Hiibru Yaab 11:7 - Uwumbɔr aagbaŋ

⁷ Uwumbɔr nan bui Nowa linimaln li nan choo na pu, le laa kee fuu ni. Nowa aah nan tii Uwumbɔr naadii pu na, le u nan pak waah len pu na, le ki kii waamɔb, le ki kpii buŋɔb bu, u ni waamaal koo ki ŋmar na. Nowa aah nan ŋa kina na, le ni mɔk ke dulnyaa ni yaab biken aabɔr bii Uwumbɔr chee. Nowa nan tii Uwumbɔr naadii, nima le nan cha Uwumbɔr len ke waabɔr ŋan u chee.

UWONBƆR A GBƆNPƆŊ LIKƆƆNL

⁷ Yada bu le Nowa, Uwonbɔr kaah nan kpaan u ikpaan ki ta jiin tiwann tan paam wee u num kaa la nan kan nin, le kasi a jawaam nan che u kpee kuŋaluŋ kan fee uma nin u niin yaab gabin. U yada bu le Uwonbɔr nan bii dulinya le Nowa kpann ufaajir u buchin tan nyan u yada nin.

Hiibru Yaab 11:7 ပူးပေါင်းရင်းမြစ်များ

Mpiin 19:14

Le Lot san buen uchootiib bilee bi nan ban bi yoor ubisatiib na chee, ki ti bui bi ke, “Ŋa mala ki san nya do man. Uwumbɔr ban u bii kitiŋ kee la.” Le bi nan dak ke Lot ŋmanni bi la.

Mpiin 6:13

Uwumbɔr nan bui Nowa ke, “M ga kuln unibɔn. M ga bii tiwan mɔmɔk doo, ba pu? baatunwanbir le gbii dulnyaa mɔmɔk ni.

Mpiin 6:22

Le Nowa ŋa Uwumbɔr aah bui u pu na mɔmɔk.

Mpiin 6:9

Nowa nan dii Uwumbɔr mbamɔm. U nan ma mbijabim mutaa, ki nan yin bi ke Sem, ni Ham, ni Jafef. Nowa baanja le nan ye uninyaan n‑yoonn ngbaan. Uma le nan dii Uwumbɔr mbamɔm.

Mpiin 7:23

Uwumbɔr nan bii dulnyaa wee kina la, le ki daa binib aatafal, le ki ku binib mɔmɔk, ni tiwan nimɔk fu na. Nowa ni waamaal, ni tiwakor, ni ipeel, ni inyoon ni mɔmɔk nan koo buŋɔb ponn ni na le nan ŋmar.

Mpiin 7:5

Le Nowa ŋa Uwumbɔr aah bui u pu na mɔmɔk.

Mpiin 8:16

“Aa ni aapuu, ni aajapɔtiib, ni aabipuutiib mɔmɔk nyan ni buŋɔb ponn ni.”

2 Bibɔrb 4:5

Le upii ngbaan ni ujapɔtiib koo bido le ki di mbisamɔb laŋ, le ki yoor likpasambil waatiir li kpa nkpan na, le ki kpaar ŋani ŋikpasambil ŋi ujapɔtiib joo laani u na ni.

Job Aagbaŋ 35:8

Aanibɔn ŋeen aatɔ le ji falaa saatunwanbir pu, le ki ki kani nterm saaŋann pu.

Ŋiyataŋak 22:3

Bilandam waa tibɔr aah choo pu na le ki minn ti, le ujɔr ma ga koo ti ni, le ki nan ki bi wii.

Ŋiyataŋak 27:12

Bilandam waa tibɔr aah choo pu na le ki minn ti, le ujɔr ma ga koo ti ni, le ki nan ki bi wii.

Esekiel 14:14

Hali bijab bitaa na, Nowa, ni Danel, ni Job yaa ba koo nima chee kan, baabimbinyaan ba ga gaa bima bibaa aamɔfal baanja le lii.” Aadindaan Uwumbɔr le len kina.

Esekiel 14:20

hali Nowa, ni Danel, ni Job yaa ba koo nima kan, maah ye Aadindaan Uwumbɔr u bi n‑yoonn mɔmɔk na pu, baa ba ga ŋmaa gaa baabim lii. Baabimbinyaan ba ga ŋmaa gaa bima bibaa aamɔfal baanja le lii.”

Esekiel 33:5

Uma le ku ubaa; ba pu? u ŋun nkuun pu le kaa gar. U yaa ba gar kan, u ba ga san ŋmar.

Matiu 2:12

Le Uwumbɔr nan tuk bi tidaŋ ponn ni ke bi taa ki gir buen ubɔr Herod chee. Nima pu na, bi nan dii nsan yayan le ki kun.

Matiu 24:15

“Ni ga kan tiwanbir ni bii tiwan nimɔk bi chain na si Uwumbɔr Aadichal ni, ke Uwumbɔr aabɔnabr Daniel aah nan len pu na.” Tɔ, nimi bi karni na, ni li beer nimina aatataa.

Matiu 24:25

Li pel man, m puen tuk nimi la.

Matiu 24:38

Nowa aayoonn ngbaan, buyoonn nnyusakpem aa nan kee jin kitiŋ na, binib nan bi, ki ji, ki nyu, bijab yoor bipiib, bipiib mu mɔn bijab, ki ti saa bundaln Nowa nan koo buŋɔb ni na.

Matiu 3:7

Le Jɔnn kan Farisii yaab ni Sajusii yaab pam dan u chee ke u muin bi nnyun ni. Le u baa bi, “Nimi ijagen aabim, ŋma sur nimi ke ni nya ntafadaan mu choo na ni?

