Hiibru Yaab 13:20 - Uwumbɔr aagbaŋ

²⁰ Uwumbɔr nan fikr Tidindaan Yesu u ye waanib mɔmɔk aayidaan na nkun ni. Waasin pu, le Uwumbɔr puu tipuupɔln tii timi. Tipuur ngbaan ga li bi n‑yoonn mu kaa kpa ndoon na.

UWONBƆR A GBƆNPƆŊ LIKƆƆNL

²⁰ Uwonbɔr wan ye nposɔɔndaan wan nan ta tipoor tan kaa jɔɔ diɛmin a cham ki fiin ti yudaau Yisa wan ye upeekpaaŋanin nkumin nin,

Hiibru Yaab 13:20 ပူးပေါင်းရင်းမြစ်များ

2 Samuel 23:5

Kina le Uwumbɔr ga ŋa waanyoor ŋa n‑yaabitiib pu; ba pu? u puu tipuur ti kaa kpa ndoon na tii mi, kimɔbaan ki kaan bii na, tipuur ti kaan kpeln na. Kina baanja le m ban, nima le ga li ye maanyaŋ, le Uwumbɔr ga sil cha li dan.

1 Bibɔrb Aabɔr 16:17

Uwumbɔr puu tipuur ti kaa kpa ndoon na tii Jakob.

2 Bibɔrb Aabɔr 30:12

Uwumbɔr nan bi tun waatuln Juda aapepel ni, le ki cha binib ngbaan ŋa kimɔbaan baah pɔɔni bibaa pu ke bi kii waageehn ki dii ubɔr ni waaninkpiib aah len pu na.

Ilahn 23:1

Uwumbɔr le ye u joo mi ke upihdaan aah joo waapiih pu na; m kpa maah ban tiwan nimɔk na.

Ilahn 80:1

Israel yaab Aakikiir, li pel ni ti chee; sin u lolni saanib pu nsan na, ŋun ni ti chee. Sin u ka saabɔrjal pu, tiwan ni kpa ifeen na aapaacham,

Nnyam 24:8

Moses nan yoor nsin mu bi ŋisambil ni na di mee yaa binib ngbaan pu, le ki bui ke, “Nsin mue le mɔk nimi Uwumbɔr aah nan puu tipuur ti buyoonn u nan tii timi ikaal yee na.”

Aisaya 40:11

U ga li joo waanib ke upihdaan aah joo waapiih pu na la; u ga kuun ipihbi nan kpaan tɔb chee, ki yoor i uŋaal ni, ki ga loln inatiib pu nsan suuna.

Aisaya 55:3

Maanib, li pel dandana man, ki dan m chee man, dan man m chee ki nan kan limɔfal. M ga puu tipuur ti kaan doo na tii nimi, ki tii nimi tinyoor ti m nan puu Ubɔr David ke m ga tii u na.

Aisaya 61:8

Uwumbɔr bui ke, “M gee ibamɔn le kaa gee limukl ni titunwanbir. Maah ye mbamɔndaan na, m ga pa maanib, le ki puu tipuur ti kaan doo na tii bi.

Aisaya 63:11

Le bi teer n‑yoonn mu jer na, Uwumbɔr aatutunn Moses aayoonn, le ki baa ke, “Uwumbɔr u nan nyan waanib aaninkpiib nnyusakpem ni na bi la chee dandana wee? Uwumbɔr u nan di Waafuur Nyaan tii Moses na bi la chee?

Jeremia 32:40

M ga puu tipuur ti kaa kpa ndoon na tii bi. M ga li ŋani tiwan ni ŋan na tii bi n‑yoonn mɔmɔk, le ki ga cha bi li san mi bisui mɔmɔk ni, aan bi taa ki fenn bipuwɔb tii mi daalbaadaal.

Esekiel 34:23

M ga tii i upihkpaal ke maatutunn David na, aan uma baanja li ye yaapihkpaal, le u ga li joo i mbamɔm.

Esekiel 37:24

Ubɔr u bi ke maatutunn David na le ga li ye baabɔr. Bi mɔmɔk ga kpaan kimɔbaan ki li bi ujojoor baan aataab, ki ga li joo maakaal mbamɔm.

Esekiel 37:26

M ga puu tipuur ti ga tii bi lifuur ki ti saa n‑yoonn mu kaa kpa ndoon na tii bi. M ga maa bi kaan, ki cha bi pɔr kpee, ki di Maadichal siin baatiŋ pu, nin chee li ga li bi ki ti saa n‑yoonn mu kaa kpa ndoon na.

