Hagai 1:11 - Uwumbɔr aagbaŋ

¹¹ Min le cha nweel dan kitiŋ ngbaan pu, ni ŋigongon, ni njikaabim aasar pu, ni ndaan aasubil aasui aasar pu, ni olif aakpan aasui aasar pu, ni tijikaar ti kitiŋ ga ŋmaa cha ti ŋa na pu, ni binib ni tiwakor pu. Mu dan tiwan ni mɔmɔk ni pɔɔn nibaa ke ni ko na pu.”

Hagai 1:11 ပူးပေါင်းရင်းမြစ်များ

1 Bibɔrb 17:1

Uwumbɔr aabɔnabr, u bi nan yin u ke Elaija, aan u nyan ni Tisbe aatiŋ ki bi Gilead ni na le nan bui Ubɔr Ahab ke, “M ye timi Israel yaab Aadindaan Uwumbɔr u bi na aatutunn. M tuk si waayimbil pu ke limaln bee utaal aan ki juu kitiŋ pu ki ti saa ŋibin ŋilee bee ŋitaa, see m ti bui u ke u nu.”

2 Bibɔrb 8:1

Elaisa nan tuk upii u nan bi Sunem aatiŋ ni, aan Elaisa nan fikr ujapɔɔn nkun ni na, ke Uwumbɔr ga cha nkon dan kitiŋ ngbaan pu, ki ga yunn ki ti saa ŋibin ŋilole, kina pu na, u ni waadichal nya nima ki buen nibaa chee.

Job Aagbaŋ 34:29

Uwumbɔr yaa yii ke waan ŋa nibaa kan, ubaa aan ŋmaa galn u. U yaa di ubaa bɔr kan, binib aan ki li kpa nterm.

Jeremia 14:2

“Juda aatiŋ bi wii ikpowiil la; kaatim bi kpo la, kaanib dɔ kitiŋ mpombiin pu la, le Jerusalem wii ki ban nterm.

Inandalahn 1:21

Li pel maah ker idun pu na; ubaa aa bi ki sɔŋ nsui. Saah di tibɔbir tii ni mi na, le maadim aasui piir. Cha saah nan puu ke nwiin mu ga dan na fuu ni; cha maadim mu ji maah jin falaa u na.

Amos 5:8

Uwumbɔr le naan iŋmabi, ni paacham aawan mɔmɔk. U kpeln mbɔmbɔɔn ki di ŋa nwiihn, ki di nwiin pu mu kpeln ŋa kinyeek. Uma le yin nnyusakpem aanyun, ki joo kpir kitiŋ pu. Waayimbil le ye Uwumbɔr.

Amos 7:4

Tidindaan Uwumbɔr le nan ki kpiir tiwan nimina mu mɔk mi tidaŋ ponn ni. Tidaŋ timina ponn ni m nan kan ke u gor ubaa ke u di mmii daa waanib aatafal. Mmii ngbaan nan cha nnyusakpem mu dɔ kitiŋ kee aataab na foor, ki piin ki bi wu kitiŋ mu.

Amos 9:6

Uwumbɔr maa waadichal paacham la, le ki cha kitaapaak bi kitiŋ aapaacham, le ki joo nnyusakpem aanyun kpir kitiŋ pu. Waayimbil le ye Uwumbɔr.

Hagai 2:17

M nan cha libuln li ton na, ni ŋitaatakpal ŋmeen dan nan bii naah kon tijikaar ti mɔmɔk na, le naa kee kpeln nimi aabimbin.

Hagai 2:19

Tɔ, njikaabim mubaa aa gur, le ndaan aasubil ni ŋikakan, ni ŋisubil ŋiken na, ni olif aakpan aasui mu aa kee lun; ki nya din wee ki joo cha, m ga ŋa tinyoor ŋa ni pu.”

Malakai 3:11

Maan cha tiwayukaan bii nimi aajikaar, le nimi aasubil aasui ga lu sakpen.

Malakai 3:9

Litimbol mɔln ngbaan mɔmɔk aah ji mi pem pem pu na le m puun lii ni mɔmɔk pu.

Ikaal 28:22

Uwumbɔr ga cha iween i door na chur nimi, niwon ga duun, le ki li ton. U ga cha ntaaweel, ni libuln li ton na see nimi aajikaar. Kina aabɔbir ga li bi ni pu, le ni ti kpoi doo.