Hagai 1:1 - Uwumbɔr aagbaŋ

¹ Darius aah nan ye Pesia aabɔrkpaan ki ti saa ŋibin ŋilee pu na aaŋmaloob aawiin mbaa daal, le Uwumbɔr nan cha waabɔnabr Hagai len tibɔr timina. Tibɔr ngbaan nan ye Juda aayidaan Serubabel u nan ye Sealtiel aajapɔɔn na, ni Utotoorninkpel Josua u nan ye Jehosadak aajapɔɔn na aabɔr la.

Hagai 1:1 ပူးပေါင်းရင်းမြစ်များ

1 Bibɔrb 10:15

le ki gaal lampoo u biwantiirb nyani baanyoor ponn ni pa na, ni ubaa aatiirk aanyoor, ni Arabia aabɔrb, ni Israel aapepel aayidam aah joo baapar ti nan tii u na.

1 Bibɔrb 14:18

Uwumbɔr aah nan cha waatutunn, waabɔnabr Ahija len pu na, Israel aanib nan wii waakpuul le ki sub u.

2 Bibɔrb 14:25

U nan ki nyaŋ ki gaa lipepel li mɔmɔk nan ye Israel aapepel na, ki nyan Hamaf Aasan mu bi ŋŋangan wɔb na mɔk ki ti saa N‑yaan Aanyusakpem mu bi ŋŋangii wɔb na. Israel yaab Aadindaan Uwumbɔr aah nan puu pu tii Amitai aajapɔɔn Jona, u nan ye Gaf Hefer aanii, ki ye waatutunn, ki ye waabɔnabr na le na.

1 Bibɔrb Aabɔr 3:17

Jehoyachinn aayaabitiib bi Babiloŋ yaab nan chur bi tinaagbiir na aayimbil sɔ: Jehoyachinn nan ma mbijabim mulole la: Sealtiel,

1 Bibɔrb Aabɔr 3:19

Pedaya nan ma mbijabim mulee la. Bima le nan ye Serubabel ni Simei. Serubabel mu nan ma mbijabim mulee la, Mesulam ni Hanania. U nan ma upiibo ubaa mu, ki yin u ke Selomif.

Esra 1:8

U nan di ni tii nnaan ni aamombil aaninkpel, Mitredaf, le u ŋmee ni mɔmɔk aah ye pu na tii Juda aayidaan Sesbasar: Salmaa aasambil piitaa, ni tikunabr aasambil lichur libaa, ni ŋisambil ŋiken moninko ni ŋiwae, ni salmaa aasambim piitaa, ni tikunabr aasambim ikui inaa ni kipiik, ni tiwanbankaan niken lichur libaa.

Esra 10:18

Bijab bi nan joo nwɔwɔmbim na aayimbil sɔ: Josua ni ukpetiib ni unaatiib bi aate ye Jehosadak na aataŋaal ni: Maaseya, ni Elieser, ni Jarib, ni Gedalia.

Esra 2:2

Binib bi nan ye baasalolm na le nan ye Serubabel, ni Josua, ni Nehemia, ni Seraya, ni Reelaya, ni Modekai, ni Bilsann, ni Mispar, ni Bigfai, ni Rehum, ni Baana.

Esra 2:63

Juu yaab aayidaan nan bui bi ke baan ŋmaa ji tijikaar ti bi di tii Uwumbɔr ipiin na, see utotoor u ga ŋmaa di tiwan ni bi yin ni ke Urim ni Tumim na mɔk ke bi ga ŋmaa ji ti na bi nima.

Esra 3:2

le Jehosadak aajapɔɔn Josua, ni bitotoorb biken, ni Sealtiel aajapɔɔn Serubabel, ni udo yaab, kpaan ki ki gir maa bima Israel yaab Aawumbɔr aatork aabimbiln, aan bi ki ŋmaa di kitork aanann see mmii ni li pu, ke Uwumbɔr aanii Moses Aakaal aagbaŋ aah nan mɔk pu na.

