Hiibru Yaab 12:6 - Uwumbɔr aagbaŋ

⁶ Ba pu? Uwumbɔr sak binib bimɔk u gee bi na, ki dar binib bi u ŋa bi waabim na mɔmɔk aatafal.”

UWONBƆR A GBƆNPƆŊ LIKƆƆNL

⁶ nan bu-n Uyudaan kpaan ban wee U jiɛ-n le, le ki dar wan biɛn wee U chee sei u ke u ye a bigin a tul.”

Hiibru Yaab 12:6 ပူးပေါင်းရင်းမြစ်များ

2 Samuel 7:14

Min le ga li ye ute, le u li ye maabo. U yaa tun taani kan, m ga daa utafal, ke ubo aate aah dar waabo aatafal pu na la.

Ilahn 119:71

Maatafadaan nan ŋan tii mi la, ba pu? mu cha m bae saakaal.

Ilahn 119:75

Uwumbɔr, m nyi ke saakaal ŋan, ki nyi ke saabamɔn pu le aa daa ntafal.

Ilahn 94:12

Uwumbɔr, saah bae unii u ki joo saakaal mɔk u na kpa mpopiin.

Ŋiyataŋak 13:24

Aa yaa kaa dar aajapɔɔn aatafal kan, saa gee u. Aa yaa ba gee u kan, aa ba ga sur u.

Ŋiyataŋak 3:11

Maabo, Uwumbɔr yaa sak si kan, ŋun mbamɔm, ki kii ke nsurm ngbaan ye mbamɔn la.

Ŋiyataŋak 3:12

Uwumbɔr sur binib bi u gee bi na, ke te aah sur waabo u u kpa u pu limakl na pu na la.

Aisaya 27:9

Israel yaab yaa nan baawaatakpal ke nfatan na, ki kuln nnyɔknii aabimbin ni liwaapii Asera aanaŋ kan, Uwumbɔr ga di baatunwanbir cha pinn bi.

Jeremia 10:24

Uwumbɔr, chiin saanib; taa li lik timi aatunwanbir mɔmɔk, ki taa daa titafal saaŋuul ni; naa ye kina kan, ti kuln le na.

Inandalahn 3:39

Taah kpa limɔfal pu na, Uwumbɔr yaa daa titafal kan, naa ŋan ke ti ki len tibaa.

Ikaal 8:5

Ni teer ke Nidindaan Uwumbɔr nan sur nimi ki daa nitafal, ke ubo aate aah sur u pu na.

Jemisi 1:12

Tɔ, unii u kan ntɔŋ ki kpa limɔr na, Uwumbɔr aanyoor bi u pu. Ba pu? u yaa kan ntɔŋ ki si mbamɔm kan, u ga kan ipiin i ye limɔfal li Uwumbɔr nan puu tipuur ke u ga tii binib bi gee u na.

Jemisi 5:11

Binib bi kpa limɔr falaa ponn ni ki ti saa naadoon na, bima le ti len ke bi kan Uwumbɔr aanyoor. Ni ŋun Job aah nan kpa limɔr falaa ponn ni pu na, ki kan Uwumbɔr aah nan ter u pu falaa ngbaan aapuwɔb na. Ni kan ke Uwumbɔr kpa linimbaasaln sakpen, ki san binib kinimbaak.

Tibɔkpiirkaan 3:19

Maah gee binib bimɔk na, m sur bi ki dar bitafal. Nima pu na, cha ninimbil li man aan ni kpeln nimi aabimbin man.

Ruf Aagbaŋ 1:3

Baah nan ti koo nima na, le Elimelek kpo, ki cha Naomi ni waabijabim mulee na.