Hagai 2:17 - Uwumbɔr aagbaŋ

¹⁷ M nan cha libuln li ton na, ni ŋitaatakpal ŋmeen dan nan bii naah kon tijikaar ti mɔmɔk na, le naa kee kpeln nimi aabimbin.

Hagai 2:17 ပူးပေါင်းရင်းမြစ်များ

Mpiin 42:23

Josef nan nyi baah bi len pu na, bima le aa nan bee; ba pu? bi nan nabr baah len pu na la.

Mpiin 42:27

Bi nan ti fuu nibaa chee ki ban bi doon kinyeek, le ubaa chuu buur waabɔtɔ ke u ŋa waabon tijikaar, le ki kan ŋimombil ŋi u ba di daa tijikaar ngbaan na bi bɔtɔ ponn ni.

Mpiin 42:6

Le Josef aah nan ye Ijipt aatiŋ ngbaan aayidaan ki lik tijikaar aabɔr pu na, uma le nan kooh tijikaar ngbaan tii dulnyaa aanib mɔmɔk. Nima pu na, Josef aakpetiib mu nan dan ki nan gbaan unimbiin ni.

1 Bibɔrb 8:37

“Nkon yaa lir kitiŋ kee pu, bee iweenlirkee yaa lir, bee libuln li ton na, bee itoon le yaa bii tijikaar, bee saanib aadim le yaa nan tak bi, bee iween le yaa bi bikaasisik ni kan,

2 Bibɔrb Aabɔr 28:22

Waatunwanbir aah nan ti moo bi nyaŋ ni na, le uja Ahas moo tun titunwanbir ti ubaa aa kee tun na.

2 Bibɔrb Aabɔr 6:28

“Nkon yaa lir kitiŋ kee pu, bee iweenlirkee yaa lir, bee libuln li ton na, bee itoon le yaa bii tijikaar, bee saanib aadim le yaa nan tak bi, bee iween le yaa bi bikaasisik ni kan,

Job Aagbaŋ 36:13

Binib bi kaa nyi Uwumbɔr na aaŋuul fiir n‑yoonn mɔmɔk, hali bi yaa kan ntafadaan kan, baa mee Uwumbɔr ki ban nterm.

Ilahn 128:2

Saatuln le ga tii si saah ban pu na; aa ga kan liwangol ki li kpa mpopiin.

Ilahn 78:46

U cha itoon dan nan di baajikaar ŋman ki bii baakpaakon doo.

Aisaya 28:2

Uwumbɔr kpa unii ubaa u kpa mpɔɔn sakpen ki gor ke u ti tak bi na. Udaan ga fuu ni ke kibuŋ ki joo ni ŋitaatakpal na, ni utaasakpiin, ki naahn nwam mu san mala mala ki kpa mpɔɔn na, le ki ga biin kitiŋ ngbaan pu.

Aisaya 37:27

Binib bi nan bi nima chee na aa nan kpa mpɔɔn mubaa; ijawaan nan chuu bi le bi fik. Bi nan naahn timoor ti bi nkpaakon ni na, bee timoor ti punn kidiik aapaacham pu na la, liwipuul wɔb aabuln li ton na ga kuur ti.

Aisaya 42:25

Kina pu le u cha ti kan waaŋuul aah pɔɔ pu na, ki cha ti jin butɔb aafalaa. Waaŋuul wu ke mmii na le Israel aatim ni, le taa nan bee tiwan ni bi ŋani na; taa nan bae nibaa ni ponn ni.

Aisaya 62:8

Uwumbɔr puu tipuur ti pɔɔ na, le waapɔɔn pu u ga ŋa waah puu pu na ke: “Saadim aan ki di saajikaabim ŋa baajikaar, le biwɔwɔm mu aan ki nyu nimi aadaan.

Aisaya 9:13

Uwumbɔr Mpɔɔnsakpiindaan daa Israel yaab aatafal; le bi yii kaa kpeln baabimbin ki gir ni u chee.

Jeremia 3:24

Le inimɔɔn aawaal Baal na aadoon pu cha ti lann ipiih, ni inaa, ni japɔtiib, ni bisatiib, ni tiwan nimɔk tiyaajatiib nan tun ki kan n‑yaajayoonn na.

Jeremia 5:3

Mbamɔn, Uwumbɔr sil lik ban mbimbinyaan la. U nan faa nimi, le naa sɔŋ nisui; u nan taa taa ni pu, le ni yii kaa bae. Ni nan kpa tafalaaŋun, kaa di cha titunwanbir aatuln.

Amos 4:6

“Min le nan lii nimi nkon, nimi aatikpaan ponn ni, le naa kee gir ni m chee.

Hagai 1:11

Min le cha nweel dan kitiŋ ngbaan pu, ni ŋigongon, ni njikaabim aasar pu, ni ndaan aasubil aasui aasar pu, ni olif aakpan aasui aasar pu, ni tijikaar ti kitiŋ ga ŋmaa cha ti ŋa na pu, ni binib ni tiwakor pu. Mu dan tiwan ni mɔmɔk ni pɔɔn nibaa ke ni ko na pu.”

Hagai 1:6

Ni bun njikaabim pam, le ki tee nan chee njikaabim pɔkaa kina. Ni kpa tijikaar ni ji, le ki mu aa babr. Ni kpa ndaan ni nyu, le mu aa tee gbii nimi. Ni kpa tiwanpeenkaan, le ni mu aa leer nimi tiwoor. Bijab bi tun lituln ki gaal lipal na aapal aa fuur bi.

Hagai 1:9

“Ni nan mak ke ni ga nan chee tijikaar sakpen, le naa nan kpann kpala. Le naah di tijikaar ngbaan kun linampal na, m pii ti libuln di buen. Ba ŋa aan m ŋa kina? Unii mɔk aanimbil aah man ubaa aadichal pu aan Maadichal ber ki dɔ na pu le cha m ŋa kina.

Hagai 2:16

ni ga nan buen lidikpukl libaa chee ki dak ke ni ga ti kan ndibim mu gbiin bɔtɔ tiib bilee na, le ki ti mui mu ye bɔtɔ ubaa baanja la. Ni ga nan buen ke ni ti chuun ndaan ikinja ilee, le ki ti mui mu ye nkinja mubaa baanja la.

Malakai 3:11

Maan cha tiwayukaan bii nimi aajikaar, le nimi aasubil aasui ga lu sakpen.

Ikaal 28:22

Uwumbɔr ga cha iween i door na chur nimi, niwon ga duun, le ki li ton. U ga cha ntaaweel, ni libuln li ton na see nimi aajikaar. Kina aabɔbir ga li bi ni pu, le ni ti kpoi doo.

Tibɔkpiirkaan 2:21

M tii u nsan ke u kpeln waabimbin, u mu aa ban u di cha kidagook aatuln.