Hagai 2:22 - Uwumbɔr aagbaŋ

²² ki nyaŋ nnaan yayan mɔmɔk ki kuln mu aapɔɔn. M ga nyaŋ itaan aatɔroku tiib ni binib bi ŋaal bi na; itaan ga kpoi, le binib bi dik i pu na ku tɔb.

Hagai 2:22 ပူးပေါင်းရင်းမြစ်များ

2 Bibɔrb Aabɔr 15:6

Litimbol libaa nan muk liken la, le kitiŋ kibaa muk kiken, ba pu? Uwumbɔr le nan joo ni tibɔbir bi pu.

2 Bibɔrb Aabɔr 20:22

Baah piin ki bi gaa ilahn kina na, le Uwumbɔr buen ti ŋmal baadim ngbaan aajab aalan, le ijawaan chuu bi.

2 Bibɔrb Aabɔr 20:23

Amonn yaab ni Moab yaab nan di kpaan le ki di lir Edom yaab pu ki kuln bi pel pel, le ki mu ki di fenn lir tɔb pu ke biwaarb na.

Ilahn 46:9

U cha butɔb door dulnyaa wee mɔmɔk ni; U kool itɔi, ki bii tikpaatunn, ki seer kijaak aapen mmii.

Ilahn 76:6

Uwumbɔr u tiyaaja Jakob mu nan dii u na, saah nan faan bi buyoonn na, baataan ni binib bi dik i pu na nan lir ki kpoi.

Nnyam 14:17

M ga pɔɔk Ijipt yaab aajab ngbaan aasui, le bi ga paan ni pu, le m ga nyaŋ ubɔr ngbaan, ni waajab, ni waatɔroku tiib, ni bijab bi ŋaal bi na mɔmɔk, ki kan kipak bi pu.

Nnyam 14:28

Le nnyun gir biin baatɔroku tiib, ni bijab bi ŋaal bi na, ni Ijipt yaab aajab bi nan paan Israel yaab na pu, ubaa aa nan ki gur.

Nnyam 15:19

Israel yaab nan chuun kitikuun pu le ki puur nnyusakpem, le n‑yoonn mu Ijipt yaab aajab, ni baataan, ni baatɔroku tiib, ni bijab bi ŋaal bi na mu nan paan Israel yaab pu nnyusakpem ponn ni na, le Uwumbɔr cha nnyun gir biin bi pu.

Nnyam 15:4

U di Ijipt yaab aajab ni baatɔroku tiib ki di mee lii nnyusakpem ponn ni; baaninkpiib nyanyaam mɔmɔk nan bee nnyusakpem ponn ni.

Aisaya 19:2

Uwumbɔr len ke, “M cha butɔb fii Ijipt aatiŋ ni, ki cha unii ni una aabo fenn lir tɔb pu, ki cha unii ni umaantɔ fenn lir tɔb pu. Ntim mu ye tɔb puchatiib na ga fenn lir tɔb pu, le bibɔrb mu li kpak tɔb ki ban mpɔɔn.

Aisaya 60:12

Le ŋinibol ŋi kaa tun lituln tii nimi na ga kuln kookoo.

Aisaya 9:19

Uwumbɔr Mpɔɔnsakpiindaan aaŋuul aah fii na, waatafadaan ngbaan ga bii tiwan ni binib mɔmɔk ke mmii aah wu bii tiwan pu na la. N‑yoonn ngbaan kan, ubaa aan ki li nyi uŋeen aatɔ aabɔr.

Esekiel 21:27

Tɔ, libiil, libiil. Mbamɔn, m ga ŋa kitiŋ ngbaan tilangbenn. Tɔ, nimina mu aan kee ŋa see maah lee unii u ke u nan daa kitiŋ ngbaan aatafal na fuu ni, le m ga di ki tii u.

Esekiel 26:16

Bibɔrb bi mɔmɔk bi dandar nnyusakpem aapuwɔb na ga suln baabɔkur ŋi bi ŋa nyɔla nyɔla ŋi pu na, ki ka kitiŋ ki jii. Saabɔr ga chuu bi ijawaan sakpen le baan ŋmaa di cha njiim.

Esekiel 38:21

M ga di tibɔbir mɔmɔk aabɔŋ faan ubɔr Gog sakpen. Min Dindaan Uwumbɔr len a. Waajab ga di baajaak aajum fenn lir tɔb pu.

Esekiel 39:20

Maatork ni le i ga ji yaa gee itaan ni binib bi dik i pu na, ni kijaak aajab aajim. Min Dindaan Uwumbɔr le len kina.”

Daniel 8:25

Waah kpa beebee aalan pu na, u ga di kina aalan nyaŋ tiwan nimɔk u ŋani na. U ga li kpa kigaak, ki ga ku bii binib pam kaan cha bi li nyi. U ga kpaan fii sil Uwumbɔr u ye bibɔrb mɔmɔk Aayidaan na pu, le waah ga nan doo pu na aan nyan ni unibɔn aapɔɔn ni.