Esra 3:8

Baah nan ki gir ni Uwumbɔr Aadichal aapaan ni, Jerusalem ni na, aabileler aaŋmalee ni, le bi nan piin lituln. Serubabel, ni Josua, ni bido yaab bi gur na mɔmɔk, ni bitotoorb, ni Liifai yaab, ni binib bi mɔmɔk nan nyan ni tinaagbiir ni ki gir ni Jerusalem ni na, nan kpaan ki tun lituln ngbaan. Liifai yaab bi nan saa ŋibin moninko ki jer na le nan ye Uwumbɔr Aadichal ngbaan aamaam aaninkpiib.

Esra 4:2

le bi buen Serubabel ni itaŋaal ngbaan aayidam chee ki ti bui bi ke, “Cha man ti ter nimi aan ni maa Uwumbɔr Aadichal ngbaan. Ti mu dooni Uwumbɔrbaan u ni dooni na la; ki nyan n‑yoonn mu Asiria Aabɔrkpaan Esaradonn joo ni timi do na, uma le ti toor kitork tii.”

Esra 4:24

Uwumbɔr Aadichal aamaam nan sil, kaa ki cha, ki ti saa Pesia aabɔrkpaan Darius aanaanjil aabileler ni.

Esra 5:1

N‑yoonn ngbaan le Uwumbɔr aabɔnabr bilee bimina, Hagai, ni Ido aajapɔɔn Sekaria nan piin ki tuk Juu yaab bi koo Jerusalem ni Juda aatim muken ponn ni na tibɔr, Israel yaab Aawumbɔr u joo bi na aayimbil pu.

Esra 5:3

Naa nan yunn, le Yufrates aamɔɔl aawilir wɔb aapepel aayidaan Tatenai, ni Setar Bosenai, ni baaninkpiib biken kpaan dan Jerusalem, ki nan baa bi ke, “Ŋma tii nimi nsan ke ni maa Uwumbɔr Aadichal lee ki toor li?”

Esra 6:14

Juu yaab aayidam ngbaan nan maa Uwumbɔr Aadichal ngbaan mala, le Hagai ni Sekaria bi nan ye Uwumbɔr aabɔnabr na nan pɔɔk bitaakpab. Israel yaab Aawumbɔr, ni Pesia aabɔrkpaam Sairus, ni Darius, ni Ataksekes aah nan bui bi pu na, bi nan doo Uwumbɔr Aadichal ngbaan aamaam.

Nehemia 12:1

Bitotoorb bimina, ni Liifai yaab bee le nan nyan ni tinaagbiir ponn ni ki dii ni Sealtiel aajapɔɔn Serubabel ni Utotoorninkpel Josua:

Nehemia 12:10

Josua le nan ma Joyakim; le Joyakim mu ma Eliasib; le Eliasib mu ma Joyada;

Nehemia 5:14

Ŋibin kipiik ni ŋilee ŋi ponn ni m nan ye Juda aatiŋ aayidaan, ki nyan Ataksekes aanaan aabiln moninko ki ti saa waabin piitaa ni ŋilee ponn ni na, m ni maadichal aa nan ji tijikaar ti bi nan siin ke ti li ye uyidaan aajikaar na.

Nehemia 7:7

Binib bimina le nan ye baayidam: Serubabel, ni Josua, ni Nehemia, ni Asaria, ni Raamia, ni Nahamani, ni Modekai, ni Bilsann, ni Misperef, ni Bigfai, ni Nehum, ni Baana.

Nehemia 8:9

Binib ngbaan aah ŋun Nkaal ngbaan aah ban ke bi ŋa pu na, ni nan muk bi sakpen le bi piin ki bi wii. Kina pu na, Nehemia, u nan ye baayidaan na, ni Esra, u nan ye utotoor ki mu bee Nkaal ngbaan mbamɔm na, ni Liifai yaab bi nan tuk binib ngbaan mu aatataa na bui binib ngbaan ke, “Nwiin mumina ye nwiin mu bi chain ki tii Nidindaan Uwumbɔr na la, kina pu na, ni taa wii, ki taa kpeeni mu.

