liwankpal la.

1 Timoti 3:3

U taa li ye udagbiir, ki taa gbaa binib [ki taa li kpa iniman]. U li bi suuna ki taa li kpa kinikpakpak. Unimbil taa li man ŋimombil pu.

Josua 1:5

Josua, saah ga li bi limɔfal ni ki ti saa buyoonn na, ubaa aa bi ki ga ŋmaa nyaŋ si. M ga li bi aa chee ke maah nan bi Moses chee pu na; maan di si lii kpala.

Josua 7:21

Tiwan nimɔk ti jenn gaa na ponn ni, m kan Babiloŋ yaab aabɔkul nyaan libaa, ni tikunabr ti aanyunyuun ga pii njikaabim kuruwaa bilee na, ni salmaa u aanyunyuun ga pii njikaabim kuruwaa ubaa na, le nsui gee ni sakpen, le m yoor. M di tikunabr ngbaan le ŋa taab ki di ni mɔmɔk sub maabool ni. Ni ga kan ni nima.”

2 Piita 2:14

Binimbil yaa kan upii kan, bi ban u la, kaan ŋmaa di cha titunwanbir. Bi ŋmanni binib bi kaa nyi Uwumbɔr aasan mbamɔm na ke bi yenn. Bisui bae iniman la. Uwumbɔr aamɔpuur bi bi pu la.

2 Piita 2:3

Bi ga li kpa iniman ki ga ŋmann nimi, ke bi ji nimi. Ni yunn le Uwumbɔr nan puun len ke baabɔr bii. Naan yunn le u ga daa bitafal.

Juud 1:11

Tibɔbir bi bi pu la. Bi yii Uwumbɔr aamɔb ke Keenn aah nan yii pu na. Bi mɔk binib mmɔkm mu kaa ŋan na ŋimombil pu, ke Balaam aah nan ŋa pu na. Bi yii baaninkpiib aamɔi ke Kora aah nan yii pu na. Uwumbɔr ga bii bi mu.

1 Samuel 10:7

Tiwan nee mɔmɔk yaa bi ŋani kan, ŋa Uwumbɔr aah mɔk si pu na mɔmɔk, uma le bi aa chee.

1 Samuel 12:22

Uwumbɔr puu tipuukpaan, kaan suln ni pu. U puu ke nimi le ga li ye waanib.