Hiibru Yaab 1:2 - Uwumbɔr aagbaŋ

² Kookoo aayoonn mue le u cha Ujapɔɔn tuk timi waabɔr. Uma le u nan cha u naan dulnyaa wee, ki len ke uma le ga li yeh tiwan mɔmɔk.

UWONBƆR A GBƆNPƆŊ LIKƆƆNL

² amaa idaa yan joor nan, u che U bija le pag sei ti, wan wee U ŋau niwann biɛn a faajiru win, nin wan bu wee U nan naan dulinya nan nin.

Hiibru Yaab 1:2 ပူးပေါင်းရင်းမြစ်များ

Mpiin 49:1

Jakob nan yin ujapɔtiib ki bui ke, “Tiŋ ni, ki mann goln mi man, aan m tuk nimi tiwan ni choo ni pu ki ga nan ŋa na.

Aisaya 2:2

N‑yoonn choo, le lijool li pu Uwumbɔr Aadichal si na ga li ye lijool li paa jer ŋijoo mɔmɔk na, li ga li fɔk chaar jer ŋigongon mɔmɔk, le ŋinibol pam ga dan li chee,

Aisaya 44:24

“Min le ye Uwumbɔr u gaal nimi lir na. Min le naan nimi. Min le ye Uwumbɔr u naan tiwan mɔmɔk na. Min baanja le daa taln kitaapaak; maah nan naan kitiŋ kee na, ubaa aa nan ter mi.

Aisaya 45:12

Min le naan kitiŋ kee, le ki naan unibɔn ke u li bi ki pu. Mbaa aapɔɔn pu le m di daa taln kitaapaak; min le mɔk nwiin, ni uŋmal, ni iŋmabi naah ga ŋa pu na.

Aisaya 45:18

Uwumbɔr le naan kitaapaak, uma baanja le ye Uwumbɔr. Uma le ŋaŋ ki naan kitiŋ kee, u ŋa ki ki pɔɔ ki ga yunn pam. Waa nan ŋa ki kitiŋ ki bi yɔli kaa kpa nibaa na. U nan ŋa ki ke nin chee binib ga li koo na la. Uma le len ke, “Min le ye Uwumbɔr, uken aa ki bi ki kpee m pu.

Jeremia 48:47

N‑yoonn mu choo na, Uwumbɔr ga nan ki tii Moab nkam. Uwumbɔr aah len ke tiwan ni mɔmɔk ga ŋa Moab aatiŋ na le na.

Esekiel 38:16

Aa ga tak maanib Israel yaab ke kitaabuŋ ki bɔ kitiŋ ponn ni ki jer na. N‑yoonn ngbaan yaa nan fuu ni kan, m ga cha aa ti koo maatiŋ ni ki di mɔk ŋitimbol maah ye Uwumbɔr u na, ki di maah joo si tun lituln li na mɔk maah ye chain pu na.

Daniel 10:14

M dan ke m nan cha aa bee tiwan ni ga nan ŋa saanib n‑yoonn mu choo na la. Lijinjiir aawan ngbaan ye n‑yoonn mu choo na aabɔr la.”

Daniel 2:28

Tɔ, Uwumbɔr ubaa u bi paacham, ki ŋmaa kpiir iwaan aawan mɔk na baanja le ga ŋmaa ŋa kina. Uma le tuk mpɔɔndaan tiwan ni ga ŋa n‑yoonn mu choo na. M ga tuk si tidaŋ ti aa nan dɔ geen ki daŋ na.

Hosea 3:5

Tɔ, n‑yoonn tee choo, le Israel aanib ga nan ki fenn dan Bidindaan Uwumbɔr chee, ki dan ubɔr David aayaabil chee. Le bi ga li san Uwumbɔr ki gaa waapiin i ŋan na.

Maika 4:1

N‑yoonn choo, le lijool li pu Uwumbɔr Aadichal si na ga li ye lijool li paa jer ŋijoo mɔmɔk na, li ga chaar ŋigongon mɔmɔk pu. Le ŋitimbol pam ga dan li chee;

Nkahm 24:14

Balaam nan ki bui Balak ke, “Dandana wee, m ban m gir kun ndo yaab chee la; waahr aan m gir buen na, cha m sur si, ki tuk si Israel yaab aah ga nan ŋa saanib pu, n‑yoonn mu choo na.”

