Habakuk 3:16 - Uwumbɔr aagbaŋ

¹⁶ M ŋun timina mɔmɔk pu le mpobil gbaa, le mmɔgban jii ijawaan pu, le nwon mɔmɔk kpo, le ntaa jii. Le m tee ga mɔr ki li kii nwiin mundaal Uwumbɔr ga daa binib bi tak timi na aatafal na.

Habakuk 3:16 ပူးပေါင်းရင်းမြစ်များ

Job Aagbaŋ 30:17

Kinyeek kan, maakpab mɔmɔk wu la; iween i ŋmɔ mi na aa door.

Job Aagbaŋ 30:30

Nwon kpaln tibɔmbɔnn la; nwon ton kina kpan kpan.

Ilahn 119:120

M san sin le ijawaan; saakaal pu le ijawaan joo mi.

Ilahn 91:15

Bi yaa yin mi kan, m ga kii baayim; bi yaa bi tibɔr ni kan, m ga li bi bi chee. M ga nyan bi tibɔr ni, ki nyuŋ bi.

Ŋiyataŋak 12:4

Upii u aabimbin ŋan na le ye uchal aamakl, ni mpopiin; le upii u jinni uchal inimɔɔn na bi ke mbuunkpok na le uchal aakpab ni.

Ŋiyataŋak 14:30

Nsuudoon le tii tiwon laafee, le lipiipoln bi ke mbuunkpok na.

Aisaya 21:3

Maah kan ki ŋun tibɔr ti tibɔkpiirkaan ngbaan ponn ni na tii mi ijawaan ni iween, iween i wu ke imalween na.

Jeremia 23:9

Nsui mɔmɔk bii a, le m si jii. Uwumbɔr pu, ni waabɔnyaan pu, le m gur bi ke udagbiir, ki bi ke unii u nyun ndaan sakpen na.

Jeremia 30:7

Ijawaan sakpiin aawiin mubaa choo; nwiin ngbaan aaŋeen aatɔ aan li bi, maanib aapombiin aayoonn le bi na, bi mu tee ga ŋmar.”

Jeremia 4:19

Iween sakpen yee. Maan ŋmaa joo iween ngbaan. Mpobil yuk a. Mpobil gbaa mpɔɔn pu la. Maan ŋmaa ŋmin suuna, m ŋun ikpiin aawiil ni butɔb aakuun pu.

Jeremia 5:15

Israel aanib, Uwumbɔr ban ke dandar aatimbol le dan nan tak nimi. Li ye n‑yaayoonn na aatimbol le ki pɔɔ, le naa nyi laaliin.

Inandalahn 1:13

U cha mmii mu wu nwon ni na nyan ni paacham ki dan m pu. U pen mi gaawɔb ki cha m lir kitiŋ. Le u siir cha mi ki di iween ŋmeen tii mi.

Inandalahn 1:20

Uwumbɔr, lik maah bi ntoton mu ponn ni na. Maatunwanbir bii nsui mɔmɔk doo. Bi ku binib kitiŋ ponn ni, hali tidir mu ni, bi ku binib la.

Esekiel 3:14

Uwumbɔr aapɔɔn nan di mpɔɔnsakpiin mubaa le dan m pu, le Waafuur Nyaan aah yoor mi buen na, le nsui fii, le liŋuul chuu mi.

Daniel 10:8

M nan gur si mbaa baanja le ki lik iwaan aawan ngbaan. Mpɔɔn mubaa aa nan ki bi m chee, le nnimbil wɔb kpeln, le nwon mɔmɔk yɔl.

Daniel 10:9

Maah nan ŋun waaneel na, le m fik ki lir kitiŋ mpuul pu ki dɔ chik.

Daniel 8:27

Tidaŋ ngbaan pu, le min Daniel aataakpab nan yɔl, le m nan buŋ ni ti yunn pam. Le m nan pɔɔk ki ki piin ki tun lituln li ubɔr nan di ŋa ŋŋaal ni na. Tidaŋ ngbaan nan gar mi pam, le maa bee taatataa.

Habakuk 3:2

Uwumbɔr, m ŋun saah tun lituln li na pu, le ijawaan chuu mi sakpen. Tɔ, ŋa timi aayoonn mumina ŋitukpaan ŋi aa nan ŋani na. Hali saaŋuul ponn ni kan, san timi kinimbaak.

Tibɔnyaan ti Luk ŋmee ti na 21:19

Ni yaa ji limɔr falaa mɔmɔk ponn ni kan, ni ga kan limɔfal li kaa kpa ndoon na.”