Hagai 2:23 - Uwumbɔr aagbaŋ

²³ Nwiin ngbaan daal le m ga lee sin maatutunn Serubabel, ki ga cha aa di maayimbil joo binib. Sin le ye unii u m lee u na.” Uwumbɔr Mpɔɔnsakpiindaan le len kina.

Hagai 2:23 ပူးပေါင်းရင်းမြစ်များ

Ilahn 65:5

Saah tii timi linyaŋ li na le ye ke aa keei timi aayim, le ki tun lijinjiir aawan ki gaal timi lir. Dulnyaa wee mɔmɔk ni aanib, ni binib bi bi nnyusakpem aapuwɔb na tii si naadii.

Solomonn Aalahn 8:6

Taa ki bɔnn upii ubaa ki kpee m pu; taa ki cha aaŋaal bub ubaa ki kpee m pu. Mbɔngeehm pɔɔ ke nkun na la; Mbɔngeehm pɔɔ ke kitekpiitiŋ na la. Mu ti gaal ke mmii na la, le ki wu ke kichook ni aamii na.

Aisaya 42:1

Uwumbɔr bui ke, “Maatutunn u m pɔɔk utaakpab na sɔ: Uma le m lee u, le u gbiin nnimbil. M di Maafuur Nyaan gbiin u, le u ga joo ni ibamɔn nan tii ŋinibol mɔmɔk.

Aisaya 43:10

Israel aanib, nimi le ye maaseeraadam; m nan lee nimi ke ni li ye maatutum, aan ni li nyi mi ki gaa mi ki kii, ki bee ke min baanja le ye Uwumbɔr. Uwumbɔr ubaa aa ki bi ki kpee m pu, ubaa aa nan bi, ki mu aan ki li bi.

Aisaya 49:16

Jerusalem, maan ŋmaa suln nibɔr. M ŋmee nimi aayimbil paan ŋŋaal pu.

Jeremia 22:24

Uwumbɔr nan bui Juda Aabɔr Jehoyakim aajapɔɔn Jehoyachinn ke, “Maah ye Uwumbɔr u bi n‑yoonn mɔmɔk na pu na, hali aa yaa ba ye kibɔmbik ki ŋmaa ŋŋangii aaŋanbik pu na kan,

Matiu 12:18

“Maatutunn u m lee u na sɔ. M gee u, le u gbiin nnimbil. M ga di Maafuur Nyaan gbiin u. Le u ga tuk ŋinibol mɔmɔk maah ga ji binib tibɔr pu na.

Jɔnn 6:27

Ni taa cha ninimbil li man tijikaar ti ga bii na pu. Ninimbil li man tijikaar ti ga tii nimi limɔfal li kaa kpa ndoon na pu. Min Unibɔn Aabo le ga tii nimi tijikaar ngbaan; ba pu? min Unibɔn Aabo le Nte Uwumbɔr mɔk ke m ye Waanii.”

2 Timoti 2:19

Tɔ, Uwumbɔr aanib ye waadinyikl li pɔɔ, ki kpa kidaan, ki si na la. Kidaan ngbaan le ye ke, “Uwumbɔr nyi binib bi ye waanib na,” ki ki ye ke, “Binib bi pur Uwumbɔr aayimbil na mɔmɔk di cha titunwanbir.”

1 Piita 2:4

Dan Tidindaan u ye limɔfadaan na chee man. U naahn litakpal li bidimaab yii li na la. Le Uwumbɔr lee u ke u ŋan sakpen.