Hagai 1:12 - Uwumbɔr aagbaŋ

¹² Le Serubabel, ni Utotoorninkpel Josua, ni binib bi mɔmɔk nan nyan ni tinaagbiir ni Babiloŋ aatiŋ ni ki gir ni na, ŋa Bidindaan Uwumbɔr aah bui bi ke bi ŋa pu na. Bi nan bee ke Uwumbɔr le tun waabɔnabr Hagai, nima pu na le bi san ijawaan le ki kii waamɔb.

Hagai 1:12 ပူးပေါင်းရင်းမြစ်များ

Mpiin 22:12

Le nneel ngbaan bui ke, “Taa ku ubo ngbaan, ki taa ŋa u nibaa. Dandana wee, m bee ke aa san Uwumbɔr ijawaan, ba pu? saa yii ke saan di aajapɔnbaal na ki di toor kitork tii Uwumbɔr.”

Esra 10:18

Bijab bi nan joo nwɔwɔmbim na aayimbil sɔ: Josua ni ukpetiib ni unaatiib bi aate ye Jehosadak na aataŋaal ni: Maaseya, ni Elieser, ni Jarib, ni Gedalia.

Esra 5:2

Sealtiel aajapɔɔn Serubabel, ni Jehosadak aajapɔɔn Josua aah ŋun baabɔr ngbaan na, le bi piin ki ki bi maa Uwumbɔr Aadichal, Jerusalem ponn ni, le Uwumbɔr aabɔnabr bilee ngbaan ter bi.

Ilahn 112:1

Pak Uwumbɔr man. Unii umɔk nyuŋni Uwumbɔr ki gee ke u li joo waakaal na kpa mpopiin.

Ŋiyataŋak 1:7

Waahr aan aa nin kan nlan na, see aa kpa kipak ni ijawaan ki tii Uwumbɔr. Bijɔrb ma aa ban nlan, ki yii ke baan bae mu.

Ulandaan 12:13

Nimina mɔmɔk aapuwɔb na, tiwan nibaa baanja le gur ti len naabɔr. Li san Uwumbɔr, ki li dii waakaal, ba pu? kina pu le u nan naan unibɔn.

Aisaya 1:19

Ni yaa kii maamɔb kan, ni ga kan tijikaar pam nimi aatiŋ pu.

Aisaya 50:10

Nimi bi mɔmɔk pak Uwumbɔr ki kii waatutunn aabɔr na, nibaakan ni ga li chuun isan i bɔɔn na ni, ni mu tee tii Nidindaan Uwumbɔr naadii, ki li mak u pu.

Hagai 1:1

Darius aah nan ye Pesia aabɔrkpaan ki ti saa ŋibin ŋilee pu na aaŋmaloob aawiin mbaa daal, le Uwumbɔr nan cha waabɔnabr Hagai len tibɔr timina. Tibɔr ngbaan nan ye Juda aayidaan Serubabel u nan ye Sealtiel aajapɔɔn na, ni Utotoorninkpel Josua u nan ye Jehosadak aajapɔɔn na aabɔr la.

Hagai 1:14

Uwumbɔr nan pɔɔk unii mɔmɔk aataakpab ke bi tun Waadichal aatuln ngbaan: U nan pɔɔk Serubabel u ye Juda aatiŋ aayidaan na, ni Utotoorninkpel Josua, ni binib bi mɔmɔk nan nyan ni tinaagbiir ni ki gir ni na aataakpab.

Hagai 2:2

U nan bui Hagai ke u len Juda aayidaan Serubabel, ni Utotoorninkpel Josua, ni binib ngbaan chee ki bui bi ke,

Lituln 9:31

Nima pu na, Yesu aanib bi nan bi Judea aatim ni, ni Galilee aatim ni, ni Samaria aatim ni na nan gaa bibaa. Unii ubaa aa ki muk bi. Le bi moo bae Tidindaan aaliin n‑yoonn mɔmɔk, ki pak u. Le Uwumbɔr Aafuur Nyaan ter bi, ki cha binib moo kpee bi pu.

Ikaal 31:12

Aa yin bi mɔmɔk, bijab, ni bipiib, ni mbim, ni biwɔwɔm bimɔk bi nimi aatim ni na, aan bi mɔmɔk nan ŋun ti, ki bee baah ga li pak Nidindaan Uwumbɔr ki kii tii waamɔkm mbamɔm pu na.

Ikaal 31:13

Nima kan, niyaabitiib bi kaa kee ŋun Nidindaan Uwumbɔr Aakaal aabɔr ngbaan na mu ga ŋun ti. Nima le ga cha bi bee ki kii waamɔb, kitiŋ ki ni ban ni puur Jɔɔdann Aamɔɔl ki ti gaa ki na ni, ki ti saa baamɔfal aadoon.”

Kolosiya 1:6

Tibɔnyaan ngbaan le cha nimi ni binib bi bi ŋipepel mɔmɔk na tun litunyaan. Binib moo gaal tibɔnyaan ngbaan ki keei, nikaasisik ni, ni ŋipepel mɔmɔk. Naah ŋun ti, ki bee mbamɔm Uwumbɔr aah ŋani nimi tiŋann pu na, le binib moo gaal tibɔnyaan ngbaan ki keei nikaasisik ni, ki nan saa dandana.

Hiibru Yaab 12:28

Ti ga ji nnaan mu ga li bi n‑yoonn mu kaa kpa ndoon na. Nima pu na, cha ti doon Uwumbɔr, ki tun lituln li ga piir usui na tii u, ki li pak u, ki li san u ijawaan.