Hiibru Yaab 11:12 - Uwumbɔr aagbaŋ

¹² Nima pu na, ujabaan u nan bi ke waah kpo le na, nan ma binib bi wiir ke iŋmabi aah wiir pu na. Bi wiir ke litambol li dɔ nnyusakpem aagbaan na. Ubaa aa ŋmaa kahn bi.

UWONBƆR A GBƆNPƆŊ LIKƆƆNL

¹² Hali nin Abiraham kaah kaa ji nan fɔg nin nkumin gbaa, uma uja uba nmɔn a yaabili le nan yabig ke iŋmabil yan be titalangbann nin ni, ki ji yab ke limɔgil a gbaam a tanbiidil yan kaa jɔɔ kanlin.

Hiibru Yaab 11:12 ပူးပေါင်းရင်းမြစ်များ

Mpiin 15:5

Le Uwumbɔr nan cha Abram nyan sil lipaal, le ki bui u ke, “Yaar lik paacham, ki pɔɔk aabaa ki kahn iŋmabi; saamaal ponn ni aanib ga li wiir kina la.”

Mpiin 22:17

nima pu le m puu ke m ga cha aayaabitiib li wiir ke iŋmabi aah bi paacham pu na, ki ga ki li wiir ke limɔɔtanbol li dɔ nnyusakpem aagbaan na. Aayaabitiib le ga li nyaŋni baadim.

Mpiin 26:4

M ga cha aa maa ki li kpa yaabitiib bi li wiir ke iŋmabi na, le m ga di kitiŋ kee mɔmɔk tii bi. Aayaabitiib pu le m ga ŋa tinyoor ŋa ŋinibol mɔmɔk pu.

Mpiin 32:12

Teer ke aa nan puu tipuur tii mi ke aa ga li kii ki ter mi tiwan mɔmɔk ni, ki ga cha m maa pɔr, le n‑yaabitiib ga li wiir ke litambol li dɔ limɔɔl aagbaan na, le ubaa aan ŋmaa kahn bi.”

2 Samuel 17:11

Maasurm le ye ke aa kuun ni Israel aanib mɔmɔk Israel aatiŋ kee pu nan kpaan. Bi li wiir ke litambol li bi nnyusakpem aagbaan na, le sin aabaa di bi buen butɔb.

1 Bibɔrb 4:20

Juda ni Israel aanib nan wiir ke litambol li dɔ nnyusakpem aagbaan na la. Bi nan ji ki nyu, le ki kpa mpopiin.

1 Bibɔrb Aabɔr 27:23

Uwumbɔr aah nan puu ke u ga cha Israel aanib li wiir ke iŋmabi i bi kitaapaak na aah wiir pu na, Ubɔr David aa nan kahn binib bi aabin aa fuu moninko na.

Nehemia 9:23

Saah nan tii bi mbim mu na nan wiir ke iŋmabi i bi kitaapaak na la, le bi jan, ki gaa ki koo kitiŋ ki aa nan puu ke aa ga di tii biyaajatiib ni bima na ni.

Nnyam 32:13

Teer saanaagbiib Abraham, ni Aisak, ni Jakob bɔr. Teer tipuur bamɔnn ti aa nan puu, ke aa ga cha bi maa ki pɔr, ki li wiir ke iŋmabi i bi kitaapaak na, ki di kitiŋ ki aa nan puu ke aa ga di tii bi, aan bi li yeh ki n‑yoonn mu kaa kpa ndoon na bɔr.”

Aisaya 10:22

Dandana, Israel yaab wiir ke nnyusakpem aatambol aah wiir pu na la, le bi ponn ni siib ga gir ni. Uwumbɔr bui ke u ga bii bi; le bi ŋeer kina.

Aisaya 48:19

Niyaabitiib ba ga li wiir ke limɔɔtambol na la, le m ba ga li kii bi, ubaa taa bii bi.”

Jeremia 33:22

M ga cha maatutunn Ubɔr David aayaabitiib ni Liifai aanibol moo too pɔr, le unii aan ŋmaa kahn bi ke unii aah kaa ŋmaa kahn iŋmabi i bi kitaapaak na, ni litambol li dɔ nnyusakpem aagbaan na pu na.”

Hosea 1:10

Israel aanib ga li wiir ke nnyusakpem aatambol na la. Bi ga li wiir jer baah ga kahn, bee bi ŋaŋ bi pu na. Le Uwumbɔr bui bi n‑yoonn mue ke, “Naa ye maanib,” tɔ, n‑yoonn choo le u ga nan bui bi ke, “Ni ye min Uwumbɔr u bi na aabim la.”

Habakuk 1:9

“Baajab choo bi ti nyaŋ ntim mɔmɔk. Bi wiir pam, ki nya ni liwipuul wɔb ke kitaabuŋ na. Le baah chur binib bi tinaagbiir na wiir ke litambol na.

Rom Yaab 9:27

Tɔ, Uwumbɔr aabɔnabr Aisaya nan len Israel yaab aabɔr; u nan len ke Israel yaab wiir ke nnyusakpem aatambol aah wiir pu na, le bi ponn ni, binib siib baanja ga ŋmar;

Ikaal 1:10

Nidindaan Uwumbɔr cha ni pɔr ki wiir ke iŋmabi i bi paacham na.

Ikaal 28:62

Naah wiir ke iŋmabi na, ni ga ti gur siib la, ba pu? ni yii Nidindaan Uwumbɔr aamɔb.

Josua 11:4

Bi mɔmɔk nan kuun ni, ki joo ni baajab. Bi nan wiir ke litambol li dɔ nnyun aagbaan na aah wiir pu na la, ki nan kpa itaan ni tɔroku mam.

Tibɔkpiirkaan 20:8

Le ki ga buen ki ti ŋmann ŋinibol ŋi bi dulnyaa wee mɔmɔk ni na, ki ti kuun bi, bi ti to butɔb. Ŋinibol ngbaan aayimbil le ye Gog, ni Magog. Bi wiir ke nnyusakpem aatambol aah wiir pu na,

Bibɔjirb 7:12

Midiann yaab, ni Amalek yaab, ni ŋinibol ŋi bi nteersakpiin ni na aajab nan yaa gaa kifataŋ ngbaan ni ke itoon na, le baalaakumii tiib nan wiir ke limɔɔtambol li dɔ nnyusakpem aagbaan na.

1 Samuel 12:5

Le Samuel giin kii bi ke, “Uwumbɔr, ni waah lee ubɔr u na le ye seeraadam din wee ke maa kpa taani ubaa.” Le bi kii ke, “Een, Uwumbɔr le ye seeraadaan.”