Hiibru Yaab 11:16 - Uwumbɔr aagbaŋ

¹⁶ Bi nan ban kitiŋ ki ŋan jer kitiŋ ngbaan na la. Bi nan ban paacham aatiŋ la. Nima pu na, inimɔɔn aa nan joo Uwumbɔr ke bi yin u ke Baawumbɔr. U nan toor kitiŋ tii bi.

UWONBƆR A GBƆNPƆŊ LIKƆƆNL

¹⁶ Amaa bi nan ban kitiŋ kan ŋan le, ki be papaab. Mambu naa jɔɔ Uwonbɔr ifa nin bin yin U ke bi Wonbɔr wi, ni ma bu U mann kitiŋ le ki guu bi.

Hiibru Yaab 11:16 ပူးပေါင်းရင်းမြစ်များ

Mpiin 26:24

Kinyeek ngbaan le Uwumbɔr nan bui u tidaŋ ponn ni ke, “Min le ye aate Abraham Aawumbɔr. Taa li san ijawaan; m bi aa chee. M ga ŋa tinyoor ŋa aa pu, ki cha aa maa pɔr, ki li kpa yaabitiib sakpen, ke maah nan puu tii maatutunn Abraham pu na.”

Mpiin 28:13

Le u kan ke Uwumbɔr si gbɔk u ki bui u ke, “Min le ye Uwumbɔr, aayaaja Abraham ni aate Aisak Aawumbɔr. M ga di kitiŋ ki aa dɔ ki pu na tii aa ni aayaabitiib.

Nnyam 3:15

Tuk Israel yaab ke min, U‑ye‑na, u ye niyaajatiib Abraham, ni Aisak, ni Jakob Aawumbɔr na le tun ni si bi chee. Bi ga li yin mi kina le n‑yoonn mu kaa kpa ndoon na. Kina le n‑yoonn mu choo na aanib ga li yin mi.

Nnyam 3:6

Min le ye aayaajatiib Aawumbɔr, min le ye Abraham, ni Aisak, ni Jakob Aawumbɔr.” Nima pu na, Moses nan biin unimbil pu, kaa nan kaa u lik Uwumbɔr.

Nnyam 4:5

Le Uwumbɔr bui u ke, “Ti ŋa kina ki mɔk Israel yaab ke Uwumbɔr, u ye niyaajatiib Abraham, ni Aisak, ni Jakob Aawumbɔr na le dan aa chee.”

Jeremia 31:1

Uwumbɔr len ke, “N‑yoonn choo le m ga li ye Israel aanibol mɔmɔk Aawumbɔr, le bi mu li ye maanib.

Matiu 25:34

Le min, u ye Ubɔrkpaan ngbaan na, ga bui binib bi si ŋŋangii wɔb na, ‘Nimi bi Nte Uwumbɔr ŋa tinyoor ŋa ni pu na, dan nan ji nnaan mu u nan toor siin nimi, buyoonn u nan naan dulnyaa wee na.

Tibɔnyaan ti Mak ŋmee ti na 12:26

Joo cha binib aah ga fikr nkun ni pu na aabɔr, naa karn Moses aah nan ŋmee busub bu nan gaal mmii na aabɔr nin chee na aa? Nima chee le ni ŋmee ke Uwumbɔr nan bui Moses, ‘Min le ye Abraham, ni Aisak, ni Jakob Aawumbɔr.’

Tibɔnyaan ti Mak ŋmee ti na 8:38

Dandana aanib ye titunwanbirdam la, kaa dii Uwumbɔr. Unii yaa san inimɔɔn m ni maabɔr chee ke u di tuk biken kan, min Unibɔn Aabo ga nan yii udaan ngbaan. M ga gir ni, ki li kpa Nte Uwumbɔr aapɔɔn. Uwumbɔr aatuuntiib bi ye chain na, mu ga dii mi. N‑yoonn ngbaan le m ga yii udaan ngbaan.”

Tibɔnyaan ti Luk ŋmee ti na 12:32

“Maanib bi bi siib na, ni taa san ijawaan man. Nite Uwumbɔr le ban ke u tii nimi nnaan. Waageehn le na.

Tibɔnyaan ti Luk ŋmee ti na 20:37

Tɔ, Moses mu nan mɔk timi ke binib bi kpo na ga fikr nkun ni. Buyoonn u nan bi busub bu gaal mmii na chee na, u nan yin Uwumbɔr ke Abraham, ni Aisak, ni Jakob Aawumbɔr la.

Jɔnn 14:2

Tidir wiir Nte Uwumbɔr do. Ti yaa kaa ba wiir kan, m ba ga tuk nimi. M cha m ti toor nkookoo yaan ki kiir nimi la.

Lituln 7:32

‘Min le ye aayaajatiib Abraham, ni Aisak, ni Jakob Aawumbɔr.’ Ijawaan chuu Moses, le uwon gbaa. Waa ki kaa u ki lik.

Filipi 3:20

Tima kan, Uwumbɔr do le ye tido, le ti kii bundaln Tidindaan Yesu Kristo u ga gaa timi lii na ga nya ni nima na.

2 Timoti 4:18

Tidindaan ga nyan mi binib aah ban bi ŋa mi bakaa u na mɔmɔk ponn ni. U ga biin m pu ki li joo ni mi waanaan ni paacham. Uma le yeh nnyuŋ n‑yoonn mu kaa kpa ndoon na. Amii.

Hiibru Yaab 10:34

ki san binib bi bi kiyondiik ni na kinimbaak. Binib aah gaa nimi aawan mpɔɔn pu na, le ni nan kpa mpopiin; ba pu? ni nyi ke ni kpa tiwan paacham ni jer baah gaa ni na, ke tiwan ngbaan ga li bi n‑yoonn mu kaa kpa ndoon na.

Hiibru Yaab 11:10

U nan ban kitiŋ ki ga li bi n‑yoonn mu kaa kpa ndoon aan Uwumbɔr maa ki na la.

Hiibru Yaab 11:14

Binib bi len kina na mɔk chain ke bi ban bite do la.

Hiibru Yaab 11:40

Ba pu? u nan ban ke u ŋa ti mu tiŋann sakpen la. U nan ban ke u di timi, ni bi mu, kpaan ŋa binib bi ŋan ti doo na la.

Hiibru Yaab 12:22

Naa fuu ni lijool ngbaan chee. Ni fuu ni Sionn aajool chee la. Nima chee le Uwumbɔr u ye limɔfadaan na aatiŋ bi. Kitiŋ ngbaan ye Jerusalem la, ki bi paacham. Uwumbɔr aatuuntiib churbaka bi ki ponn ni.

Hiibru Yaab 13:14

Tido u bi dulnyaa wee ni na aan li bi n‑yoonn mu kaa kpa ndoon na. Ti ban tido u bi dulnyaa u choo na ni la.

Hiibru Yaab 2:11

U ŋani binib chain la. U ni binib bi u ŋani bi chain na, bi mɔmɔk kpaan te ubaa la. Nima le inimɔɔn aa joo u ke u yin bi unaabitiib.

Tibɔkpiirkaan 21:2

Le m kan kitiŋ ki bi chain, ki ye Jerusalem pɔɔn na, nyan ni Uwumbɔr chee paacham, ki gor ke ubɔndinn u ban u mɔn tichal na aah gor ubaa pu pu na.