Hagai 1:14 - Uwumbɔr aagbaŋ

¹⁴ Uwumbɔr nan pɔɔk unii mɔmɔk aataakpab ke bi tun Waadichal aatuln ngbaan: U nan pɔɔk Serubabel u ye Juda aatiŋ aayidaan na, ni Utotoorninkpel Josua, ni binib bi mɔmɔk nan nyan ni tinaagbiir ni ki gir ni na aataakpab.

Hagai 1:14 ပူးပေါင်းရင်းမြစ်များ

1 Bibɔrb Aabɔr 5:26

Kina pu le Uwumbɔr nan cha Asiria yaab aabɔrkpaan Pul (u bi nan ki yin u ke Tiglaf Pileser na) bɔ baatingbaln ni. U nan chur Rubenn, ni Gad, ni Manase yaab bi bi liwipuul wɔb na tinaagbiir ki di bi ti kaan Hala, ni Habor, ni Hara aatim ni, ni Gosann Aamɔɔl chee.

2 Bibɔrb Aabɔr 36:22

Sairus aah nan ye Pesia aabɔr pu na aajan aabiln ni, le Uwumbɔr nan cha waabɔnabr Jeremia aah nan len pu na gbiin. U nan cha Ubɔr Sairus siin nkaal mumina ki cha bi ŋmee mu, ki di tun waanaan mɔmɔk ni ke bi karn mu mpɔɔn pu ke:

Esra 1:1

Sairus aah nan ye Pesia aabɔr pu na aajan aabiln ni, le Uwumbɔr nan cha waah nan di waabɔnabr Jeremia len pu na gbiin. U nan cha Sairus siin nkaal mumina, ki cha bi ŋmee mu ki di tun waanaan mɔmɔk ni ke:

Esra 1:5

Le Juda aamaal yaab, ni Benjaminn aamaal yaab aayidam, ni bitotoorb, ni Liifai yaab, ni unii umɔk Uwumbɔr koo usui ni na, gor ke bi ti gir maa Uwumbɔr Aadichal, Jerusalem ponn ni.

Esra 5:2

Sealtiel aajapɔɔn Serubabel, ni Jehosadak aajapɔɔn Josua aah ŋun baabɔr ngbaan na, le bi piin ki ki bi maa Uwumbɔr Aadichal, Jerusalem ponn ni, le Uwumbɔr aabɔnabr bilee ngbaan ter bi.

Esra 5:8

“Ti ban ke sin mpɔɔndaan li nyi ke ti nan buen Juda aapepel, ki ti kan ke bi kpir ŋitakpasakpiin, le ki di maa Uwumbɔr sakpiin na Aadichal, ki di ŋikpan sakpiin saŋ laagon ponn ni. Bidimaab ngbaan joo nlandiin le maa li, le ni cha mɔb mbamɔm.

Nehemia 4:6

Le ti bi maa ligoln ngbaan. Binib ngbaan aah nan gee lituln ngbaan sakpen pu na, naa nan yunn le ti maa fuu sisik ni.

Ilahn 110:3

Nwiin mundaal aa ga tak saadim na, saanib ga nya sil ki ter si bibaa pu la. Saanachipɔm ga dan aa chee ŋijoo ŋi bi chain na pu ke kichakpiik ni aamaln na la.

Hagai 1:1

Darius aah nan ye Pesia aabɔrkpaan ki ti saa ŋibin ŋilee pu na aaŋmaloob aawiin mbaa daal, le Uwumbɔr nan cha waabɔnabr Hagai len tibɔr timina. Tibɔr ngbaan nan ye Juda aayidaan Serubabel u nan ye Sealtiel aajapɔɔn na, ni Utotoorninkpel Josua u nan ye Jehosadak aajapɔɔn na aabɔr la.

Hagai 1:12

Le Serubabel, ni Utotoorninkpel Josua, ni binib bi mɔmɔk nan nyan ni tinaagbiir ni Babiloŋ aatiŋ ni ki gir ni na, ŋa Bidindaan Uwumbɔr aah bui bi ke bi ŋa pu na. Bi nan bee ke Uwumbɔr le tun waabɔnabr Hagai, nima pu na le bi san ijawaan le ki kii waamɔb.

Hagai 1:15

Ubɔrkpaan Darius aah nan jin nnaan ki ti saa ŋibin ŋilee pu na aaŋmaloob aawiin moninko ni inaa daal le bi nan piin ki bi tun Bidindaan Uwumbɔr Mpɔɔnsakpiindaan Aadichal aatuln ngbaan.

Hagai 2:2

U nan bui Hagai ke u len Juda aayidaan Serubabel, ni Utotoorninkpel Josua, ni binib ngbaan chee ki bui bi ke,

Hagai 2:21

le Uwumbɔr nan ki tii Hagai tibɔr tee ke u di tii Juda aayidaan Serubabel ke, “M ban m dam paacham ni kitiŋ

1 Korenti 15:58

Nnaabigeehm, nima pu na, n‑yoonn mɔmɔk ni li tun Tidindaan aatuln sakpen, ki taa cha nibaa leŋ nimi. Ni li bi li ni; ba pu? ni nyi ke ni yaa tun lituln tii Tidindaan kan, naa tun fam.

2 Korenti 8:16

Tɔ, m doon Uwumbɔr u cha Taitus ban u ter nimi na ke ti mu aah ban ti ter nimi pu na.

Hiibru Yaab 13:21

Uwumbɔr, u tii timi nsuudoon na, toor nimi aabimbin mbamɔm, aan ni li ŋani waah gee pu na. Cha u ŋa nimi binib bi ga piir usui na Yesu Kristo pu. Uma le yeh mpakm n‑yoonn mu kaa kpa ndoon na. Amii.