Hagai 1:9 - Uwumbɔr aagbaŋ

⁹ “Ni nan mak ke ni ga nan chee tijikaar sakpen, le naa nan kpann kpala. Le naah di tijikaar ngbaan kun linampal na, m pii ti libuln di buen. Ba ŋa aan m ŋa kina? Unii mɔk aanimbil aah man ubaa aadichal pu aan Maadichal ber ki dɔ na pu le cha m ŋa kina.

Hagai 1:9 ပူးပေါင်းရင်းမြစ်များ

2 Samuel 21:1

David aah nan ye Israel ni Juda yaab aabɔr n‑yoonn mu na, le nkon nan lir, ki ti saa ŋibimɔn ŋitaa. Kina pu le David nan baa Uwumbɔr nkon ngbaan aabɔr; le Uwumbɔr bui u ke, “Sɔɔl ni waamaal ku binib; u ku Gibeonn aatiŋ aanib.”

2 Samuel 22:16

Buyoonn Uwumbɔr aaŋuul fii, aan u kae waadim ki ŋuun ke uchinn na, nnyusakpem aataab nan doon nkuun, le kitiŋ aah baa nin chee na chuu piir waan.

2 Bibɔrb 19:7

Uwumbɔr ga cha ubɔrkpaan ngbaan ŋun tibɔr ti ga cha ijawaan chuu u aan u gir buen udo aatingbaln ni na, nima chee le Uwumbɔr ga ti cha bi ku u.”

Job Aagbaŋ 10:2

Uwumbɔr, taa bui ke maabɔr bii. Bui mi maabɔr aah bii pu na.

Ŋiyataŋak 11:24

Binib bibaa tii baamombil bisui mɔmɔk, le ki moo kani liwankpal. Bibaa mu tii ki chur bibaa le ki moo ŋani bigiim.

Ŋiyataŋak 27:20

Unibɔn aageehn naahn kitekpiitiŋ ni la, mpaan bi n‑yoonn mɔmɔk le ki ban bitekpiib biken.

Ulandaan 1:8

Tiwan mɔmɔk joo cha tibakr ti unii aan ŋmaa len na ni la. Tinimbil aan ŋmaa kan ki ti bab; le titafal mu aan ŋun tiwan pu ki ti bab.

Aisaya 40:7

Buyoonn Uwumbɔr cha libuln daa timoor pu na, timoor ga yɔl, le mmopuun mu gbaar. Binib aa yunni ki jer timoor.

Aisaya 5:10

Ŋisubil aasui i ni ŋum ŋibal kipiik aakpaab ni na aasubil aanyun ga gbiin kpalba biniin baanja la. Bɔtɔ mam nkub aajikaabim mu ni di bun na ga nan nyan bɔtɔ mam kipiik baanja la.

Jeremia 12:13

Maanib nan bun imuul, le ki tee nan chee timoor; bi nan tun le kitotoŋ nyan, le kaa nan kan nibaa. Maaŋuusakpeln pu le baajikaar aa ŋa.”

Esekiel 21:31

M yaa fenn maaŋuul lii ni pu ke mmii mu wu sakpen na kan, le ni ga kan maaŋuul aah pɔɔ pu na; le m ga di nimi tii bibiindam bi nyi baah ga kuln binib pu na.

Liifai Yaab 19:25

Libiln ŋmuŋmur ni kan, ni ga ŋmaa ji ŋisubil ngbaan. Ni yaa ŋa maah mɔk nimi pu na kan, nimi aasubil aasui ga lu sakpen. Min le ye Nidindaan Uwumbɔr.

Hagai 1:4

“Maanib, ba ŋa ni koo ŋidichal ŋi ŋan na ponn ni, aan maadichal ma ber ki dɔ?

Hagai 1:6

Ni bun njikaabim pam, le ki tee nan chee njikaabim pɔkaa kina. Ni kpa tijikaar ni ji, le ki mu aa babr. Ni kpa ndaan ni nyu, le mu aa tee gbii nimi. Ni kpa tiwanpeenkaan, le ni mu aa leer nimi tiwoor. Bijab bi tun lituln ki gaal lipal na aapal aa fuur bi.

Malakai 2:2

Ni li nyuŋni mi nimi aatun mɔmɔk ni. Ni yaa kaa pel maah len pu na kan, m ga puun lii ni pu. M ga puun lii baah tii nimi tiwan ni na pu. Mbamɔn, naah kaa joo maakaal mbamɔm pu na, m puen puun lii ni pu a.

Ikaal 28:38

“Ni ga ko tisar pam, le ki mu ga nan chee siib la, ba pu? itoon ga dan ki nan ŋmɔ nimi aajikaar ngbaan.

Tibɔkpiirkaan 2:4

Tɔ, m mu galn nimi; ba pu? naa ki gee mi ke naah nan gee mi njan pu na.

Tibɔkpiirkaan 3:19

Maah gee binib bimɔk na, m sur bi ki dar bitafal. Nima pu na, cha ninimbil li man aan ni kpeln nimi aabimbin man.