Hagai 2:14 - Uwumbɔr aagbaŋ

¹⁴ Le Hagai bui ke, “Uwumbɔr bui ke litimbol limina aanib bi kina le unimbil ni. Bi kpa tijɔŋ, le baah kon tijikaar ti mɔmɔk na mu kpa tijɔŋ; kina pu na, tiwan ni mɔmɔk bi nan di tii ipiin kitork aabimbiln pu na mu ye tijɔŋ aawan la.”

Hagai 2:14 ပူးပေါင်းရင်းမြစ်များ

Ŋiyataŋak 15:8

Uwumbɔr aa gee bibiindam aatork, le usui piin bininyaam aameel pu.

Ŋiyataŋak 21:27

Uwumbɔr aa gee titunwanbirdam aah toor kitork ki tii u na la. Waah nan ki sakpen na le ye kitork ki bi kpa tilandakwanbir bisui ni ki toor na.

Ŋiyataŋak 21:4

Bibiindam aagaak ni baanimpoo le joo bi, nima ngbaan mu ye titunwanbir la.

Ŋiyataŋak 28:9

Aa yaa kaa joo Uwumbɔr aakaal kan, waan ŋun saameel.

Aisaya 66:3

“Binib ngbaan ŋani baah gee pu na la. Bi yaa di unaaja toor kitork, bee bi yaa ti ki di unibɔn le di toor kitork kan, naa muk bi; bi yaa di upihbo di toor, bee bi yaa di ubɔ toor kan, bi dak ke ni kpaa la; baajikaabim aapiin ni baagbeer aasin aapiin ye bi chee tiwan nibaa la; baah seer tulalee aayon tii Uwumbɔr pu na, ni baah dooni ŋiwaa pu na ye bi chee tiwan nibaa la. Nimina mɔmɔk aa kpa bi chee tibɔbir. Baah dooni Uwumbɔr baageehn wɔb pu na mɔ bi, le ki nu Uwumbɔr chee.

Hosea 9:4

Baan ti ŋmaa tii Uwumbɔr ndaan aapiin, biwɔwɔm aatim ngbaan ni, kaan ŋmaa di baatork buen unimbiin ni. Biwɔwɔm ngbaan aajikaar ga bii umɔk jin ti na, ke baah jin likpuul ponn ni aajikaar pu na la. Bi ga li ji ti ke ti lee baakon la; ti ponn ni tibaa aan ŋmaa koo Uwumbɔr Aadichal ni ki ye ipiin tii u.

Taitus 1:15

Tiwan mɔmɔk bi chain binib bi bi chain na chee la. Binib bi kaa bi chain, kaa gaa Yesu ki kii na, tiwan nibaa aa bi chain ki tii bi. Baalandak mu aa ŋan. Baa ki nyi lituln li ŋan na, ni li kaa ŋan na.

Juud 1:23

ki ter bibaa mu ke bi ŋmar ki nya ntafadaan ni. San bibaa mu kinimbaak man, ki li nan baatunwanbir ti ŋa bi tijɔŋ na, ki li san ijawaan baatunwanbir taa doo nimi.