Hagai 2:5 - Uwumbɔr aagbaŋ

⁵ Naah nan nyan ni Ijipt aatiŋ ni na, m nan puu ke m ga li bi ni chee n‑yoonn mɔmɔk. M beenin bi ni chee, kina pu na, ni taa san ijawaan man.

Hagai 2:5 ပူးပေါင်းရင်းမြစ်များ

2 Bibɔrb Aabɔr 20:17

Naa ye ke nimi le ga jan butɔb bue ni. Nima li cha ki ti lul sil ki li kii; ni ga kan ke Uwumbɔr tii nimi linyaŋ a. Juda ni Jerusalem aanib, taa joo beeni ki taa san ijawaan man. Nya buen butɔb ni man, le Uwumbɔr ga li bi ni chee.”

Nehemia 9:20

Saah ŋan sakpen pu na, aa nan mɔk bi baah ga ŋa pu na; aa nan di tijikaar ti bi yin ti ke mana na le di kpiin bi, ki tii bi nnyun mu, bi nyun.

Nehemia 9:30

Le ŋibin mɔmɔk aa ji suklaa bi pu ki sak bi, ki cha Saafuur Nyaan gbiini saabɔnabtiib ke bi sak bi, le bi yii ki kpaa bitafal, kina pu le aa cha baadim nyaŋ bi.

Nnyam 19:4

“Ni kan min Uwumbɔr na aah nan ŋa Ijipt yaab pu, ki kii nimi ke likaagiil aah kii laabo pu, ki yoor u ufeen pu pu na, le ki joo ni nimi mbaa chee.

Nnyam 19:6

ki tii min baanja, le ki ga li ye bitotoorb ki tun maatuln.”

Nnyam 24:3

Moses nan buen ti tuk binib ngbaan Uwumbɔr aah bui u pu ki siin waakaal pu na mɔmɔk, le binib ngbaan mɔmɔk kpaan ki kii, ki bui ke, “Ti ga ŋa Uwumbɔr aah len pu na mɔmɔk.”

Nnyam 24:8

Moses nan yoor nsin mu bi ŋisambil ni na di mee yaa binib ngbaan pu, le ki bui ke, “Nsin mue le mɔk nimi Uwumbɔr aah nan puu tipuur ti buyoonn u nan tii timi ikaal yee na.”

Nnyam 34:10

Uwumbɔr nan ki bui Moses ke, “M ki puu tipuur Israel yaab chee la. M ga ŋa lijinjiir aatuln li kaa kee ŋa dulnyaa wee ni na, binimbil ni. Le binib mɔmɔk ga kan litukpaan li min Uwumbɔr ga ŋmaa ŋa na; ba pu? m ga ŋa lijinjiir aawan tii nimi.

Nnyam 34:8

Moses nan gbaan kitiŋ mala le ki doon u,

Aisaya 41:10

Taa san ijawaan man. M bi ni chee. Min le ye nimi Aawumbɔr, taa cha nibaa faan nimi man. M ga tii nimi mpɔɔn ki ter nimi; m ga li kii nimi ki nyan nimi tibɔr ni.

Aisaya 41:13

Min le ye Nidindaan Uwumbɔr; M pɔɔk nitaakpab ki bui ke, ‘Taa san ijawaan man; m ga ter nimi.’”

Sekaria 4:6

Ntuun ngbaan le nan di tibɔr ti Uwumbɔr di tuk u na tuk mi, ke m di nabr Serubabel ke, “Aa ga nyaŋ, ni mu aan li ye bijab aapɔɔn, bee sin aabaa aapɔɔn, ni ga li ye Maafuur Nyaan aapɔɔn pu la.

Sekaria 8:13

Juda ni Israel aatim aanib, n‑yaayoonn na, nimi aayimbil le biwɔwɔm nan joo puuni lir tɔb pu ki len ke, ‘Tibɔbir ti nan dan Juda ni Israel pu na dan aa pu.’ Tɔ, m ga gaa nimi lii, le biwɔwɔm ngbaan ga bui tɔb ke, ‘Cha tinyoor ti dan Juda ni Israel pu na dan aa pu.’ Kina pu na, taa san ijawaan man. Cha nitaakpab li pɔɔ.”

Sekaria 8:15

N‑yoonn mumina ma kan, m ŋa nlandak ke m tii Jerusalem ni Juda aanib tinyoor. Kina pu na, taa san ijawaan man.

Matiu 28:5

Le Uwumbɔr aatuun ngbaan bui bipiib ngbaan, “Ni taa san ijawaan man. M nyi ke ni ban Yesu u bi nan kpaa u ndɔpuinkoo pu na la.

Lituln 27:24

ki bui mi, ‘Pɔɔl, taa san ijawaan. Aa ga sil Ubɔrkpaan Siisa aanimbiin ni. Uwumbɔr ga cha binib bimɔk bi buŋɔb bue ponn ni na ŋmar, saanimbaak pu.’

Josua 1:9

Teer ke m tuk si ke aa pɔɔn aabaa ki li kpa lipobil. Taa san ijawaan, ki taa cha aawon yɔl. Min, Aadindaan Uwumbɔr ma kan, m ga li bi aa chee saah cha nin chee na mɔmɔk.”

Josua 8:1

Uwumbɔr nan bui Josua ke, “Di bijab mɔmɔk buen aan ni ti to Ai yaab butɔb. Taa san ijawaan, ki taa cha aawon yɔl. Min le ga cha aa nyaŋ Ai aabɔr, ni waanib, ni waatiŋ, ni kaatingbaan mɔmɔk, le ki ga li ye nimi yaan.

Tibɔkpiirkaan 1:17

Maah kan u na, le m lir gbaan unimbiin ni ke maah kpo le na. Le u di uŋangii paan m pu, ki bui mi ke, “Taa san ijawaan. Min le ye mpiin ngbaan ni ndoon ngbaan.

1 Samuel 12:20

Le Samuel bui ke, “Taa san ijawaan man. Naah tun titunwanbir sakpenn ti na, taa fenn nipuwɔb tii Uwumbɔr, li joo nisui mɔmɔk tun tii u man.