Hiibru Yaab 13:4 - Uwumbɔr aagbaŋ

⁴ Tɔ, chatiib ni puutiib, ni li nyi ke Uwumbɔr le di nimi kpaan, ki li pak kina, ki taa gɔr kidagook man. Binib bi chuun bɔɔni na, ni binib bi chuun gɔr kidagook na, Uwumbɔr ga ji bi tibɔr.

UWONBƆR A GBƆNPƆŊ LIKƆƆNL

⁴ Lipiikɔɔnl nin lijakunl ye ti biɛn li tenn li jilima le, lipiikɔɔnl nin lijakunl a didɔɔbol ye ni li be kasi le, nan bu-n Uwonbɔr na li ji ban tun iwanchɔgin toon nin tibɔr bipiib banlin nin bija banlin.

Hiibru Yaab 13:4 ပူးပေါင်းရင်းမြစ်များ

Mpiin 2:21

Uwumbɔr nan cha uja ngbaan doon geen, ke linikpol na. Waah geen kina na, le u chuu nyan uja ngbaan aasikaakpab mubaa, ki ki giin ŋeeb.

Mpiin 2:24

Nima pu le ni ŋan ke uja ni upuu nya cha bitetiib ni binatiib, ki kpaan tɔb chee, ki ŋa unibaan.

2 Bibɔrb 22:14

Ubɔr aamɔboln ngbaan pu le Hilkia, ni Ahikam, ni Akbor, ni Safann, ni Asaya nan buen upii u bi yin u ke Hulda na chee bi ti baa lik. Upii ngbaan nan ye Uwumbɔr aabɔnabr le ki koo baah laa maa Jerusalem ponn ni ŋidichapɔɔn lipepel li na ni. Uchal le nan ye Tikfa aajapɔɔn Salum. Salum aayaaja le nan ye Harhas. Uchal ngbaan le nan ye Uwumbɔr Aadichal ni aawanpeenkaan aaninkpel. Bi nan ŋeer tuk upii ngbaan tiwan ni ŋa na,

Job Aagbaŋ 31:12

Ni ga li ye mmii sakpiin aabiil li ga di maawan mɔmɔk wu na la.

Aisaya 8:3

Tɔ, naa yunn le mpuu dek lipuul. Waah ma ubijabo na, le Uwumbɔr bui mi ke, “Yin u ke, ‘Maher‑Salal‑Has‑Bas’.

Liifai Yaab 15:18

Uja yaa doon upii chee doo kan, bi mɔmɔk fu nnyun, ki mu aan ki li bi chain ki ti saa kijook wɔb.

Liifai Yaab 18:20

Taa koo ki ti doon aaŋeen aatɔ aapuu chee; ni ga cha ni taa ki li bi chain.

Malakai 3:5

Uwumbɔr Mpɔɔnsakpiindaan ki bui ke, “M ga dan ni chee ki nan ji nimi tibɔr, ki bii binib bi joo inyɔk tun lituln na, ni bi ye bidagoob na, ni bi geei inyamɔn paani biken na, ni bi ji baatutum pem pem na, ni bi kaa tii bikpopiib ni nkpobim baabamɔn na, ni bi ji biwɔwɔm na, ni bi kaa pak mi na. M ga mɔk bi mɔmɔk ke baabɔr bii la.

1 Korenti 6:18

Ni di cha kidagook aatuln. Unii yaa tun titunwanbir kan, naa bi tiwon ponn ni, see kidagook aatuln. Unii u gɔr kidagook na, u ŋa uma ubaa aawon bakaa la.

1 Korenti 6:9

Naa nyi ke binib bi aabimbin kaa ŋan na aan kan Uwumbɔr aanaan aa? Ni taa ŋmanni nibaa man; bibɔnbɔnn, ni biwaadam, ni bidagoob, ni bijab bi di biŋeen aatɔtiib kpaln bipiib ki doo bi chee na, ni bijab bi mu di bibaa ŋa bipiib ki cha bijab ŋeen aatɔtiib doo bi chee na,

1 Korenti 7:38

Nima pu na, uja u kunn ubisal uchal do na, u ŋa ni ŋan na la. Uja u mu kaa kunn ubisal uchal do na, u ŋa ni ŋan na ki jer uja u kunn ubisal uchal do na.

