Habakuk 3:8 - Uwumbɔr aagbaŋ

⁸ Uwumbɔr, ŋimɔɔ pu le saaŋuul nan fii ii? nnyusakpem pu le saaŋuul nan fii ii? Aa nan jak saataan ni yaatɔroku tiib bi ye linyaŋ yaab na.

Habakuk 3:8 ပူးပေါင်းရင်းမြစ်များ

Ilahn 104:3

le ki maa saadichal nnyun mu bi paab na aapaacham. Aa di ntaalangbam le ŋa saataan aatɔroku, le ki dik libuln aafeen pu.

Ilahn 114:3

Nnyusakpem Mamam nan lik le ki san; le Jɔɔdann Aamɔɔl sil kaa ki puu.

Ilahn 114:5

Nnyunsakpem, ba nan ŋa aan aa san? Jɔɔdann aamɔɔl, ba nan ŋa aan aa sil kaa ki puu?

Ilahn 18:10

U nan fii mala, tiwan ni kpa ifeen na pu, u nan chuun libuln pu la.

Ilahn 45:4

Di mpɔɔn buen ki ti kan mbamɔn ni mbimbinyaan aanyaŋ. Saapɔɔn le ga cha aa kan linyaŋ sakpeln.

Ilahn 68:17

Uwumbɔr ga di waataan aatɔroku mam ŋichur ŋichur bi kpa mpɔɔn na nyan ni Sainai aajool ki nan koo ni nin chee bi chain na.

Ilahn 68:4

Gaa ilahn tii Uwumbɔr man, gaa ilahn ki pak waayimbil man; toor nsan tii Uwumbɔr u chuun ntaalangbam pu na man. Waayimbil le ye Uwumbɔr, cha nisui li piin unimbiin ni man.

Ilahn 77:16

Uwumbɔr, nnyun aah kan si na, le ijawaan chuu mu, le nnyusakpem aataab deŋni,

Nnyam 14:16

Yoor saajaangbeek paacham ki di mɔk nnyusakpem ngbaan. Nnyun ngbaan ga yakr, le Israel yaab ga ŋmaa chuun kitikuun pu ki jer nnyusakpem ngbaan aasisik ni.

Nnyam 7:19

Uwumbɔr nan ki bui Moses ke, “Bui Aaronn ke u yoor waajaangbeek ngbaan paacham ki di mɔk ŋimɔɔ, ni ikpen, ni ibun mɔmɔk, Ijipt aatiŋ ponn ni. Nnyun ngbaan mɔmɔk ga kpaln nsin, le kitiŋ ngbaan mɔmɔk aanyun, hali ŋibuu ŋimɔk kpa nnyun na ga kpaln nsin.”

Nnyam 7:20

Moses ni Aaronn nan ŋa Uwumbɔr aah bui ke bi ŋa pu na mɔmɔk. Ubɔr ngbaan ni waaninkpiib aanimbiin ni, le Aaronn yoor waajaangbeek ngbaan paacham, le ki di faa limɔɔl ngbaan aanyun, le nnyun ngbaan mɔmɔk kpaln nsin.

Aisaya 19:1

Ijipt aatiŋ aabɔr sɔ. Uwumbɔr ka ntaalangbam pu ki choo Ijipt aatiŋ ni. Ijipt yaab aawaa aawon gbaa la. Ijipt aanib aataakpab yɔl a.

Aisaya 50:2

Ba nan ŋa maanib yii kaa kii tii mi buyoonn m nan buen m ti gaa bi lii na? Ba nan ŋa baa kii buyoonn m nan yin bi na? Maa ki kpa mpɔɔn m di gaa bi lii la aa? Maamɔliin baanja le ga cha nnyusakpem foor, ki cha ŋimɔɔ mɔmɔk kpaln kitikuun, le ŋaajan kpo nnyunyuu pu.

Aisaya 66:15

Uwumbɔr ga di mmii le dan. U ga dan mala ke kibuŋ na le ki nan daa waah gee binib bi pu liŋuul na aatafal.

Nahum 1:4

Uma le len nnyusakpem chee, le mu foor. U cha ŋimɔɔ foor. Basann aatiŋ aakpaakon kuur la, Kamel Aajool mann ke titan na la, le Lebanonn aatiŋ aasupuun gbar lir.

Habakuk 3:15

Aa di saataan taa taa nnyusakpem, ki taa taa nnyun mu ti kpaln tipupur.

Tibɔnyaan ti Mak ŋmee ti na 4:39

Le u fii ki kae kibuŋ ngbaan, le ki bui nnyun ngbaan ke, “Doon suuna.” Libuul ngbaan ni, le kibuŋ ngbaan ŋmin, nnyun mu doon suuna, ni mɔmɔk ŋmin chii.

Tibɔkpiirkaan 16:12

Le Uwumbɔr aatuun loloob mu di falaa u bi waasambil ni na kpir limɔɔsakpeln li bi yin li ke Yufrates na ni. Le laanyun foor, ki ŋa nsan ki tii bibɔrb bi nyan ni liwipuul wɔb na.

Tibɔkpiirkaan 19:11

Le m kan kitaapaak chuu piir, ki kan utapiin. U dik u pu na aayimbil le ye ke, “Mbamɔndaanyaan.” U yaa ji binib tibɔr kan, u tii bi baabamɔn, ki mu dii nsanyaan ki ti to butɔb.

Tibɔkpiirkaan 19:14

Le Uwumbɔr aatuuntiib bi bi paacham na paa upuwɔb, ki dik itapiin pu, ki pee ŋikekepiin ŋi ŋan ki bi chain na.

Tibɔkpiirkaan 6:2

Le m lik ki kan utapiin. Unii u dik u pu na joo butɔm. Le bi tii u linyaŋ aayikpupuk u di chiŋ. Le u buen u ti nyaŋ binib, ki sil ti nyaŋ bi.