Hiibru Yaab 13:2 - Uwumbɔr aagbaŋ

² Ni li teer ki chann bicham tichann. Binib bibaa nan chann Uwumbɔr aatuuntiib tichann, kaa nyi ke Uwumbɔr aatuuntiib ye.

UWONBƆR A GBƆNPƆŊ LIKƆƆNL

² Ni laa tami wee ki li gaan bichama, nan bu-n ni ŋaan man ke, bibam gaan malakam le kaa nyi.

Hiibru Yaab 13:2 ပူးပေါင်းရင်းမြစ်များ

Mpiin 18:1

Uwumbɔr nan dan Abraham chee Mamre aasui sakpiin na taab. Nwiin aah nan tɔŋ sisik ni ki ton na, le Abraham nan ka waadiik aabisamɔb,

Mpiin 19:1

Uwumbɔr aatuuntiib bilee ngbaan nan ti fuu Sodom aatiŋ ni, kijook wɔb la, le Lot mu nan ka mbisamɔb nin chee bi diir koo kitiŋ ni na. Lot aah kan bi na, u fii tooh bi nsan pu, le ki ti doon bi,

2 Bibɔrb 4:8

Daalbaadaal le Elaisa nan buen Sunem aatiŋ ni, le upii uwankpadaan ubaa bi nima. U nan yin u ke u nan ji udo tijikaar. Ki nyan liyaadaal ngbaan, u yaa nan ki buen Sunem aatiŋ ni kan, upii ngbaan do le u ji.

Job Aagbaŋ 31:19

M yaa nan kan unii ban nterm, ki kpa igiin sakpen kaa ŋmaa daa tiwanpeenkaan kan,

Job Aagbaŋ 31:32

M cha bisachum koo maadichal ni, kaa kee cha bi doon kinyaŋ ponn ni lipaal.

Aisaya 58:7

Yakr man nimi aajikaar tii nkon aah joo binib bi na, ki piir nimi aadichal tii bigiim bi kaa kpa nkookoo yaan na. Tii binib bi kaa kpa nibaa peeni na bi peen, ki li joo nido yaab man.

Liifai Yaab 19:34

Ni li ŋani bi tiŋann ke naah ŋani niŋeen aatɔtiib Israel yaab biken pu na, ki li gee bi ke naah gee nibaa pu na. Ni teer ke ni mu nan ye biwɔwɔm le Ijipt aatiŋ ni. Min le ye Nidindaan Uwumbɔr.

Matiu 25:35

Ba pu? nkon nan joo mi, le ni nan tii mi tijikaar m ji. Nnyunyuu nan joo mi, ni nan tii mi nnyun m nyun. M nan ye uchaan la, le ni nan gaa mi.

Matiu 25:40

Le min Ubɔrkpaan ngbaan ga bui bi, ‘M tuk nimi mbamɔn la, naah nan ŋa kina ki tii nnaabitiib, biwaatiib bimina na, ni nan ŋa tii mi le na.’

Matiu 25:43

M nan ye uchaan, naa nan gaa mi. M nan chuun ŋŋmeen, naa nan peen mi. M nan bun, naa nan dan nan mann mi. M nan bi kiyondiik ni, naa nan dan nan lik mi.’

Lituln 16:15

Le bi muin u ni waachiln ni aanib nnyun ni. Le u tuk timi, “Ni yaa dak ke m sil gaa Tidindaan ki kii kan, ni dan nan mann mi, ki li bi ndo.” Le u gaŋ timi, le ti buen.

Rom Yaab 12:13

ki yakr nimi aawan tii Uwumbɔr aanib bi lann ni na, ki chann bicham tichann.

Rom Yaab 16:23

Gayus u chann m ni Yesu aanib mɔmɔk tichann na, u mu dooni nimi. Erastus, u joo kitiŋ kee aamombil na, u mu dooni nimi. Tina aabo Kɔɔtus mu dooni nimi. [

1 Timoti 3:2

Ni ŋan ke Yesu aanib aaninkpel taa li kpa taani ubaa. Ni ŋan u li joo upiibaab, ki li chur ubaa tiwan mɔmɔk ni, ki li kpa laasaab, ki li bi mbamɔm, ki li channi bicham tichann, ki li ye unii u ga ŋmaa tuk binib Uwumbɔr aabɔr mbamɔm na.

1 Timoti 5:10

binib yaa len ke upii ngbaan tun litunyaan: u yaa nan kpiini mbim mbamɔm, ki yaa nan ŋani bicham tichann, ki yaa sunn ubaa taab ki tun lituln tii Yesu aanib, ki yaa nan ter binib bi bi limukl ni na, aan unimbil yaa man litunyaan mɔmɔk pu kan, aa ŋmee waayimbil bikpopiib aagbaŋ ponn ni.

Taitus 1:8

Ni ŋan ke u li ye unii u channi bicham tichann na, ki li gee lituln li ŋan na, ki li kpa laasaab, ni mbimbinyaan, ki li bi chain, ki li chur ubaa,

1 Piita 4:9

Ni li channi tɔb tichann ki taa ŋulni.

3 Jɔnn 1:5

Njɔgeehn, m nyi ke aa ter Yesu aanib bi ye bicham na n‑yoonn mɔmɔk; saah kaa nyi bi na mu, aa ter bi la. Saah ŋani kina na, aa ŋani mbamɔm la.