Habakuk 2:9 - Uwumbɔr aagbaŋ

⁹ Saamɔfal junn a. Aa di mpɔɔn ni beebee le ki di gaa binib aawangol le ki kpaln uwankpadaan, le ki pɔɔn aabaa ke aa maa saadichal paacham ki nya mbiin ni tibɔr ni.

Habakuk 2:9 ပူးပေါင်းရင်းမြစ်များ

Ilahn 49:11

Baakaakul ga li ye bido ki ti saa n‑yoonn mu kaa kpa ndoon na; nima chee le bi ga li bi n‑yoonn mɔmɔk, bi mu nan tee kpa bibaa aatim n‑yoonn mubaa.

Ilahn 52:7

“Lik, uja u kaa nan di Uwumbɔr yin nibaa na sɔ, u nan lik waawangol pu la, ki dak ke mbiin le ga tii u lifuur ki gaa u lii.”

Aisaya 28:15

Ni bui ke nimi ni nkun ŋa tɔb kijɔtiik aan ni ni kitekpiitiŋ kpaan a. Ni dii inyamɔn ki dak ke ŋŋmann pu le ni ga ŋmar, ki tii naadii ke tibɔbir yaa fuu ni kan, ni ga nya ti ni.

Aisaya 5:8

Nimi aamɔfal doo a. Ni moo daa ŋidichal ni ikpaakon ki kpei naah puen kpa i na pu. Naan yunn le unii aan ki kan mpaan ki koo nima chee, le nimi baanja le ga gur kitiŋ ngbaan pu.

Jeremia 17:11

Unii u joo beebee kani ŋimombil na bi ke unyoon u kaal ŋijen ŋi waa too ŋi na la. U ga laa li ye unachipɔɔn le ki lann waawangol, le waadoon na, u ga kpaln ujɔr.

Jeremia 22:23

Ni kaa santina bi bi joo ni bi nyan ni Lebanonn aatiŋ ni na ponn ni le ki fuur; tɔ, iween i wu ke upii aamalween na yaa nan pii nimi kan, le ni ga ŋa kinimbaak aanib.

Jeremia 49:16

Saagaak le ŋmann si. Ubaa aa san si ke saah dak ke bi san si pu na. Aa bi ŋijootakpal paab la, ki bi ŋijoo aapaachapaacham; tɔ, aa koo paachapaacham ke likaagiil na la, Uwumbɔr mu tee ga sunn si taab. Uwumbɔr le len kina.”

Jeremia 51:13

Kitiŋ ngbaan kpa ŋimɔɔ ni liwangol sakpen, tɔ, kaayoonn mu fuu a, le kaamɔfal doo.

Jeremia 51:53

Babiloŋ yaa ga ŋmaa jon kitaapaak ki ti maa tidir ti fɔk ki pɔɔ sakpen na kan, m ga sil tun binib bi ti bii ti nima. Min Uwumbɔr le len kina.”

Esekiel 22:27

Kitiŋ aaninkpiib naahn takɔ tiib la, le ki dar par baah ku tinann ti na. Bi ku binib le ke bi kan ŋimombil.

Obadia 1:4

Hali ni yaa di nimi aadichal ti maa paachapaacham ke likaagiil aadir na, aan ŋi daa ke iŋmabi na kan, m ga ŋmaa daa ker nimi lii ni taab.

Juud 1:11

Tibɔbir bi bi pu la. Bi yii Uwumbɔr aamɔb ke Keenn aah nan yii pu na. Bi mɔk binib mmɔkm mu kaa ŋan na ŋimombil pu, ke Balaam aah nan ŋa pu na. Bi yii baaninkpiib aamɔi ke Kora aah nan yii pu na. Uwumbɔr ga bii bi mu.