Habakuk 3:7 - Uwumbɔr aagbaŋ

⁷ M nan kan ke ijawaan nan chuu Kusann aanib, le Midiann aatiŋ aanib aawon gbaa.

Habakuk 3:7 ပူးပေါင်းရင်းမြစ်များ

Nnyam 2:15

Buyoonn ubɔr ngbaan ŋun Moses aah ŋa pu na, le u nan ban bi ku u, le Moses san buen ti bi Midiann aatiŋ ni. Daalbaadaal, le Moses nan ka nnyunbun mubaa chee, le Jetro, u nan ye Midiann aatotoor na aabisatiib bilole nan dan nnyunbun ngbaan chee, ke bi nan lu nnyun tii bite aapiih ni iŋoob i nyu.

Jeremia 49:29

Gaa baagban aaboo, ni baawakor, ni baaboo aakeken, ni tiwan ni mɔmɔk bi ŋiboo ngbaan ponn ni na man. Gaa man baalaakumii mam, ki bui binib ngbaan ke, ‘Ijawaan le mann goln nimi na.’

Josua 2:10

Ti ŋun Uwumbɔr aah cha Limɔɔkal Aanyusakpem foor aan ni puur, buyoonn ni nan nyan ni Ijipt aatiŋ ni na, ki ki ŋun ke ni ku Amor yaab aabɔrb bilee, Sihonn ni Og, Jɔɔdann aawipuul wɔb.

Josua 9:24

Le bi giin bui u ke, “Uninkpel, taah ŋun ibamɔn ni, ke Nidindaan Uwumbɔr nan bui waatutunn Moses, ke naah tur koo ni kitiŋ ngbaan mɔmɔk ponn ni na, u ga cha ni ku binib bimɔk bi ki ponn ni na pu la, nima le cha ti ŋa kina. Tipobil le yuk, le timi aamɔfal pu na, ijawaan chuu timi ke ni ga ku ti mɔmɔk.

Bibɔjirb 8:12

Midiann aabɔrkpaam Seba ni Salmuna nan san, le u beenin dii bi ki ti chuu bi, le baatɔb aajab aapobil yuk.