Matiu 13:39

Ukpaal aadin u yaa timoor ngbaan na le ye kinimbɔŋ. Lipuicheel le ye dulnyaa aadoon. Bipuicheeb ngbaan le ye Uwumbɔr aatuuntiib.

Matiu 17:5

Waah beenin bi len kina na, libuul ngbaan ni le ntaalangbapiin dan nan biin bi pu. Le nneel len ntaalangbapiin na ponn ni ke, “Njapɔɔn u m gee u na sɔ. Nnimbil gbiin u. Li ŋun waah len pu na man.”

Matiu 21:38

Bikpaab ngbaan aah kan waabo ngbaan na, le bi bui tɔb, ‘Uma le ye waafaajil. Cha ti ku u man aan ki ji waafaal.’

Matiu 26:63

Le Yesu si ŋmin. Le Uwumbɔr aatotoorninkpel bui u, “Puu Uwumbɔr u fu na pu, aa ye Uwumbɔr Aajapɔɔn Kristo u Uwumbɔr lee u na aan saa ye?”

Matiu 28:18

Le Yesu bui bi, “Uwumbɔr tii mi mpɔɔn mɔmɔk, paacham ni taab.

Matiu 3:17

Le u ŋun nneel len paacham ke, “Njapɔɔn u m gee u na sɔ. Nnimbil gbiin u.”

Tibɔnyaan ti Mak ŋmee ti na 1:1

Tibɔr timina le ye Uwumbɔr Aajapɔɔn Yesu Kristo aabɔnyaan.

Tibɔnyaan ti Mak ŋmee ti na 12:6

Unii ubaa le ti gur u chee. Ujapɔnbaal u, u gee u na le gur. Kookoo yaan le u di ujapɔɔn ngbaan tun bikpaab ngbaan chee, le ki bui ke, ‘Bi ga pak njapɔɔn ma.’

Tibɔnyaan ti Mak ŋmee ti na 12:7

Le bikpaab ngbaan kpokl tɔb, ‘Uma le ye waafaajil. Cha ti ku u man, aan ki ji waafaal.’

Jɔnn 1:10

Baah yin u ke Limɔboln na nan naan dulnyaa, ki dan nan bi dulnyaa ni, le dulnyaa aanib aa bee u.

Jɔnn 1:14

Baah yin u ke Limɔboln na nan kpaln unibɔn, ki nan bi tikaasisik ni. U gee binib chob, ki len ibamɔn baanja la. Le ti kan waah kpa mpɔɔn pu na. Waah ye Uwumbɔr Aajapɔnbaal na, u kpa mpɔɔn ke Ute Uwumbɔr aah kpa pu na.

Jɔnn 1:3

Uwumbɔr nan cha u naan tiwan mɔmɔk. Tiwan nibaa aa gur waa naan ni.

Jɔnn 13:3

Yesu nyi ke Ute Uwumbɔr tii u mpɔɔn mɔmɔk, ki nyi ke u nyan ni Uwumbɔr chee, ki ga ki gir buen u chee la.

Jɔnn 13:32

Bi yaa nyuŋ Uwumbɔr m pu kan, Uwumbɔr mu ga nyuŋ mi ubaa chee. U ga nyuŋ mi dandana wee la.

Jɔnn 15:15

Maan ki yin nimi ke bitutum; m yin nimi ke njɔtiib la. Ututunn aa nyi udindaan aabɔr mɔmɔk; m tuk nimi tibɔr timɔk m ŋun Nte Uwumbɔr chee na.

Jɔnn 16:15

Nte Uwumbɔr aabɔr mɔmɔk ye maabɔr la. Nima le cha m bui nimi ke mu ga di maabɔr tuk nimi.”

Jɔnn 17:2

ba pu? aa ŋa mi binib mɔmɔk Aadindaan ke m di limɔfal li kaa kpa ndoon na, ki di tii saah tii mi binib bi na mɔmɔk.