Sekaria 9:11

Uwumbɔr bui ke, “Maah nan puu tipuur ti tii nimi ki di kitork aasin biin ti pu na, le ga cha m gaa nimi aanib lii, ki nyan bi tinaagbiir aabuul li kaa kpa nnyun na ni.

Matiu 26:28

Maasin le na. Maasin pu, le Uwumbɔr puu tipuupɔln ki tii nimi. Maasin ga nya binib pam aatunwanbir pu, aan Uwumbɔr di cha pinn bi.

Tibɔnyaan ti Mak ŋmee ti na 14:24

Le u bui bi, “Maasin le na. Maasin pu, le Uwumbɔr puu tipuupɔln tii nimi. Binib pam aatunwanbir pu le maasin ngbaan ga nya.

Tibɔnyaan ti Luk ŋmee ti na 22:20

Baah jin tijikaar ngbaan ti doo na, le u yoor kiyinyook, ki doon Uwumbɔr, ki di tii bi, le ki bui bi, “Tiwanyukaan ngbaan ye maasin aamɔkl la. Maasin ga nya nimi aatunwanbir pu la. Maasin pu, le Uwumbɔr puu tipuupɔln tii nimi.

Jɔnn 10:11

“Min le ye upihdaanyaan na. Upihdaanyaan ga ŋmaa kpo waapiih pu.

Jɔnn 10:14

Min le ye upihdaanyaan na, ki nyi maapiih. Le maapiih mu nyi mi,

Lituln 13:30

Le Uwumbɔr fikr u nkun ni.

Lituln 17:31

Ba pu? u siin nwiin bundaln u ga ji binib mɔmɔk tibɔr na, ki ti saa baah ŋa ki ŋeer pu na. U nyan uja u ga ji binib tibɔr na. U nan fikr uja ngbaan nkun ni, nima le ye limɔkl tii binib mɔmɔk.”

Lituln 2:24

Uwumbɔr le fikr u nkun ni ki bii nkun aapɔɔn, kaa cha nkun joo u.

Lituln 2:32

Uwumbɔr fikr Yesu nkun ni. Tinimbil kan u, le ti tuk binib.

Lituln 3:15

Ni ku Yesu u tii timi limɔfal na. Le Uwumbɔr fikr u nkun ni. Timi le ye waaseeraadam ke u fikr nkun ni a.

Lituln 4:10

M ban ke nimi ni Juu yaab biken mɔmɔk bee ke Yesu Kristo, u ye Nasaref aatiŋ aanii na, waayimbil aapɔɔn le cha uja wee pɔɔk. Uma Yesu pu, le u kpa laafee mbamɔm, ki si ninimbiin ni. Nimi le kpaa Yesu ndɔpuinkoo pu, le Uwumbɔr fikr u nkun ni.

Lituln 5:30

Nimi le kpaa Yesu ndɔpuinkoo pu, ki ku u. Le tiyaajatiib Aawumbɔr fikr u nkun ni,

Rom Yaab 1:4

Uwumbɔr nan fikr u nkun ni, le Waafuur Nyaan mɔk ke u ye uma Uwumbɔr Aajapɔɔn u kpa mpɔɔn na.

Rom Yaab 10:7

ki taa baa ke, ‘Ŋma ga buen bitekpiib do ki ti fikr Kristo nkun ni?’”

Rom Yaab 15:33

Uwumbɔr u tii timi nsuudoon na li bi ni mɔmɔk chee. Amii.

Rom Yaab 16:20

Naan yunn, le Uwumbɔr u tii timi nsuudoon na, ga cha ni di nitaa taa kinimbɔŋ pu. Tidindaan Yesu Kristo ŋa tinyoor ŋa ni pu.

Rom Yaab 8:11

Uwumbɔr nan fikr Yesu nkun ni. Uwumbɔr u fikr Yesu nkun ni na Aafuur Nyaan yaa bi ni ni kan, uma Uwumbɔr u fikr Yesu Kristo nkun ni na ga fikr nimi aawon ti ga kpo na mu. Waafuur Nyaan mu bi ni ni na aapɔɔn pu, le u ga fikr nimi nkun ni.

1 Korenti 14:33

Uwumbɔr aa ban kifuuk, u ban suuna la.

1 Korenti 15:15

ni mu mɔk ke ti mɔn nnyamɔn paan Uwumbɔr; ba pu? ti len ke u fikr Kristo nkun ni. Ni yaa ye mbamɔn ke binib bi kpo na aan fikr nkun ni kan, ni mɔk ke Uwumbɔr aa fikr Yesu mu nkun ni.

