Habakuk 2:7 - Uwumbɔr aagbaŋ

⁷ Libuul ngbaan ni le binib bi ye saapɔndam na ga fii sil. Bi ga finn ngeen pu, le ki cha ijawaan chuu si, le sin aabaa ga kpaln baapɔndaan.

Habakuk 2:7 ပူးပေါင်းရင်းမြစ်များ

Ŋiyataŋak 29:1

Buyoonn bi sur si aa yii ki moo ŋani kalmbaani na kan, daalbaadaal aa ga nan lir, kaan ki fii sil.

Ulandaan 10:8

Aa yaa gbii libuul bil kan, sin le ga nan lir li ponn ni. Aa yaa saa kar ligoln lii kan, uwaa le ga juu si.

Aisaya 11:13

Israel aanaan ni aanib aan ki li kpa lipiipoln Juda yaab pu, le Juda yaab mu aan ki li ye Israel yaab aadim.

Aisaya 41:25

M lee uja u bi liwipuul wɔb na; m ga cha u nyan ni paacham wɔb ki nan tak nimi. U taar bitinjoob ŋmalni titan ni ke baah ye tikpakpar le na, ke uyakmaal aah nyani tiyakr pu na.

Aisaya 46:11

M bi yin ni uja ubaa ke u nya ni liwipuul wɔb; u ga boon ni ke kaasaa na ki nan ŋa maah dak pu na. Min le len, le ni ga ŋa kina.

Aisaya 47:11

Tibɔbir ga dan aa pu, le saanyɔk ngbaan mubaa aan ŋmaa kiir ti. Nfum mubaa le tibɔbir ga lir ni aa pu, tibɔbir ti saa kee dakl ti pu daalbaadaal na le ga lir aa pu.

Jeremia 51:11

Uwumbɔr aah ban u kuln Babiloŋ aatiŋ na, le u ti saa Media aabɔrb. Waah ga leŋ lipɔln Waadichal pu pu na le na. Bijab bi bi tak ki na aayidam teen ke, “Luun nimi aapiin man. Gor nimi aajaak aapen man.

Jeremia 51:57

M ga cha kaajojoob ni bijab bi kpa nlan, ni bisalolm, ni baajab nyu ki ti gbii. Bi ga ti doon geen le kaan ki fii kpala. Min, Ubɔr ngbaan le len kina, min le ye Uwumbɔr Mpɔɔnsakpiindaan.

Jeremia 8:17

Le Uwumbɔr bui ke, “Li lik man. M ga di iwaa tun ni ni chee, iwaa i kpa liluul li inyɔk aan ŋmaa ŋa i nibaa na, le i nan junn nimi.”

1 Tesalonika 5:3

Buyoonn binib ga len ke bi bi bibaa pu, nibaa aan ŋa bi nibaa na, libuul ngbaan ni le tibɔbir ga lir bi pu. Ni ga li bi ke imalween aah chuu upii pu na la. Baan ŋmaa nyan ti.