1 Korenti 9:5

Maa ŋeer m mu li ŋani ke bikpambalb biken, ni Tidindaan aanaatiib, ni Siifas aah ŋani pu na, ki li joo upii ubaa u mu li dii mi lisachuln ni ii?

2 Korenti 5:10

Ba pu? ti mɔmɔk ga nan sil Kristo aanimbiin ni, aan u lik timi aabimbin aah bi pu na, ki bee ke ti tun ni ŋan na, bee ni kaa ŋan na dulnyaa wee ni, ki ga tii ti mɔmɔk taah tun pu na aapal.

Galantiya 5:19

Mbimbikpok aatuln bi lipaal la. Binib bi dii kina na le gɔr kidagook, ki tun tijɔŋ aatuln, ni inimɔɔn aatuln,

Galantiya 5:21

ki kpa iniman, ki ku binib, ki nyu ndaan gbii, ki gbiir bidagbiib aagbiir, ki tun lituln limina mɔk aaboln. M ki sur nimi ke maah nan sur nimi n‑yoonn mu jer na pu na, ke binib bi ŋani kina na aan koo Uwumbɔr aanaan ni.

Efesusi 5:5

Ni po nyi ke unii umɔk ye udagoor na, ni unii umɔk ye tijɔŋdaan na, ni unii umɔk ye unimandaan na, aan koo ni Kristo ni Uwumbɔr aanaan ni. Unii yaa kpa iniman kan, liwangol ye liwaal la, le u dii.

Ikaal 22:22

“Ni yaa chuu uja, uŋeen aatɔ aapuu chee kan, ni ku bi mɔmɔk bilee. Ni yaa ŋa kina kan, ni ga nyan kina aatunwanbir aaboln nimi Israel yaab chee.

1 Tesalonika 4:6

Uja ubaa taa li ban una aabo aapuu ki tun titunwanbir timina. Ti nan tuk nimi ki sur nimi mbamɔm ke Tidindaan dar binib aatafal titunwanbir ngbaan mɔmɔk pu.

1 Timoti 3:12

Ni ŋan ke Yesu aanib aateterb li joo upii ubaabaa, ki li joo baabim ni baachiln ni aanib mbamɔm.

1 Timoti 3:2

Ni ŋan ke Yesu aanib aaninkpel taa li kpa taani ubaa. Ni ŋan u li joo upiibaab, ki li chur ubaa tiwan mɔmɔk ni, ki li kpa laasaab, ki li bi mbamɔm, ki li channi bicham tichann, ki li ye unii u ga ŋmaa tuk binib Uwumbɔr aabɔr mbamɔm na.

1 Timoti 3:4

Ni ŋan ke u li joo waachiln ni aanib mbamɔm, ki li joo waabim mbamɔm, aan bi li pak u ki kii waamɔb.

1 Timoti 4:3

Bi ga len ke bijab taa din bipiib, bipiib mu taa mɔn bijab. Bi ga li kɔ tijikaar tibaa. Uwumbɔr le naan tijikaar ngbaan. U ban ke binib bi gaa u ki kii ki nyi mbamɔn na le ji ti, ki doon u ti pu.

1 Timoti 5:14

M ban ke bikpopiib bi kaa por na mɔn tichal, ki maa mbim, ki li lik baachiln ni aabɔr, ki taa tii timi aadim nsan ke bi galn timi.

Taitus 1:6

Aa lee bijab bi kaa kpa taani ubaa, ki kpa upii ubaabaa, ki kpa mbim bi gaa Yesu ki kii, kaa ŋani bakaa, kaa ye tafalaaŋundam na.

Hiibru Yaab 12:16

Ni li nyi man, ubaa mu taa gɔr kidagook. Ubaa mu taa lik Uwumbɔr fam ke Esɔ aah nan ŋa pu na. Tijikaar pu, le u nan di ubopol aafaal kooh.

Tibɔkpiirkaan 22:15

Le tiniwanbir, ni bibɔɔb, ni bidagoob, ni binikurb, ni biwaadam, ni binyamɔndam, ni biŋmaŋmannim ma kan, baan koo ni kitiŋ ngbaan ni.