1 Korenti 6:14

Uwumbɔr nan fikr Tidindaan nkun ni. Waapɔɔn pu, u ga fikr timi mu nkun ni.

2 Korenti 13:11

Nnaabitiib, tibɔr ti gur na le ye ke m ban m chɔi nimi la. Toor nimi aabimbin man. Sɔŋ tɔb aasui man. Ni li kpa kimɔbaan ni nsuudoon man, le Uwumbɔr u gee timi ki tii timi nsuudoon na ga li bi ni chee.

2 Korenti 4:14

Ti bee ke Uwumbɔr u nan fikr Tidindaan Yesu nkun ni na, ga fikr timi bi mu kpaan Yesu chee na nkun ni, ki ga li joo timi ni nimi ki di buen ubaa chee.

Galantiya 1:1

Min Pɔɔl ni nnaabitiib bimɔk bi m chee na dooni nimi Yesu aanib bi bi Galasia aatim ni na. Yesu Kristo ni Tite Uwumbɔr u fikr u nkun ni na le ŋa mi waakpambal. Naa ye unibɔn le ŋa mi, kaa ye binib le di lituln ngbaan tii mi.

Efesusi 1:20

mu u nan di fikr Kristo nkun ni, ki di u kaan uŋangii wɔb paacham na.

Filipi 4:9

Ni nan bae Uwumbɔr aabɔr m chee, ki gaa ti, ki ŋun maah len pu na, ki kan maah ŋani pu na. Ni li dii kina, le Uwumbɔr u tii timi nsuudoon na ga li bi ni chee.

Kolosiya 2:12

Baah muin nimi nnyun ni na, ni mɔk ke bi di nimi sub Kristo chee la. Baah nyan nimi nnyun ni na, le ni mɔk ke ni ki fikr u chee; ba pu? ni pak ke Uwumbɔr kpa mpɔɔn ki fikr Kristo nkun ni.

1 Tesalonika 1:10

le ni kii bundaln Ujapɔɔn Yesu ga nyan ni paacham ki gir ni na. Uma le Uwumbɔr nan fikr u nkun ni. Uma le nyan timi ntafadaan mu choo na ni.

1 Tesalonika 5:23

Uwumbɔr u tii timi nsuudoon na, ŋa nimi aabimbin mɔmɔk chain, ki li joo nimi aawiin, ni nisui, ni nimi aawon mbamɔm, ni taa li kpa taani ubaa bundaln Tidindaan Yesu Kristo ga gir ni na.

2 Tesalonika 3:16

Tidindaan u tii timi nsuudoon na tii nimi nsuudoon n‑yoonn mɔmɔk, tiwan mɔmɔk ponn ni. Tidindaan li bi ni mɔmɔk chee.

Hiibru Yaab 10:22

Nima pu na, cha tisui li bi mbamɔm, aan ti duun Uwumbɔr chee, ki gaa u ki kii mbamɔm ki taa joo beeni; ba pu? Yesu Kristo aasin finn tisui ni aatunwanbir, timi aalandak taa ki li muk timi titunwanbir pu. Le bi finn timi aawon nnyun mu bi chain na ni.

Hiibru Yaab 10:29

Unii yaa lik Uwumbɔr Aajapɔɔn fam, ki yaa dak ke Yesu aasin mu ŋa u chain na ye fam, ki yaa sii Uwumbɔr Aafuur Nyaan mu san timi kinimbaak na kan, udaan ngbaan ŋeer ntafadaan sakpen ki jer unii u bii Moses aakaal na aah kan pu na.

Hiibru Yaab 9:20

le ki bui bi ke, “Nsin mue le mɔk nimi Uwumbɔr aah nan puu tipuur ti tii nimi ki tuk nimi ke ni li joo ti na,”

1 Piita 1:21

U pu, le ni gaa Uwumbɔr ki kii. U nan fikr u nkun ni ki nyuŋ u. Nima pu le ni gaa Uwumbɔr ki kii ki kpa limakl.

1 Piita 2:25

Ni nan bi ke ipiih i yenn na, le dandana wee, ni gir ni Kristo chee. U kpaa nimi ke upihkpaal aah kpaa ipiih pu na, ki kii nimi aamɔfal.

1 Piita 5:4

Ni yaa ŋani kina kan, buyoonn upihkpaaninkpel ga gir ni na, ni ga kan lipal li mɔ sakpen ki ga li bi n‑yoonn mu kaa kpa ndoon na.