Tibɔnyaan ti Luk ŋmee ti na 17:26

Min Unibɔn Aabo aah ga gir ni buyoonn na ga li bi ke Nowa aayoonn aah nan bi pu na la.

Rom Yaab 1:17

Tibɔnyaan ngbaan mɔk timi ke unii yaa gaa Yesu Kristo ki kii kan, Uwumbɔr ga len ke waabɔr ŋan. Ni ŋmee Uwumbɔr Aagbaŋ ni ke, “Uninyaan aah gaa Uwumbɔr ki kii na, u ga li kpa limɔfal.”

Rom Yaab 10:6

Timi bi gaa Yesu ki kii na, Uwumbɔr len ke timi aabɔr ŋan. Nima pu le ti len ke, “Taa baa aabaa aasui ni ke, ‘Ŋma ga buen paacham u ti li joo ni Kristo?’

Rom Yaab 3:22

Binib bimɔk gaa Yesu Kristo ki kii na, bima le Uwumbɔr len ke baabɔr ŋan. Baah gaa Yesu Kristo ki kii na, nima le cha Uwumbɔr len ke baabɔr ŋan. Ubaa aa bi ubaa, ki cha biken;

Rom Yaab 4:11

Waah gii lichakpaln na, nima le nan ye limɔkl ki mɔk ke u gaa Uwumbɔr ki kii, nima le Uwumbɔr gaa u ke u ye uninyaan u chee, buyoonn waa nan kee gii lichakpaln na. Nima pu le Abraham ye binib bimɔk gaa Uwumbɔr ki kii, kaa gii ŋichakpan na aate. Baah gaa Uwumbɔr ki kii na, nima le Uwumbɔr gaa bi ke bi ye bininyaam u chee.

Rom Yaab 4:13

Uwumbɔr nan puu tipuur tii Abraham ni uyaabitiib, ke bima le ga li yeh dulnyaa. Naa ye ke bi joo Uwumbɔr aakaal le ga cha bi kan tipuur ngbaan. Bi gaa Uwumbɔr ki kii la, le u len ke baabɔr ŋan. Nima le ga cha bi kan tipuur ngbaan.

Rom Yaab 9:30

Nima pu na, ti ga len kinye? Binib bi kaa ye Juu yaab na aanimbil aa nan man ke Uwumbɔr len ke baabɔr ŋan. Dandana wee, baah gaa Yesu ki kii na, nima le Uwumbɔr len ke baabɔr ŋan.

Galantiya 5:5

Uwumbɔr Aafuur Nyaan bi ti ni. Le ti gaa Yesu ki kii. Nima le cha ti kii bundaln Uwumbɔr ga nan len ke timi aabɔr ŋan na.

Filipi 3:9

ki kpaan u ni. M yaa dii Moses aakaal kan, nima le aan cha Uwumbɔr len ke maabɔr ŋan. Maah gaa Kristo ki kii na, nima le cha Uwumbɔr len ke maabɔr ŋan; m gaa Yesu Kristo ki kii le ki ŋan Uwumbɔr chee.

Hiibru Yaab 11:1

Ti yaa gaa Uwumbɔr ki kii kan, naatataa le ye ke ti bee ke ti ga sil kan tiwan ni ti kpa limakl ke ti ga kan ni na. Tinimbil aa kan ni, le ti nyi ke ni sil bi.

Hiibru Yaab 12:25

Ni li nyi man, ki taa yii Uwumbɔr u len ni chee na. Buyoonn u nan sur Israel yaab dulnyaa wee ni na, le bi yii, le u daa bitafal. Ti yaa yii Yesu u nyan ni paacham ki nan sur timi na kan, u ga sil daa titafal.

Hiibru Yaab 5:7

Buyoonn Yesu nan ye unibɔn na, u nan wii tinyunyunn mpɔɔn pu, ki gaŋ Uwumbɔr u ga ŋmaa nyan u nkun ni na. Waah san Uwumbɔr na, le u ŋun waameel.

Hiibru Yaab 8:5

Bitotoorninkpiib ngbaan aatuln ye paacham aatuln aanaŋ la. Moses yaan mu nan bi kina la. Waah nan ban ke u ŋa libool tii Uwumbɔr na, Uwumbɔr nan bui u ke u li nyi ki ŋa tiwan mɔmɔk ke waah mɔk u laanaŋ, lijool paab pu na.

1 Piita 3:20

Bi nan bi Nowa aayoonn, kaa nan kii Uwumbɔr aamɔb, le u nan jin limɔr bi pu, ki kii n‑yoonn mu Nowa nan ti kpii buŋɔb doo na. Binib biniin baanja le nan koo buŋɔb ngbaan ni, le ki ŋmar nnyun pu.

2 Piita 1:1

Min Simonn Piita u ye Yesu Kristo aakpambal ni waatutunn na le ŋmee kigbaŋ kee m di tii nimi bi gaa timi Aawumbɔr Yesu Kristo u gaal timi lir na ki kii na. Waah ŋan sakpen pu na le u cha ni gaa u ki kii ke ti mu aah nan gaa u ki kii pu na.

2 Piita 2:5

Waa nan di cha dulnyaakpok aanib mu. U nan cha nnyun jin dulnyaakpok, ki kuln binib bi kaa san u na; ki gaa Nowa u nan mooni waabɔnyaan na lii; ki gaa binib bilole lii ki kpee Nowa pu.

2 Piita 3:6

Nnyun le nan jin dulnyaakpok, ki bii u.