Jɔnn 3:16

Uwumbɔr aah gee dulnyaa aanib sakpen pu na, nima le u di Ujapɔnbaal tii ni ke unii umɔk gaa u ki kii na taa kpo, u li kpa limɔfal li kaa kpa ndoon na.

Jɔnn 3:25

Le Jɔnn aadidiliib ni Juu aanii ubaa nan kpak tɔb kinikpakpak, baah muini binib nnyun ni pu na pu.

Jɔnn 5:26

Nte Uwumbɔr ye Umɔfadaan la, le ki ŋa min Ujapɔɔn mu Umɔfadaan,

Jɔnn 5:27

ki tii mi mpɔɔn ke m ji binib tibɔr; ba pu? m ye Unibɔn Aabo la.

Jɔnn 9:29

Ti nyi ke Uwumbɔr nan len Moses chee tibɔr. Uja ngbaan ma kan, taa nyi waah nyan nin chee na.”

Lituln 10:36

Ni nyi ke Uwumbɔr tuk Israel yaab tibɔnyaan. Tibɔnyaan tee le ye ke Uwumbɔr ga tii bi nsuudoon Yesu Kristo pu. Uma le ye ti mɔmɔk Aadindaan.

Lituln 2:17

‘N‑yoonn mu choo na, m ga di Maafuur Nyaan ŋa binib mɔmɔk pu. Nijapɔtiib ni nibisatiib ga nabr min Uwumbɔr aah len pu na. Nimi aanachipɔm ga kan lijinjiir aawan. Nimi aaninkpiib ga daŋ tidaŋ.

Rom Yaab 1:4

Uwumbɔr nan fikr u nkun ni, le Waafuur Nyaan mɔk ke u ye uma Uwumbɔr Aajapɔɔn u kpa mpɔɔn na.

Rom Yaab 8:17

Taah ye Uwumbɔr aabim na, ti ga kan Uwumbɔr aah di tiwanyaan ni bil kiir timi paacham na. Ti ni Kristo ga kpaan kan tiwanyaan ngbaan. Ti yaa ji falaa u pu kan, ti ni u ga nan kpaan ji mmɔɔn paacham.

1 Korenti 2:7

Ti len Uwumbɔr aabɔbɔrkaan aalan mu nan bɔr na aabɔr la. Uwumbɔr aah kaa nan kee naan dulnyaa wee na, u nan dakl nlan mue, ke ti mu ji waamɔɔn.

1 Korenti 8:6

Tima kan, ti kpa Uwumbɔrbaan, u ye Tite na. Uma le nan naan tiwan mɔmɔk. Ti bi ke ti li ŋani waageehn la. Ti kpa Tidindaan ubaa mu la. Uma le ye Yesu Kristo. Uma le Uwumbɔr nan cha u naan tiwan mɔmɔk. Uma pu le ti bi.

Galantiya 4:4

Naah nan ŋeer n‑yoonn mu na, le Uwumbɔr nan tun ni Ujapɔɔn. Upii le nan ma u. Juu yaab aakaal le nan joo u,

Efesusi 1:10

Tibɔbɔrkaan ngbaan le ye ke ni yaa nan ŋeer kan, u ga di tiwan nimɔk bi paacham ni taab na kpaan tɔb chee, ki ŋa ni kimɔbaan, ki ŋa Kristo ni mɔmɔk aayidaan.

Efesusi 3:9

ki kpiir tibɔbɔrkaan mɔk binib mɔmɔk, ke binib bi kaa ye Juu yaab na mu ga ŋmar. Uwumbɔr u nan naan tiwan mɔmɔk na le nan bɔr tibɔbɔrkaan ngbaan ki nan saa dandana.

Ikaal 18:15

U ga tun ni waabɔnabr u li bi ke min na, udaan ga li ye ninaabitiib ponn ni ubaa la. Ni ŋun tii u.

Ikaal 31:29

M bee ke m yaa kpo kan, binib ngbaan ga tun titunwanbir, ki yii maah mɔk bi ikaal i na. Le bi yaa ŋa kina kan, n‑yoonn mbaa choo, bi ga nan kan tibɔbir, ba pu? baah ga tun titunwanbir ti na le ga cha Uwumbɔr aaŋuul fii bi pu.”

