Hiibru Yaab 11:32 - Uwumbɔr aagbaŋ

³² Tɔ, m ga ki len ke ba? Maa kpa n‑yoonn ke m len Gideonn, ni Barak, ni Samsonn, ni Jefta, ni David, ni Samuel, ni Uwumbɔr aabɔnabtiib aabɔr.

UWONBƆR A GBƆNPƆŊ LIKƆƆNL

³² Ke n ji yin len ke baa? Maa jɔɔ isaŋ nin n pag ni Gidion, nin Barag, nin Samisin, nin Jafita, nin Defid, nin Samɔɔl nin bilinlemin biɛn a bɔri,

Hiibru Yaab 11:32 ပူးပေါင်းရင်းမြစ်များ

Ilahn 99:6

Moses ni Aaronn le nan ye waatotoorb, le Samuel nan ye unii u mee u na; bi nan yin Uwumbɔr, le u kii baayim ngbaan.

Jeremia 15:1

Le Uwumbɔr bui mi ke, “Hali Moses ni Samuel le yaa ba si do ki gaŋni mi kan, maa ba ga san binib bee kinimbaak. Cha bi li cha; taa cha nnimbil ki kan bi.

Matiu 5:12

Ni li kpa mpopiin sakpen, ba pu? ni ga nan kan tinyoor sakpen paacham. Kina le bi nan ŋa Uwumbɔr aabɔnabtiib bi nan bi n‑yaayoonn na falaa.”

Tibɔnyaan ti Luk ŋmee ti na 13:28

Le u ga jenn nimi. Le ni ga li waa Abraham, ni Aisak, ni Jakob, ni Uwumbɔr aabɔnabtiib mɔmɔk Uwumbɔr aanaan ni. Ni ga li bi lipaal, ki wii ki ŋman ŋinyin nima chee.

Tibɔnyaan ti Luk ŋmee ti na 16:31

Le Abraham bui u, ‘Bi yaa kaa ŋun Uwumbɔr Aagbaŋ aah len pu na kan, unii yaa fikr nkun ni kan, nima le aan cha bi kpeln baabimbin.’”

Jɔnn 21:25

Tiwan pam aabɔŋ le Yesu ŋa, bi mu aa ŋmee ni mɔmɔk. Bi yaa ba ŋmee ni mɔmɔk kan, maa dak ke bi ba ga kan mpaan dulnyaa ni ki bil baah ŋmee tigbann ti na.

Lituln 10:43

N‑yaayoonn na, Uwumbɔr aabɔnabtiib mɔmɔk nan len Yesu aabɔr, ke unii umɔk gaa u ki kii na, Uwumbɔr ga di cha pinn u, uma Yesu aayimbil pu.”

Lituln 13:20

“N‑yoonn ngbaan le u tii bi bibɔjirb, bi li joo bi, ki ti saa waabɔnabr Samuel aayoonn.

Lituln 3:24

Uwumbɔr aabɔnabtiib bimɔk nan len tibɔr na, Samuel ni bibɔnabr bi mu nan paan ni u pu na, mu nan len tibɔr timina.

Rom Yaab 3:5

Timi aatunwanbir yaa mɔk ke Uwumbɔr ŋani ni ŋan na kan, ti ga len ke Uwumbɔr yaa daa titafal kan, u ŋa ni kaa ŋan na aa? Binib bi kaa dii Uwumbɔr na le baa kina.

Rom Yaab 4:1

Tɔ, cha ti lik tiyaaja Abraham aabɔr aah nan bi pu na:

Rom Yaab 6:1

Kina pu na, ti ga len kinye? Ti ga li beenin tun titunwanbir aan Uwumbɔr aanimbaasaln kpee ee? Taan li ŋani kina kpala.

Rom Yaab 7:7

Nima pu na, ti ga len ke Moses aakaal aa ŋan aa? Mu ŋan. Nkaal na yaa kaa ba bi kan, maa ba ga bee titunwanbir. Nkaal na yaa kaa ba len ke “Taa li kpa iniman” kan, maa ba ga bee ke iniman ye titunwanbir.

