Habakuk 2:8 - Uwumbɔr aagbaŋ

⁸ Saah gaa ŋitimbol pam aawangol mpɔɔn pu pu na, kina le binib bi ŋmar na mu ga nan gaa saawangol; ba pu? aa ku binib pam ki kuln baatim ni binib bi mɔmɔk bi mu ni na.

Habakuk 2:8 ပူးပေါင်းရင်းမြစ်များ

Ilahn 137:8

Babiloŋ aatiŋ, aa ga kuln. Unii u teen si saah nan tun timi pu na kpa mpopiin,

Ŋiyataŋak 22:23

Uwumbɔr le ga len baabɔr tii bi, ki ga ku binib bi ban bi ku bi na.

Aisaya 33:1

Timi aadim aamɔfal junn a. Bi sun kinaayuk, ki bii binib, le ubaa ma aa sun bi kinaayuk kaa bii bi mu. Tɔ, baayoonn mu bi joo su ki bii binib na ga doo, le binib mu ga su bi kinaayuk ki bii bi mbamɔm.

Aisaya 33:4

Le ti san ti gaa baawangol.

Aisaya 47:6

M nan gee liŋuul maanib pu; ki ŋa bi ke baa kaa ye maanib le na: M nan di bi ŋa saapɔɔn ni, le saa san bi kinimbaak; hali aa nan muk binib bi por na.

Jeremia 27:7

Ŋitimbol mɔmɔk ga tun tii u, ki ga tun tii ujapɔɔn, ni uyaabil ki ti saa buyoonn waatimbol ga lir na. N‑yoonn ngbaan le waatimbol ga li tun tii ŋitimbol ni bibɔrkpaam bi kpa ipɔɔn na.

Jeremia 30:16

Tɔ, dandana ma kan, binib ga nae bi mɔmɔk nan nae nimi na, bi ga chur nimi aadim tinaagbiir di buen. Bi ga muk binib bi mɔmɔk nan muk nimi na, le ki gaa binib bi mɔmɔk nan gaal nimi aawan mpɔɔn na mu aawan mpɔɔn.

Jeremia 50:14

“Bitɔndam, lul goln Babiloŋ butɔb man. Too Babiloŋ nimi aapiin mɔmɔk, ba pu? ki tun min Uwumbɔr titunwanbir.

Jeremia 50:28

Tɔ, bikusam nan san nyan ni Babiloŋ ki dan Jerusalem, ki nan len Tidindaan Uwumbɔr aah teen Babiloŋ yaab baah nan tun Waadichal pu pu na.

Jeremia 50:37

Kuln kaataan ni yaatɔroku mam. Nkun li bi kaajab bi bi ti pan bi ŋimombil ke bi nan jan tii bi na pu. Baa ki kpa mpɔɔn. Bii kaawangol, gaa ni ki yoor ni mpɔɔn.

Jeremia 51:13

Kitiŋ ngbaan kpa ŋimɔɔ ni liwangol sakpen, tɔ, kaayoonn mu fuu a, le kaamɔfal doo.

Jeremia 51:24

Uwumbɔr len ke, “Ni ga kan maah ga teen Babiloŋ ni kaanib baah tun Jerusalem titunwanbir ti na mɔmɔk.

Jeremia 51:44

M ga daa Babiloŋ aawaal Bel aatafal, ki cha li giin laah sun tiwan ni na mɔmɔk; ŋitimbol aan ki li dooni li.

Jeremia 51:48

Buyoonn Babiloŋ nan koo binib bi ban bi kuln ki na aaŋaal ni na, le taab ni kitaapaak aawan mɔmɔk ga di mpopiin teen mpɔɔn pu.

Jeremia 51:8

Babiloŋ kpaan lir libuul ngbaan ni le ki kuln. Wii kaakpuul man. Ban nnyɔk ki nan ŋa kaabuun ni, nibaakan, i ga yann.

Esekiel 28:16

Aa nan di liwandaal ni liwankooh le muk aabaa, le kina aatuln di si koon mbimbin mu pɔɔ na, ni titunwanbir aatuln ni. Kina pu le maatuun mu nan kii si na jenn nyan si ŋitakpanyaan ŋi moor lak lak na ni.

Esekiel 39:10

Baan ki buen lidɔpei ikpaakon ni, kaan ki gaa isui kichook ni ki ban idɔ, ba pu? tijawan ni bee fam na ga li bi. Bi ga yoor binib bi nan yoor baawan na aawan buen.” Dindaan Uwumbɔr le len kina.

Amos 3:10

Uwumbɔr le len ke, “Binib bimina di baah gaa tiwan ni mpɔɔn na le di gbiin baadichal sakpiin ngbaan ponn ni. Baa nyi baah ga ŋa pu ki ŋa tiwan ni ŋan na.

Obadia 1:15

“Nwiin ngbaan peen ni, bundaal aan min Uwumbɔr ga ji ŋitimbol mɔmɔk tibɔr na peen ni. Edom yaab, naah ŋa pu na, kina le ni ga kan. Naah tii pu na, kina le bi ga giin tii nimi.

Habakuk 2:10

Aa ban isan ki kuln binib pam aamɔfal, le ki joo ni inimɔɔn nan lii saadichal pu, ki lann aabaa aamɔfal.

Habakuk 2:17

Mbiin mu aa nan di ŋa Lebanonn aachook na ga gir ni aa pu, le saah nan ku tiwakor ti na ga cha ijawaan chuu si, ba pu? aa ku binib pam ki kuln baatim ni binib bi mɔmɔk bi mu ponn ni na.

Sekaria 1:15

le maaŋuul fii ŋitimbol ŋi kpa kigaak ki bi nsuudoon ni lifuur ni na pu sakpen. Buyoonn m nan laa joo maaŋuul ke li taa pii maanib na, le ŋitimbol ngbaan nan cha maanib aafalaa moo nyaŋ.

Sekaria 14:12

Uwumbɔr ga cha iween i bir na nan lir ŋitimbol ŋi mɔmɔk tak Jerusalem na pu. Ŋaanib aawon ga bur le bi laa fu. Binimbil ni bilambil ga bur lir.

Tibɔkpiirkaan 6:10

Le binib ngbaan aawiin teen mpɔɔn pu ke, “Tidindaan u ye chain ki ye mbamɔn na, ni ga yunn ki ti saa kinye pu aan aa ga ji dulnyaa aanib bi ku timi na aabɔr ki daa bitafal?”