Nnyam 4:13

Moses nan bui ke, “Aayii, Ndindaan, tun ubaa.”

Hagai 1:12

Le Serubabel, ni Utotoorninkpel Josua, ni binib bi mɔmɔk nan nyan ni tinaagbiir ni Babiloŋ aatiŋ ni ki gir ni na, ŋa Bidindaan Uwumbɔr aah bui bi ke bi ŋa pu na. Bi nan bee ke Uwumbɔr le tun waabɔnabr Hagai, nima pu na le bi san ijawaan le ki kii waamɔb.

Hagai 1:14

Uwumbɔr nan pɔɔk unii mɔmɔk aataakpab ke bi tun Waadichal aatuln ngbaan: U nan pɔɔk Serubabel u ye Juda aatiŋ aayidaan na, ni Utotoorninkpel Josua, ni binib bi mɔmɔk nan nyan ni tinaagbiir ni ki gir ni na aataakpab.

Hagai 1:15

Ubɔrkpaan Darius aah nan jin nnaan ki ti saa ŋibin ŋilee pu na aaŋmaloob aawiin moninko ni inaa daal le bi nan piin ki bi tun Bidindaan Uwumbɔr Mpɔɔnsakpiindaan Aadichal aatuln ngbaan.

Hagai 1:2

Uwumbɔr Mpɔɔnsakpiindaan nan bui Hagai ke, “Binib bee bui ke n‑yoonn mumina aa ye n‑yoonn mu ŋan ke ti ki gir di maa Uwumbɔr Aadichal na.”

Hagai 1:3

Le Uwumbɔr nan cha waabɔnabr Hagai di tibɔr timina nabr binib ngbaan ke:

Hagai 2:10

Darius aah nan ye Pesia aabɔrkpaan ki ti saa ŋibin ŋilee pu na aaŋmawae aawiin moninko ni inaa daal le Uwumbɔr Mpɔɔnsakpiindaan nan ki cha waabɔnabr Hagai ki len tibɔr timina.

Hagai 2:20

Uŋmal ngbaan aawiin moninko ni inaa daal baan ngbaan,

Hagai 2:21

le Uwumbɔr nan ki tii Hagai tibɔr tee ke u di tii Juda aayidaan Serubabel ke, “M ban m dam paacham ni kitiŋ

Hagai 2:4

Tɔ, Serubabel, cha aataakpab pɔɔk; Utotoorninkpel Josua, aa mu cha aataakpab pɔɔk; nimi bimɔk bi kitiŋ ngbaan ni na, cha nitaakpab pɔɔk. Min Uwumbɔr Mpɔɔnsakpiindaan bi ni chee, kina pu na, li tun lituln ngbaan man.

Sekaria 1:1

Ubɔr Darius aah nan ye Pesia aabɔrkpaan pu na aabileler ni aaŋmaniin ponn ni, le Uwumbɔr nan di tibɔr timina tuk waabɔnabr Sekaria. Sekaria aate le nan ye Berekia, le uyaaja ye Ido.

Sekaria 3:1

Tidaŋ tiken ponn ni le Uwumbɔr nan di waatotoorninkpel Josua mɔk mi, u si Uwumbɔr aatuun aanimbiin ni. Le kinimbɔŋ mu si gbɔk Josua, ki kii ke u galn u.

Malakai 1:8

Buyoonn ni joo ni kiwakork ki jɔb, bee ki bun, bee ki aataal koo na nan toor kitork tii mi na, ni dak ke taani ubaa aa bi ii? Di kina aawakork tii nimi aayidaan man ki lik. Ni dak ke kina aawakork ga li piin usui ii? U ga faar nimi aapiin ngbaan ki ter nimi ii?”

Tibɔnyaan ti Luk ŋmee ti na 3:27

Joda mu nan ye Joanann aajapɔɔn, Joanann mu nan ye Resa aajapɔɔn, Resa mu nan ye Serubabel aajapɔɔn, Serubabel mu nan ye Sealtiel aajapɔɔn, Sealtiel mu nan ye Neri aajapɔɔn,