Hagai 2:7 - Uwumbɔr aagbaŋ

⁷ M ga nyaŋ ŋitimbol mɔmɔk, ki joo ni ŋaawangol do, le liwangol ga gbiin Maadichal ni.

Hagai 2:7 ပူးပေါင်းရင်းမြစ်များ

Mpiin 22:18

Aayaabitiib pu, le m ga ŋa tinyoor ŋa ŋinibol mɔmɔk pu, ni mu ye le ke aa kii maamɔb la.”

Mpiin 3:15

Aa ni upii ngbaan ga li ye tɔb aadim la. Saabim ni waabim mu ga li ye tɔb aadim la. Uyaabil ga faa wii aayil, le aa mu ga gaa utaagbeln.”

Mpiin 49:10

Sin Juda ga li joo libɔrdabil, le saamaal ga li ye bibɔrb n‑yoonn mu kaa kpa doon na. Ŋitimbol yayan aabɔrb ga joo ni ipiin nan tii si. Bi ga dan ki nan gbaan aanimbiin ni, ki kii saamɔb.

1 Bibɔrb 8:10

Bitotoorb aah nan bi nya Uwumbɔr Aadichal ni na, libuul ngbaan ni, le ntaalangbam kpaan gbiin li ponn ni

1 Bibɔrb 8:11

ki wiin, ki joo Uwumbɔr aawiihn mu moor lak lak na, le baa nan ki ŋmaa gir koo ki ti tun baatun.

Ilahn 80:1

Israel yaab Aakikiir, li pel ni ti chee; sin u lolni saanib pu nsan na, ŋun ni ti chee. Sin u ka saabɔrjal pu, tiwan ni kpa ifeen na aapaacham,

Ilahn 85:9

Mbamɔn, binib bi nyuŋni u na, u ga sil gaa bi lii, le waapɔɔn ga li bi timi aatiŋ ni ki gaa timi lii.

Aisaya 2:19

Buyoonn Uwumbɔr ga dan ki nan deŋ kitiŋ na, binib ga bɔr titakpalunn ni, ni ŋitakpasakpiin taab, ŋijoo paab, ke bi ŋmar waaŋuul, ni waapɔɔn, ni waawiihn sakpiin chee.

Aisaya 60:4

Lik goln aabaa ki kan tiwan ni bi ŋani na: Saanib bi kuuni ke bi kun ni la. Aajapɔtiib ga nyan ni dandar; Bi ga yoor aabisatiib ŋmam ke baah ŋmamni mbim pu na la.

Aisaya 60:7

Bi ga joo ni Kedar ni Nebayof aapiih mɔmɔk nan tii Jerusalem yaab ke bi di toor ipiin aatork Uwumbɔr aabimbiln paab aan ni piir usui. Uwumbɔr ga moo nyuŋ Waadichal ki jer laah nan kan pu na.

Esekiel 21:27

Tɔ, libiil, libiil. Mbamɔn, m ga ŋa kitiŋ ngbaan tilangbenn. Tɔ, nimina mu aan kee ŋa see maah lee unii u ke u nan daa kitiŋ ngbaan aatafal na fuu ni, le m ga di ki tii u.

Esekiel 31:16

M yaa tur bu lii kitekpiitiŋ ni kan, bu aah ga lir pu na ga dam ŋitimbol. Edenn aatiŋ aasui mɔmɔk, ni Lebanonn aachook aasunyaan i mɔmɔk sunn buen kitekpiitiŋ ni na aasui ga piir bu aalirm pu.

Esekiel 38:19

Maaŋuul ngbaan ponn ni chob, le m ga cha kitiŋ dam ki puu Israel aatiŋ ni, ki li pɔɔ pam.

Esekiel 44:4

Uja ngbaan nan ki yoor mi dii ŋŋangan wɔb aabisamɔb nyan ki di mi fuu Uwumbɔr Aadichal aabisamɔb wɔb. Maah si lik na, le m nan kan ke Uwumbɔr aawiihn mu deer ŋinimbil na gbiin Waadichal ni. M nan tar lir kitiŋ lichichikr,

Hagai 1:8

Tɔ, buen ŋigongon pu man aan ki ti gaa idɔ ki nan gir maa Maadichal; aan ki ki doon mi ke naah ga doon mi pu na, aan nsui piir.

Malakai 3:1

Tɔ, Uwumbɔr Mpɔɔnsakpiindaan gar ke, “M ga tun ni maatuun aan u nan toor nsan siin mi. Le Dindaan u ni ban na ga fuu ni libuul ngbaan ni, Waadichal ni. Ntuun mu ni neen sakpen ke ni kan mu na ga dan ki nan di maah puu tipuur ti na moon.”

Tibɔnyaan ti Luk ŋmee ti na 19:47

Iwiin mɔmɔk Yesu nan bi Uwumbɔr Aadichal ponn ni, ki tuk binib Uwumbɔr aabɔr. Le Uwumbɔr aatotoorninkpiib, ni Uwumbɔr aakaal aamɔmɔkb, ni Juu yaab aaninkpiib ka ki kpokl baah ga ŋa pu ki ku Yesu na,

Tibɔnyaan ti Luk ŋmee ti na 2:27

Uwumbɔr Aafuur Nyaan nan cha u koo Uwumbɔr Aadichal ni, le Yesu aate ni una joo ni Yesu ki di koo ni Uwumbɔr Aadichal ni, bi ti di u tii Uwumbɔr. Buyoonn bi di u koo ni na

Tibɔnyaan ti Luk ŋmee ti na 2:46

Iwiin itaa daal le bi ti kan u Uwumbɔr Aadichal ni. U ka bimɔmɔkninkpiib aakaasisik ni, ki pel baah len pu na, ki mu baa bi mbaan,

Tibɔnyaan ti Luk ŋmee ti na 20:1

Kitaak kibaa daal, le waah bi Uwumbɔr Aadichal ni ki tuk binib Uwumbɔr aaliin, ki mooni tibɔnyaan tee na, le Uwumbɔr aatotoorninkpiib, ni Uwumbɔr aakaal aamɔmɔkb, ni Juu yaab aaninkpiib dan u chee,

Tibɔnyaan ti Luk ŋmee ti na 21:38

Kichakpinaanyeek ni mɔmɔk le binib chaa u chee Uwumbɔr Aadichal ni, bi ti ŋun waah len pu na.

Jɔnn 1:14

Baah yin u ke Limɔboln na nan kpaln unibɔn, ki nan bi tikaasisik ni. U gee binib chob, ki len ibamɔn baanja la. Le ti kan waah kpa mpɔɔn pu na. Waah ye Uwumbɔr Aajapɔnbaal na, u kpa mpɔɔn ke Ute Uwumbɔr aah kpa pu na.

Galantiya 3:8

Ni ki ŋmee Uwumbɔr Aagbaŋ ni ke Uwumbɔr nan bee ke binib bi kaa ye Juu yaab na ga nan gaa u ki kii ki ŋmar. Baah kaa nan kee gaa u ki kii buyoonn na, le u nan puen tuk Abraham tibɔnyaan tee, ki bui u, “Aa pu, le m ga ŋa tinyoor ŋa ŋinibol mɔmɔk pu.”

Kolosiya 2:9

Uwumbɔr aabimbin mɔmɔk bi Yesu Kristo aawon ni.