Hagai 1:6 - Uwumbɔr aagbaŋ

⁶ Ni bun njikaabim pam, le ki tee nan chee njikaabim pɔkaa kina. Ni kpa tijikaar ni ji, le ki mu aa babr. Ni kpa ndaan ni nyu, le mu aa tee gbii nimi. Ni kpa tiwanpeenkaan, le ni mu aa leer nimi tiwoor. Bijab bi tun lituln ki gaal lipal na aapal aa fuur bi.

Hagai 1:6 ပူးပေါင်းရင်းမြစ်များ

2 Samuel 21:1

David aah nan ye Israel ni Juda yaab aabɔr n‑yoonn mu na, le nkon nan lir, ki ti saa ŋibimɔn ŋitaa. Kina pu le David nan baa Uwumbɔr nkon ngbaan aabɔr; le Uwumbɔr bui u ke, “Sɔɔl ni waamaal ku binib; u ku Gibeonn aatiŋ aanib.”

1 Bibɔrb 17:12

Le u gar u ke, “Aadindaan Uwumbɔr u bi na pu, m puu ke maa kpa boroboro. Maah kpa tiwan ni na le ye n‑yon pɔkaa kina lisambil ni, ni olif aakpan siib likpasambil ni. M dan do ke m nan pii idɔ ki di siib ngbaan ŋa tii m ni njapɔɔn la. Timi aakookoo aajikaar le ga li bi na, le nkon ga nin ku timi.”

Nehemia 5:2

Bibaa nan len ke, “Ti kpa ŋidichal ŋi wiir na la, le ki ban tijikaar ti kpiin tibaa.”

Job Aagbaŋ 20:22

Waakam aah ga nyaŋ buyoonn na, le falaa u bir na ga wɔb u bil.

Job Aagbaŋ 20:28

Uwumbɔr aaŋuusakpeln li naahn nwam na le ga kuln waawangol mɔmɔk.

Ilahn 107:34

U cha kitiŋ ki kpa tijikaar na kpaln nteersakpiin, bibiindam bi koo nima chee na pu.

Ŋiyataŋak 11:24

Binib bibaa tii baamombil bisui mɔmɔk, le ki moo kani liwankpal. Bibaa mu tii ki chur bibaa le ki moo ŋani bigiim.

Aisaya 5:10

Ŋisubil aasui i ni ŋum ŋibal kipiik aakpaab ni na aasubil aanyun ga gbiin kpalba biniin baanja la. Bɔtɔ mam nkub aajikaabim mu ni di bun na ga nan nyan bɔtɔ mam kipiik baanja la.

Jeremia 12:13

Maanib nan bun imuul, le ki tee nan chee timoor; bi nan tun le kitotoŋ nyan, le kaa nan kan nibaa. Maaŋuusakpeln pu le baajikaar aa ŋa.”

Jeremia 14:4

Utaal aah kaa nun aan kitiŋ kuur na, bikpaab aasui bii, le bi bɔrni.

Jeremia 44:18

Tɔ, n‑yoonn mu ti di cha kaa ki toor kitork tii Paacham Aapiibɔr kaa ki tii u ndaan aapiin na, taa ki kpa nibaa, le timi aanib kpoi butɔb ni nkon ni.”

Hosea 4:10

Bi yaa toor kitork kan, ni ga ji nimi yaan, ki mu aan bab. Ni ga li dii timar aawaa, ki mu aan li kpa mbim, ba pu? ni fenn nipuwɔb tii mi, le ki ti dii ŋiwaa.”

Hosea 8:7

Bi yaa bun libuln kan, kitaabuŋ le bi ga nan chee. Njikaabim mu bi nkpaakon ni kaa biir na aan ŋmaa ŋa tijikaar. Hali mu yaa biir kan, biwɔwɔm le ga di mu ŋmɔ.

Liifai Yaab 26:20

Le naah ga li pɔɔni nibaa ki tun sakpen pu na, naan ter nimi, ba pu? nimi aatiŋ aan ki ŋa tijikaar, le nimi aasui mu aan ki lu ŋisubil.

Liifai Yaab 26:26

Le m ga cha nimi aajikaar taa ki ŋa mbamɔm, le kina pu, bipiib kipiik ga di baah kpa tijikaar ti na kpaan ŋaan likumbuul libaa ni. Le bi yaa yakr ti, ni jin kan, naan bab. Nkon ga li beenin joo nimi.

Hagai 1:10

Kina pu le utaal aa bi, le tijikaar mu aa ŋmaa ŋa.

Hagai 1:5

Naa waa tiwan ni bi ŋani nimi na aa?

Hagai 1:7

Ni bee tiwan ni cha nimina mɔmɔk ŋani nimi na aa?

Hagai 1:9

“Ni nan mak ke ni ga nan chee tijikaar sakpen, le naa nan kpann kpala. Le naah di tijikaar ngbaan kun linampal na, m pii ti libuln di buen. Ba ŋa aan m ŋa kina? Unii mɔk aanimbil aah man ubaa aadichal pu aan Maadichal ber ki dɔ na pu le cha m ŋa kina.

Hagai 2:16

ni ga nan buen lidikpukl libaa chee ki dak ke ni ga ti kan ndibim mu gbiin bɔtɔ tiib bilee na, le ki ti mui mu ye bɔtɔ ubaa baanja la. Ni ga nan buen ke ni ti chuun ndaan ikinja ilee, le ki ti mui mu ye nkinja mubaa baanja la.

Hagai 2:17

M nan cha libuln li ton na, ni ŋitaatakpal ŋmeen dan nan bii naah kon tijikaar ti mɔmɔk na, le naa kee kpeln nimi aabimbin.

Sekaria 5:4

Uwumbɔr Mpɔɔnsakpiindaan bui ke, ‘M ga cha tipuun ngbaan buen, le ti ga ti koo unaayuk mɔmɔk, ni unii umɔk puur tipuur maayimbil ni ki geei inyamɔn na aadichal ni. Ti ga gaar baadichal ni le ki ti kuln li kookoo.’”

Sekaria 8:10

Waahr aan n‑yoonn ngbaan na, ubaa aa nan kpa ŋimombil ke u pa unii bee kiwakork bi tun lituln tii u, le ubaa aa nan kpa lifuur waadin chee. M nan jaani maanib la.

Malakai 2:2

Ni li nyuŋni mi nimi aatun mɔmɔk ni. Ni yaa kaa pel maah len pu na kan, m ga puun lii ni pu. M ga puun lii baah tii nimi tiwan ni na pu. Mbamɔn, naah kaa joo maakaal mbamɔm pu na, m puen puun lii ni pu a.

Ikaal 28:17

“Uwumbɔr ga puun lii nimi aajikaabim, ni tijikaar ti ni joo mu ŋani na pu.