Hiibru Yaab 11:3 - Uwumbɔr aagbaŋ

³ Ti gaa Uwumbɔr ki kii, nima le cha ti bee ke u nan len ki naan kitiŋ ni paacham. U nan di tiwan ni tinimbil aa ŋmaa kani ni na naan tinimbil aah kani nimɔk na.

UWONBƆR A GBƆNPƆŊ LIKƆƆNL

³ Yada bu le ti biɛ ke Imɔleen le Uwonbɔr nan ta naan dulinya, ni bu naa ye nan wee ti ga nan le Uwonbɔr nan ta naan dulinya.

Hiibru Yaab 11:3 ပူးပေါင်းရင်းမြစ်များ

Mpiin 1:1

Mpiin na Uwumbɔr nan naan kitiŋ,

Ilahn 33:6

Uwumbɔr len, le paacham naan, le ki ki len, le nwiin, ni uŋmal, ni iŋmabi naan.

Ilahn 33:9

U nan di umɔb le len, le dulnyaa naan; le waamɔboln cha tiwan mɔmɔk nyan ni.

Aisaya 40:26

Waan lik kitaapaak man. Ŋma naan iŋmabi i ni waa i na? U lolni i pu nsan ke bijab bi cha butɔb na la, ki nyi yaa wiir pu na, ki yin i mɔmɔk ni yaayimbil la. Waapɔɔn aah nyaŋ sakpen pu na, i ponn ni ubaa aa wɔŋni.

Jeremia 10:11

Tɔ, nimi le ga bui bi ke ŋiwaa le aa nan naan taab ni paacham; ŋi ga nan kuln. Ŋaan nan ki li bi dulnyaa wee ni nibaa chee.

Jeremia 10:16

Uma Uwumbɔr u tiyaaja Jakob mu dii u na aa bi ke ŋima na; uma Uwumbɔr le naan tiwan mɔmɔk, le ki lee Israel yaab ke bi li ye uma ubaa aanib. Waayimbil le ye ke Uwumbɔr Mpɔɔnsakpiindaan.

Jɔnn 1:3

Uwumbɔr nan cha u naan tiwan mɔmɔk. Tiwan nibaa aa gur waa naan ni.

Lituln 14:15

“Njɔtiib, ba pu ni ŋani kina? Ti po ye binibɔm ke naah ye pu na la. Ti dan ti nan tuk nimi tibɔnyaan la. Di cha man, ki taa ki dii ŋiwaa man. Ŋi ye fam la. Ni li dii Uwumbɔr u fu na. Uma le nan naan paacham ni kitiŋ, ni nnyusakpem, ni tiwan mɔmɔk.

Lituln 17:24

Uwumbɔr nan naan dulnyaa wee, ni tiwan nimɔk bi ni ponn ni na. Uma le ye paacham ni taab Aadindaan. Waa bi liwaal aadiik ni.

Rom Yaab 4:17

Ni ŋmee Uwumbɔr Aagbaŋ ponn ni ke Uwumbɔr bui Abraham, “M ŋa si ŋinibol pam aayaaja la.” Abraham le ye tite Uwumbɔr chee. U nan tii Uwumbɔr naadii. Uma Uwumbɔr le fikr binib bi kpo na nkun ni, le ki yin binib bi kaa kee bi na, ke baah bi le na.

1 Korenti 2:7

Ti len Uwumbɔr aabɔbɔrkaan aalan mu nan bɔr na aabɔr la. Uwumbɔr aah kaa nan kee naan dulnyaa wee na, u nan dakl nlan mue, ke ti mu ji waamɔɔn.

1 Timoti 4:5

Ba pu? taah ji tijikaar ti ki dooni Uwumbɔr ti pu na, nibaa aa bi ti ni; ba pu? Uwumbɔr len ke ti ŋan.

Hiibru Yaab 1:2

Kookoo aayoonn mue le u cha Ujapɔɔn tuk timi waabɔr. Uma le u nan cha u naan dulnyaa wee, ki len ke uma le ga li yeh tiwan mɔmɔk.

Hiibru Yaab 6:5

ki bee waabɔr aah ŋan pu na, ki kan dulnyaa u choo na aapɔɔn, le ki di cha waasan.

2 Piita 3:5

Baageehn pu, le bi suln ke n‑yaayoonn na, Uwumbɔr nan di umɔb len, le ki naan paacham, ni kitiŋ ki nyan ni nnyun ni, ki bi nnyun aakaasisik ni na.

Tibɔkpiirkaan 4:11

“Tidindaan Uwumbɔr, si le ŋeer ke ti pak si, ki nyuŋ si, ki ŋeer aa li kpa mpɔɔn; ba pu? si le naan tiwan mɔmɔk. Saageehn pu le aa nan naan tiwan mɔmɔk. Saageehn pu le ni mɔmɔk bi.”