Hiibru Yaab 11:9 - Uwumbɔr aagbaŋ

⁹ U nan ti fuu kitiŋ ki Uwumbɔr puu tipuur ke u ga di tii u na ni. Le u pak Uwumbɔr aah len pu na, nima le u nan kal nima, ki nan ye uwɔwɔnja. U ni waabo Aisak, ni uyaabil Jakob nan bi nima, ŋiboo ponn ni. Bi mu nan yeh tipuur tichachaan ngbaan la.

UWONBƆR A GBƆNPƆŊ LIKƆƆNL

⁹ Yada bu le u nan ŋa u kukɔɔbol limɔsiinl a tiŋin n-yaan ki be ke uchaan kaah ŋaan man kitinchaŋin nin, u nan be Tinanbonn nin le uma nin Azig nin Jekɔb ban mu nan ye limɔsiinl nmɔn a faajibin.

Hiibru Yaab 11:9 ပူးပေါင်းရင်းမြစ်များ

Mpiin 12:8

Nimina aapuwɔb, le u ki fii ki buen ŋŋangii wɔb, ki ti fuu ŋijoo aatiŋ ki bi Betel aawipuul wɔb na, ki kal Betel ni Ai aakaasisik ni. Betel nan bi liwilir wɔb, Ai mu nan bi liwipuul wɔb. Nima chee mu u nan ki maa kitork aabimbiln, le ki toor kitork ki doon Uwumbɔr.

Mpiin 13:18

Le Abram buen ti kal isui sakpiin i bi yin i ke Mamre aasui na chee, Hebronn aatiŋ ni, le ki maa kitork aabimbiln, le ki doon Uwumbɔr nima chee.

Mpiin 13:3

U nan ki fii nima chee, le ki chuun ki doo nsan ni, ki ti ki fuu Betel ni Ai aakaasisik ni, waah nan ti kal nin chee,

Mpiin 17:8

M ga di kitiŋ ki aa ye uwɔwɔnja ki pu na tii si ni aayaabitiib. Kanaann aatiŋ kee mɔmɔk ga li ye aa ni aayaabitiib yaan, le ki cha n‑yoonn mu kaa kpa ndoon na, le m ga li ye Baawumbɔr.”

Mpiin 18:6

Le Abraham nan san buen waadiik ni, upuu Sara chee, ki ti bui u ke, “Ŋa mala, ki ban n‑yon mu ŋan na, ki ŋa tijikaar,”

Mpiin 18:9

Le bi baa Abraham ke, “Aapuu Sara bi la chee?” U nan bui bi ke u bi kidiik ni.

Mpiin 21:34

Abraham nan bi Filistia aatiŋ ni ki yunn pam.

Mpiin 23:4

“M ye uwɔwɔnja, le ki nan bi ni chee; kooh nimi aatiŋ ngbaan nibaa chee tii mi aan m di mpuu sub nima.”

Mpiin 25:27

Mbim ngbaan nan muun ki ŋa binib, le Esɔ nan nyi kikpaŋ aatuln pam, le ki nan gee chaa timoor ni sakpen, le Jakob nan ye unii u bi suuna na, le ki nan gee u li bi linampal.

Mpiin 28:4

Uwumbɔr ŋa tinyoor ŋa aa ni aayaabitiib pu, ke waah ŋa tinyoor ŋa aayaaja Abraham pu pu na, aan ki cha aa gaa kitiŋ ki u nan di tii aayaaja Abraham aan aa bi ki ponn ni na.”

Mpiin 31:25

Jakob ni waanib nan bi lijool libaa paab, le Labann mu ni waajab nan bi liken paab, Gilead aatiŋ ni.

Mpiin 35:27

Le Jakob fuu ute Aisak chee Mamre aatiŋ ni, ki bi gbɔk Hebronn chee la, nin chee Abraham ni Aisak nan bi n‑yoonn mubaa na.

Mpiin 36:7

Baah nan bi nin chee na aa nan ŋeer bimɔk kpaan ki li bi, kina pu le Esɔ nan nyan u chee; baawakor nan pɔr ti nyaŋ, le timoor aa ki fuu ti mɔmɔk.

Mpiin 47:9

Le Jakob bui u ke, “Maah chuun ki mann gonni pu na, m saa ŋibin nkub ni piitaa la. Ŋibin ngbaan aa wiir, ki mu ye linimaln la, kaa wiir ke n‑yaajatiib aabin aah nan wiir pu na.”

Ilahn 105:12

Uwumbɔr aanib aa nan wiir, le ki ye biwɔwɔm Kanaann aatiŋ ni.

Jeremia 35:7

U nan ki bui timi ke ti taa maa tidir, ki taa ko tisar, ki taa ŋum ndaan aasubil aasui ki taa daa i mu. U nan siin ke ti li koo igban aaboo ni, timi aamɔfal ni, aan ki li ye bicham kitiŋ kee pu n‑yoonn mɔmɔk.

Hiibru Yaab 6:17

Uwumbɔr nan ban ke u mɔk binib bi ga kan waah puu tipuur ti na, ke waan kpeln. Nima le u nan puu uma ubaa aayimbil pu.