Ikaal 4:30

N‑yoonn mu ni ti kan limukl, aan tiwanbir ngbaan mɔmɔk pii nimi na, le ni ga fenn ban Uwumbɔr ki kii tii u.

Hiibru Yaab 1:5

Uwumbɔr nan bui Ujapɔɔn ke, “Sin le ye Maabo, din wee le m ma si,” ki ki bui ke, “Min le ga li ye Ute, le u li ye Maabo.” Uwumbɔr aa nan bui waatuun ubaa kina.

Hiibru Yaab 1:8

Le u len Ujapɔɔn aabɔr ke, “Uwumbɔr, saanaan ga li bi ki ti saa n‑yoonn mu kaa kpa ndoon na. Aa joo saanaan ni aanib mbamɔm la.

Hiibru Yaab 11:3

Ti gaa Uwumbɔr ki kii, nima le cha ti bee ke u nan len ki naan kitiŋ ni paacham. U nan di tiwan ni tinimbil aa ŋmaa kani ni na naan tinimbil aah kani nimɔk na.

Hiibru Yaab 2:3

Nima pu na, ti yaa yii ŋŋmarkpaan ngbaan aaboln kan, taan nyan ntafadaan ni. Tidindaan ubaa le nan pue tuk binib ŋŋmarm ngbaan aabɔr. Le binib bi ŋun na mu tuk timi, ki mɔk timi ke ti gbii la.

Hiibru Yaab 3:6

Kristo ma kan, u ye Uwumbɔr Aajapɔɔn, le ki joo Uwumbɔr aamaal mbamɔm. Timi le ye waamaal ni aanib. Ti yaa kpa lipobil ni mpopiin ki ti saa ndoon kan, ki yaa kaa joo beeni kan, ti ye waamaal yaab la.

Hiibru Yaab 4:14

Tɔ, ti kpa utotoorninkpekpaan u bi Uwumbɔr do na. U ye Uwumbɔr Aajapɔɔn Yesu la. Nima pu na, cha ti li beenin dii u ki taa di waasan lii.

Hiibru Yaab 5:8

U ye Uwumbɔr Aajapɔɔn la, le ki kii waamɔb, ki jin falaa, le ki bae naah pɔɔ pu aan u kii Uwumbɔr aamɔb ki jin falaa na.

Hiibru Yaab 7:28

Bi nan leer bitotoorninkpiib Moses aakaal aah dii pu na. Bitotoorninkpiib ngbaan aa nan ŋan ti doo. Nkaal ngbaan aapuwɔb le Uwumbɔr puu tipuur, ki ŋa Ujapɔɔn utotoorninkpel. Uma le ye utotoorninkpel bamɔnn, ki ga li bi n‑yoonn mu kaa kpa ndoon na.

Hiibru Yaab 7:3

Baa ŋmee ute ni una ni uyaajatiib aabɔr, kaa ŋmee buyoonn bi nan ma u na, ki mu aa ŋmee buyoonn u doo waatuln na. Waamɔfal aayoonn mɔmɔk u nan ye Uwumbɔr aatotoor la. Nima le u naahn Uwumbɔr Aajapɔɔn u ye utotoor n‑yoonn mu kaa kpa ndoon na.

Hiibru Yaab 9:26

U yaa ba nan joo ubaa toor kitork libiln mɔmɔk kan, u ba ga ji falaa n‑yoonn mɔmɔk, buyoonn dulnyaa wee piin ki joo cha na. Naah ye pu na, u fuu ni buyoonn ni ŋeer na, ki di ubaa toor kitork nfum mubaa, ke u kuln titunwanbir.

1 Piita 1:20

Uwumbɔr aa nan kee naan dulnyaa le ki nyan Kristo ke u li ye kitork ngbaan. Naah nan ŋeer na, le u dan dulnyaa wee ni, nimi pu.

2 Piita 3:3

Njan, m ban ke ni li nyi ke binib bi dii bisui aah ban pu na ga li bi kookoo aayoonn, ki ga ŋa nimi mbɔnyun,

Juud 1:18

ke kookoo aayoonn ni, binib ga li bi ki ŋani bininyaam mbɔnyun, ki dii tiwan ni kaa ŋan na aakpeek, Uwumbɔr aah kaa gee pu na.