Amos 2:15

Binib bi joo itɔi na aan ki ŋmaa sil ki too, le bitaasam aan ŋmaa san ŋmar, bijab bi dik itaan pu na mu aan ŋmaa ŋmar.

Maika 5:10

Uwumbɔr bui ke, “N‑yoonn ngbaan kan, m ga gaa nimi aataan ni chee, le ki bii nimi aataan aatɔroku tiib.

Maika 5:15

Le maaŋuul ponn ni m ga teen ŋitimbol ŋi mɔmɔk yii maamɔb na.”

Maika 5:8

Binib bi gur ki ŋmal ŋitimbol ŋiken ni na ga li bi ke uchinn u bi ban tijikaar kichook ni, bee kipihkpaamook ni na la: u ga koo ipiih ni, le ki chur i, le ki daa par par i, le yaan kan nterm nibaa chee.

Maika 5:9

Israel yaab ga nyaŋ baadim le ki ku doo bi mɔmɔk.

Maika 7:16

Ŋitimbol ga kan nimina le bitaakpab yɔl, le baan ki li kpa mpɔɔn. Bitaakpab aah ga yɔl pu na, le bi ga muib bimɔi ki ŋeeb bitafal mu.

Sefania 3:8

Uwumbɔr nan ki bui ke, “Ni li kii man. Li ŋmin man ki li kii bundaal aan m ga fii sil ki galn ŋitimbol na. M ŋa nlandak ke m kuun ŋitimbol ni nnaan, ki cha ŋi bee maaŋuul aah pɔɔ pu na. M ga di maaŋuusakpeln li wu ke mmii na le di kuln kitiŋ kee mɔmɔk.

Sekaria 10:11

Bi yaa nan nyan baabɔbir ti wiir ke nnyusakpem na ni kan, le min Uwumbɔr ga nyii tinyunkpenn, le Nail aamɔɔl ga foor ki cha kitikuun. M ga sunn Asiria aatiŋ aagaak taab, le mpɔɔndaan Ijipt aatiŋ aapɔɔn ga doo.

Sekaria 10:5

Juda aanib ga kan linyaŋ ke bijab bi taa taa baadim ŋmal titan ni kitiŋ ponn ni na la. Uwumbɔr aah bi bi chee na, le bi ga jan, hali ki nyaŋ bidim aatandam.

Sekaria 12:9

N‑yoonn ngbaan kan, litimbol limɔk pɔɔn libaa ke li tak Jerusalem na kan, m ga kuln li.

Sekaria 14:3

Le Uwumbɔr ga nya ki ti tak ŋitimbol ngbaan, ke waah nan ŋani pu n‑yaayoonn na.

Sekaria 4:6

Ntuun ngbaan le nan di tibɔr ti Uwumbɔr di tuk u na tuk mi, ke m di nabr Serubabel ke, “Aa ga nyaŋ, ni mu aan li ye bijab aapɔɔn, bee sin aabaa aapɔɔn, ni ga li ye Maafuur Nyaan aapɔɔn pu la.

Sekaria 9:10

Uwumbɔr bui ke, “M ga nyan butɔb aataan aatɔroku tiib Israel aatiŋ ni, ki nyan itaan Jerusalem aatiŋ ni; m ga kool baah joo itɔi i chaa butɔb ni na. Nimi aabɔrkpaan ga cha nsuudoon dan ŋitimbol chee; u ga li joo kitiŋ ki nya nnyusakpem mue chee ki ti saa mue chee, ki nya Yufrates Aamɔɔl ni, ki ti saa kitiŋ aanaanmɔk.”

Matiu 24:7

Linibol libaa ga to linibol liken butɔb. Nnaan mubaa aanib ni nnaan muken aanib ga to tɔb butɔb. Nkon ga lir ntim pam ponn ni. Kitiŋ ga deŋ ŋipepel pam.

Tibɔkpiirkaan 11:15

Le Uwumbɔr aatuun lolole mu pii waakakaan. Le ineel sakpiin len Uwumbɔr do ke, “Dulnyaa wee ni aanaan mɔmɔk kpaln Tidindaan Uwumbɔr ni Waabo Kristo aanaan la. U ga li joo mu n‑yoonn mu kaa kpa ndoon na.”

Bibɔjirb 7:22

Gideonn ni waajab aah pii baakpiin na, le Uwumbɔr cha baadim ngbaan aajab di baajaak aajuk fenn lir tɔb pu. Bi nan di san toŋ Saretann aatiŋ wɔb, ki ti nyan Bef Sita aatiŋ ni, ki yoor kina ti nyan Abel Mehola aatiŋ ki bi duun Tabaf aatiŋ na ni.

1 Samuel 14:16

Sɔɔl aajab bi nan bi Benjaminn aanibol aatiŋ Gibea ni ki kii na, kan ke Filistia yaab aalan ŋmal, le bi bi san gonni.