Hagai 2:3 - Uwumbɔr aagbaŋ

³ “Unii ubaa bi ni ponn ni ki ga ŋmaa teer njan Aadichal aah nan ŋan pu na aa? Li bi ni chee kinye dandana? Nibaakan, laan li ye nibaa ni chee kpala.

Hagai 2:3 ပူးပေါင်းရင်းမြစ်များ

1 Bibɔrb Aabɔr 22:5

David nan dakl ke, “Ni ŋan ke Uwumbɔr Aadichal li njapɔɔn Solomonn ga nan maa na li ŋan ki kpa liyimbil dulnyaa wee ni. Tɔ, u mu laa par, kaa kee kpa lituln aanimbiwoln, kina pu na, ni ŋan ke m gor isan siin u.” Kina pu na, David nan ban tiwan pam bil le ki nin kpo.

Esra 3:11

Bi nan gaa ilahn ki pak Uwumbɔr ke, “Uwumbɔr kpa tiŋann, le waah gee Israel yaab pu na aa kpa ndoon.” Unii mɔk nan tar mpɔɔn pu, le ki pak Uwumbɔr, waah cha bi ŋmaa bil Uwumbɔr Aadichal aadinyikl aatakpal pu na.

Esra 3:12

Bitotoorb ni Liifai yaab, ni itaŋaal aayidam bi nan por na pam nan kan njan Aameen Aadichal na, le baah si lik Uwumbɔr Aadichal aadinyikl aatakpal ngbaan na, bi nan kaani le ki wii, mpombiin pu, le bi gur na ma nan tar mpɔɔn pu ni mpopiin ŋmeen.

Aisaya 64:10

Ubaa aa ki bi saatim mu nan bi chain na ponn ni, le Jerusalem mu kpaln tilangbenn,

Esekiel 7:20

N‑yoonn mubaa bi nan kpa kigaak baatakpanyaan pu la, le bi di ŋi ŋa ŋiwaa ŋi sukr ponn ni na. Nima le cha Uwumbɔr cha baawangol sukr biponn ni.

Hagai 2:9

Maadichapɔln limina ga li ŋan jer likpokl na pel pel, nima chee le m ga tii maanib nwankam ni nsuudoon.” Uwumbɔr Mpɔɔnsakpiindaan le len kina.