Jemisi 5:10

Nnaabitiib, bibɔnabr bi nan len Uwumbɔr aayimbil ni na, ni lik baah nan jin falaa ki kpa limɔr pu na, ni ye limɔkl le ki tii nimi.

2 Piita 1:21

Naa ye bima bibaa aageehn pu le cha bi len. Bi nan len Uwumbɔr Aafuur Nyaan aah cha bi len pu na.

2 Piita 3:2

M ban ke ni li teer tibɔr ti Uwumbɔr aabɔnabnyaam nan len n‑yaayoonn na, ki li teer Tidindaan u gaa timi lii na aabɔr ti timi waakpambalb tuk nimi na.

Bibɔjirb 13:24

Upii ngbaan nan ma ubijabo, le ki yin u ke Samsonn. Ubo ngbaan nan ŋa unii, le Uwumbɔr ŋa waanyoor ŋa u pu.

Bibɔjirb 15:20

Samsonn le nan ye Israel yaab aasaloln ki ti saa ŋibin moninko, buyoonn Filistia yaab joo Israel aatiŋ na.

Bibɔjirb 4:1

Ehud aah nan kpo na, le Israel aanib ki tun Uwumbɔr titunwanbir.

Bibɔjirb 6:1

Israel aanib nan ki gir tun Uwumbɔr titunwanbir, kina pu le u nan cha Midiann aanib joo bi, ki ti saa ŋibin ŋilole.

Bibɔjirb 6:11

Tɔ, Uwumbɔr aatuun dan Ofra aatiŋ ni, ki nan kal Abieser aataŋaal pu aaja Joas aakpaln aasub bubaa taab. Ujapɔɔn Gideonn nan loon ti bi poi njikaabim, kitakpaluŋ kibaa ni, ke Midiann yaab taa kan u.

Bibɔjirb 6:14

Le Uwumbɔr tuk u ke, “Li joo saapɔɔn sakpiin cha ki ti gaa Israel yaab Midiann yaab chee lii. Min mbaa le tun si.”

1 Samuel 1:20

Kina pu na, ni nan ye le ke u di dek, ki maa ubijabo. U nan yin u ke Samuel, le ki kpiir len ke, “M mee u Uwumbɔr chee la.”

1 Samuel 12:11

Le Uwumbɔr nan tun ni Gideonn, le ki ki tun Barak, ki di Jefta paan ni, le ki nan di mi gbiln puwɔb. Ti mɔmɔk gaal nimi, nimi aadim chee lir, le ni bi nsuudoon ni.

1 Samuel 16:1

Uwumbɔr nan bui Samuel ke, “Aa ga li wii Sɔɔl pu ni ti yunn kinye? M yii u ke u taa ki li ye Israel yaab aabɔr. Tɔ, ban olif aakpan ki buen Betlehem ni, uja u bi yin u ke Jese na chee; ba pu? m lee ujapɔɔn ubaa ke u li ye ubɔr.”

1 Samuel 16:13

Samuel nan yoor olif aakpan ki di kpir David aayil pu, ki kaan u nnaan, ukpetiib aanimbil ni. Libuul ngbaan ni le Uwumbɔr Aafuur nyaan gbiin David, ki cha u pɔɔk nyib, ki bi u chee ki joo cha. Le Samuel gir buen Rama ni.

1 Samuel 17:45

David nan kii u ke, “Aa joo kijaak aajuk, ni kikpaatuŋ, ni kijaangbeek le choo m chee; m ma kan, m choo aa chee Uwumbɔr Mpɔɔnsakpiindaan, u ye Israel aajab Aawumbɔr na aayimbil li aa sii na ni la.

1 Samuel 2:11

Tɔ, Elkana gir kun Rama, le Samuel u laa ye ubo na gaar Silo, ki tun Uwumbɔr aatuln, utotoor Eli chee.

1 Samuel 2:18

N‑yoonn mue na Samuel u nan laa ye ubo na nan beenin bi tun Uwumbɔr aatuln, ki pee libɔkul li bitotoorb peeni na.

1 Samuel 2:4

Bijab bi pɔɔ na aatɔi kool la, le bi kaa kpa mpɔɔn na moo pɔɔk.