Hiibru Yaab 10:11 - Uwumbɔr aagbaŋ

¹¹ Juu yaab aatotoorb mɔmɔk tun lituln iwiin mɔmɔk tii Uwumbɔr. N‑yoonn mɔmɔk, bi toor kitork kichachaan le tii u. Kitork ngbaan aan ŋmaa nyan titunwanbir binib aasui ni.

UWONBƆR A GBƆNPƆŊ LIKƆƆNL

¹¹ Biminmanib biɛn si le lidaal biɛn ki tun bi wonjiɛn toon; ki le gbaa sagir ki mann kumanug kuba nmɔn, kan kaa li fir nyan tibiri.

Hiibru Yaab 10:11 ပူးပေါင်းရင်းမြစ်များ

Nnyam 29:36

Idaa mɔmɔk kan, aa ti kɔr unaaja ubaa ki toor chapinn aatork. Nima le ga cha kitork aabimbiln ngbaan ŋa chain, le aa nin di olif aakpan meen li, li ŋa min Uwumbɔr yaan.

Aisaya 1:11

U bui ke, “Taa dak man ke m gee nimi aatork ki ni toor tii mi na. Maa ki neen naah kɔr nimi aapiih i ki joo seer mmii ni ki tii mi na, ni nimi aanaa i ŋan na aakpan mu. Maa ki neen nimi aanaasin, ni mpihsin, ni ŋŋosin mu ni tii mi na.

Esekiel 45:4

Nima le ga li ye chain aapepel, litingbaln ngbaan ponn ni, le bi nyan li di siin bitotoorb bi tun Uwumbɔr aatuln Waadichal ni na. Nima chee le bitotoorb aadichal ni Uwumbɔr Aadichal ga sil.

Daniel 11:31

Waajab ngem ga bii Uwumbɔr Aadichal. Bi ga kuln iwiin mɔmɔk aatork, ki di tiwanbir ni bii tiwan nimɔk bi chain na siin nima.

Daniel 12:11

“Ki nya buyoonn bibiindam cha bi taa ki toor iwiin mɔmɔk aatork Uwumbɔr Aadichal ni na, nima le ye buyoonn tiwanbir ni bii tiwan nimɔk bi chain na ga sil Uwumbɔr Aadichal ngbaan ni, iwiin lichur ni ikui ilee ni imonko inaa ni kipiik le ga jer.

Daniel 8:11

Mu nan sii Uwumbɔr u ye paacham aajab aaninkpel na, kaa ki cha binib toor kitork tii u, ki bii Waadichal.

Daniel 9:21

Maah nan beenin bi mee Uwumbɔr kina na, le waatuun Gabriel, u m ba puen kan u njan aadaŋ ponn ni na, fii dan maah si nin chee na. Ni nan ye buyoonn bi toor kijook aatork na la.

Daniel 9:27

Ubɔr pɔɔl ngbaan ga cha u ni binib pam kpaan kimɔbaan ki pɔɔ na ki ti saa ŋibin ŋilole, le ŋibin ŋilole ngbaan ponn ni yaa nan saa ŋibin ŋitaa ni ligeln na, u ga kuln kitork ni ipiin, Uwumbɔr Aadichal ni. U ga di tiwanbir ni bii tiwan nimɔk bi chain na ki di kaan Uwumbɔr Aadichal paab, nin chee paa na, le ni ga li ka nima ki ti saa buyoonn unii u di ni kaan nima na pii ndoon mu Uwumbɔr gor kiir u na.”

Maika 6:6

Buyoonn m dan ke m nan doon Uwumbɔr u ye paacham Aadindaan na kan, m ga joo ba nan tii u? M ga joo ni inaabi i ŋan sakpen na le nan see mmii ni tii u uu?

Nkahm 28:24

Naah ga ŋa njim ngbaan ki ti saa iwiin ilole daal pu na, ni li toor tijikaar aatork kina ki tii Uwumbɔr, kina aatork nu mɔ u chee. Ni toor kina aatork ki di kpee iwiin mɔmɔk aatork, ni li ye kitork ki ni joo seer mmii ni na, ni ŋisubil aadaan aatork na pu, ki tii Uwumbɔr.

Nkahm 28:3

Naah ga di tijikaar aapiin i tii Uwumbɔr iwiin mɔmɔk, aan ki di see mmii ni na sɔ: libiln libaa aapihjabi ilee, i taa li kpa iween, ki li ŋan.

Nkahm 29:6

Ni toor kina aatork ki kpee uŋmal mɔmɔk aajan aawiin aatork, ni iwiin mɔmɔk aatork ki ni joo seer mmii ni na, ni njikaabim aatork ni ŋisubil aadaan aatork na pu, ki tii Uwumbɔr. Tijikaar aatork kina aaboln nu mɔ Uwumbɔr chee.

Hiibru Yaab 10:1

Moses aakaal nan ye nsanyaan mu choo na aamɔkl la, naa nan ye nsanyaan ngbaan mbamɔm. Binib bi dii Moses aakaal na toor titorbaan ŋibin ŋibin, nima le aa ŋmaa ŋa bi binib bi ŋan ti doo na.

Hiibru Yaab 10:4

Inaaja aasin, ni iŋoob aasin aa ŋmaa nyan titunwanbir binib aasui ni.

Hiibru Yaab 5:1

Utotoorninkpel umɔk bi na, Uwumbɔr le lee u ki nyan u binib ponn ni siin, ke u ti sil baasisiiyaan Uwumbɔr aanimbiin ni, aan ki tii u ipiin, ki toor kitork tii u binib aatunwanbir pu.

Hiibru Yaab 7:27

Bitotoorninkpiib biken aah bi pu na, waa bi kina. Waa toor kitork uma ubaa aatunwanbir pu, u toor kitork binib aatunwanbir pu la. Waa toor kitork iwiin mɔmɔk. U nan di ubaa toor kitork nfum mubaa, kookoo aatork mu le na.

Hiibru Yaab 8:2

U tun utotoorninkpel aatuln paacham aadiik ki ye kidibamɔŋ ki bi chain na ponn ni. Uwumbɔr le maa ki, naa ye binib.

Hiibru Yaab 8:4

Bitotoorninkpiib bi dulnyaa wee ni ki toor kitork tii Uwumbɔr, Juu yaab aakaal aah dii pu na la. Yesu yaa ba laa bi dulnyaa wee ni kan, waa ba ga li ye utotoor.