Hiibru Yaab 1:11 - Uwumbɔr aagbaŋ

¹¹ Kitiŋ ni paacham ga doo, le aa ma ga li beenin bi. Kitiŋ ni paacham ga kpoi ke libɔkul na.

UWONBƆR A GBƆNPƆŊ LIKƆƆNL

¹¹ Bi biɛn na li kpo, amaa fin le yin gbaa be le; bi na li char ke tiwanyee wan kaah char man nin.

Hiibru Yaab 1:11 ပူးပေါင်းရင်းမြစ်များ

Ilahn 10:16

Uwumbɔr le ye ubɔr n‑yoonn mɔmɔk. Binib bi dooni ŋiwaa na ga kuln waatiŋ pu.

Ilahn 102:26

Kitiŋ ni paacham ga doo, le aa ma ga li beenin bi; ni mɔmɔk ga kpoi ke ŋibɔkul na, aa ga di ni mae ke kikekekpiik na, ni mɔmɔk ga wɔŋ.

Ilahn 29:10

Uwumbɔr le joo nnyun mu nyoo na, u ye ubɔr n‑yoonn mɔmɔk la.

Ilahn 90:2

Waahr aan aa nin naan ŋigongon ni dulnyaa na, aa nan ye Uwumbɔr u kaa kpa ndoon na, ki ga li beenin ye Uwumbɔr ki ti saa n‑yoonn mu kaa kpa ndoon na.

Aisaya 34:4

Nwiin, ni uŋmal, ni iŋmabi mɔmɔk ga ker lir ni kitiŋ ki kpaln titan. Kitaapaak ga kpab buen ke baah kpab nkan pu na, le iŋmabi ker lir ni ke ŋikakan aafar ti kuur na aah ker lir ni kitiŋ pu na.

Aisaya 41:4

Ŋma nan cha nimina ŋa? Ŋma mɔk tibɔkpokr ti nan ŋa na taah ga ŋa pu na? Min Uwumbɔr le nan ŋa kina. Min Uwumbɔr le nan bi mpiin ngbaan, ki ga nan ki li bi ndoon mu.

Aisaya 44:6

Uwumbɔr u joo ki kii Israel yaab na, Uwumbɔr Mpɔɔnsakpiindaan kpa tibɔr tee u len ke: “Min le ye mpiin ngbaan ni ndoon ngbaan, min baanja le ye Uwumbɔr; Uwumbɔr uken aa ki bi ki kpee m pu.

Aisaya 50:9

Tidindaan Uwumbɔr le si mpuwɔb. Ŋma ki bi ki ga mɔk ke maabɔr aa ŋan? Bi mɔmɔk ga wɔŋ doo; bi ga wɔŋ ke ŋikpandakur aah ŋman likekeln li na aah ga char char pu na la.

Aisaya 51:6

Waan lik kitaapaak ngbaan; lik taab mu, kitaapaak ngbaan ga wɔŋ ke iŋmanyuu na; le kitiŋ mu ga ji deer ki ti doo ke likekekpokl na, le kaanib ga kpoi ke tisibir na. Le maah ga joo ni ŋŋmarm mu na aan li kpa ndoon; maanyaŋ mu aan li kpa ndoon.

Aisaya 51:8

bi ga dur ke ŋikpandakur aah ŋman likekeln li na aah ga dur pu na la. Le maah ga joo ni ŋŋmarm mu na aan li kpa ndoon; maanyaŋ ga li bi n‑yoonn mu kaa kpa ndoon na.”

Aisaya 65:17

Uwumbɔr ki bui ke, “M ki bi naani kitipɔŋ ni kitaapaapɔŋ la. Ubaa aan ki teer n‑yoonn mu jer na aabɔr.

Matiu 24:35

Paacham ni taab ga jer. Maamɔbon ma aan jer.”

Tibɔnyaan ti Mak ŋmee ti na 13:31

Paacham ni taab ga jer. Maamɔbon ma aan jer.”

Tibɔnyaan ti Luk ŋmee ti na 21:33

Paacham ni taab ga jer. Maamɔbon ma aan jer.”

Hiibru Yaab 12:27

Waah len kina na, ni mɔk timi ke u ga deŋ waah nan naan tiwan nimɔk na, ki nyan ni, ki cha tiwan ni kaan deŋ na.

Hiibru Yaab 8:13

Tɔ, Uwumbɔr aah len ke u ga puu tipuupɔln na, u ŋa njan yaan tipuukpokl la. Tiwan yaa ye tiwankpok kan, naan yunn, naan ki li bi.

Tibɔkpiirkaan 1:11

ki bui mi ke, “Ŋmee saah ga kan pu na kigbaŋ ni, ki di kigbaŋ ngbaan tun Yesu aanib bi bi Asia aatim mulole ni na chee, bi bi Efesus aatiŋ ni, ni Simina aatiŋ ni, ni Pegamum aatiŋ ni, ni Tiataira aatiŋ ni, ni Sadis aatiŋ ni, ni Filadelfia aatiŋ ni, ni Laodisea aatiŋ ni na.”

Tibɔkpiirkaan 2:8

“Ŋmee kigbaŋ tii maanib bi bi Simina aatiŋ ni na aatuun ke min Yesu u ye mpiin ngbaan ni ndoon ngbaan, ki nan kpo ki ki fikr na le len tibɔr timina:

Tibɔkpiirkaan 20:11

Le m kan libɔrjal pipiln sakpeln, ni u ka li pu na. Le kitiŋ ni paacham san nyan u chee, kaa ki bi.

Tibɔkpiirkaan 21:1

Le m kan paacham pɔɔn, ni kitipɔŋ; njan aapaacham, ni njan aatiŋ na jer a. Nnyusakpem mu aa ki bi.