Habakuk 3:10 - Uwumbɔr aagbaŋ

¹⁰ Le ŋijoo kan si ki mur fenni. Nnyusakpem nyan ni paacham ki lir ni; le nnyun mu bi kitiŋ na puu mpɔɔn pu, le mu aanyunkpenn fii jon paacham.

Habakuk 3:10 ပူးပေါင်းရင်းမြစ်များ

Nehemia 9:11

Aa nan naan nsan nnyusakpem ponn ni ki tii saanib, ki cheen bi puur kitikuun pu. Binib bi nan san dii bi na ma nan bee nnyun mu nyoo na ponn ni, ke litakpal aah muini nnyusakpem ponn ni pu na.

Ilahn 104:32

U yaa lik kitiŋ pu kan, ki jii la; u yaa meeh ŋijoo kan, le iŋmanyuu nya ni.

Ilahn 148:7

Nimi kitiŋ yaab, pak Uwumbɔr man, nimi nnyusakpem ni aawansakpiin, ni tiwan ni bi mu aanyonyoo ni na, pak u man;

Ilahn 18:15

Buyoonn Uwumbɔr aaŋuul fii, aan u kae waadim ki ŋuun ke uchinn na, nnyunsakpem aataab nan doon nkuun, le kitiŋ aah baa nin chee na chuu piir waan.

Ilahn 65:13

Ipiih le gbii nkpaatan aatiŋ ni; tifatann mɔmɔk ni ye njikaabim la. Tiwan mɔmɔk tar le ki gaa mpopiin aalahn.

Ilahn 66:6

U cha nnyusakpem kpaln kitikuun; tiyaajatiib chuun bitaa pu le ki puur limɔɔl. Nima chee le ti nan mɔɔni waah tun pu na pu.

Ilahn 93:3

Uwumbɔr, nnyusakpem aanyunkpenn aafuuk nyan paacham la; tinyunkpenn na fii le ki kpa kifuuk.

Aisaya 43:20

Hali tipeewanbir ga nyuŋ mi buyoonn m cha ŋimɔɔ puu nteer pu ke maanib bi m lee bi na kan nnyun ki nyu na, ikakal ni taataa tiib ga pak mi.

Aisaya 55:12

Ni ga di mpopiin le ki di nya Babiloŋ aatiŋ ni; bi ga cheen nimi nya kitiŋ ngbaan ni, ni mpopiin la. Le ŋijoo ni ŋigongon ga teen ilahn lii; isui mu ga di mpopiin teen mpɔɔn pu.

Jeremia 4:24

M nan lik ŋijoo, le ŋi mɔmɔk nan jii, le ŋigongon yuk ti nya do ki ti nya do.

Maika 1:4

Le ŋijoo ngbaan ga donn u taab ke tisikakpiin aah donni mmii ni pu na; ŋi ga puu ti lir tifatann ponn ni ke nnyun aah puu sunni ligongoln pu pu na.

Nahum 1:5

Ŋijoo jii Uwumbɔr aanimbiin ni la; le ŋigongon donn unimbiin ni. Kitiŋ yaa kan Uwumbɔr kan, ki deŋni la; dulnyaa, ni binib bi mɔmɔk bi u pu na aawon gbaa la.

Habakuk 3:6

U yaa sil kan, kitiŋ deŋni la; le u yaa yaar lik kan, ŋitimbol jii. Ŋijoo ŋi bi n‑yoonn mɔmɔk na wur la; le n‑yoonn mɔmɔk aagongon na mu ber lir kitiŋ. Ŋima pu le u nan chuun n‑yaayoonn na.

Matiu 27:51

N‑yoonn ngbaan, le likekeln li yakr Uwumbɔr aadiik ni nfum mulee na chuu kar paacham ki ti saa kitiŋ. Le kitiŋ deŋ, le ŋitakpasakpiin chuu war.

Matiu 8:24

Baah chuun nnyun ni cha na le kibuŋ ti fii ki bi daar, le tinyunkpenn fii ti ti biin buŋɔb pu. Yesu nan dɔ geen.

Hiibru Yaab 11:29

Israel yaab aah nan ban ke bi puur Limɔɔkal Aanyusakpem, baah nan gaa Uwumbɔr ki kii pu na, le nnyun nan yakr ki cha nsan tii bi, le bi puur. Ijipt aatiŋ aanib aah nan ban bi mu puur na, bi nan bee nnyun ni la.

Josua 4:18

le n‑yoonn mu bitotoorb ngbaan nyan ki nan saa n‑gbaan na, le limɔɔl ngbaan ki piin ki puu ki gbiin ke laah ba bi pu na.

Tibɔkpiirkaan 16:12

Le Uwumbɔr aatuun loloob mu di falaa u bi waasambil ni na kpir limɔɔsakpeln li bi yin li ke Yufrates na ni. Le laanyun foor, ki ŋa nsan ki tii bibɔrb bi nyan ni liwipuul wɔb na.

Tibɔkpiirkaan 20:11

Le m kan libɔrjal pipiln sakpeln, ni u ka li pu na. Le kitiŋ ni paacham san nyan u chee, kaa ki bi.

Tibɔkpiirkaan 6:14

Kitaapaak kpab ki buen ke baah kpai kikapeek pu na. Le ŋijoo ni ŋidik mɔmɔk fii foor.