Habakuk 2:6 - Uwumbɔr aagbaŋ

⁶ Bi mɔmɔk ga ŋa u mbɔnyun ni yaansara ki len ke, “Unii u kuun kinaayuk aawangol ki gaal binib aawan mpɔɔn pu bilni na aamɔfal ga kuln. Kina aatuln ga yunn kinye?”

Habakuk 2:6 ပူးပေါင်းရင်းမြစ်များ

Ilahn 94:3

Taa cha bibiindam aapopiin ki yunn. Uwumbɔr, taa cha ni ki yunn.

Ŋiyataŋak 22:16

Aa yaa tii biwankpadam ipiin, bee aa yaa muk bigiim ke aa kpaln uwankpadaan kan, aa ga kpaln ugiin le aabaa.

Aisaya 10:13

Asiria aabɔrkpaan ngbaan puk kipupuk ki len ke, “Min le ŋa nimina mɔmɔk mbaa. M kpa Uwumbɔr do aalan ni ichiin le ki pɔɔ. M ŋar ŋitimbol aanaan mɔmɔk ŋŋaan le ki yoor baah kpa ni mɔmɔk ki di siin kiir bibaa na, le ki taa taa ku binib bi bi nima chee na ke unaaja aah taar tiwan pu pu na.

Aisaya 44:20

Nimina ni unii aah ga moo nfatan pu na ye tiwan nibaa la. Waajɔrk aalandak ngbaan ŋmann u sakpen le ubaa aan ki ŋmaa sur u. Waan kii ke liwaal li u joo uŋaal ponn ni na aa ye Uwumbɔr kpala.

Aisaya 5:8

Nimi aamɔfal doo a. Ni moo daa ŋidichal ni ikpaakon ki kpei naah puen kpa i na pu. Naan yunn le unii aan ki kan mpaan ki koo nima chee, le nimi baanja le ga gur kitiŋ ngbaan pu.

Aisaya 55:2

Ba ŋa ni joo ŋimombil daa tiwan ni kaan gbiin lipuul na? Ba ŋa ni ji nimi aapal aan nkon beenin joo nimi? Li pel ki ŋa maah len pu na man, aan ki ji tijikaar ti mɔ sakpen na.

Jeremia 17:11

Unii u joo beebee kani ŋimombil na bi ke unyoon u kaal ŋijen ŋi waa too ŋi na la. U ga laa li ye unachipɔɔn le ki lann waawangol, le waadoon na, u ga kpaln ujɔr.

Jeremia 29:22

Le baah chur binib bi tinaagbiir Jerusalem ni, ki di bi buen Babiloŋ ni na yaa ban bi puun lii unii pu kan, bi ga bui ke, ‘Uwumbɔr ŋa si ke waah nan cha Babiloŋ aabɔr pun Sedekia ni Ahab mmii ni, bi laa beenin fu pu na.’

Jeremia 50:13

Maaŋuul pu le ubaa aan ki li koo Babiloŋ ni; ki ga gur tilangbenn la, le unii umɔk jer nima na, ni ga ŋa u lijinjiir ni iwaan.

Esekiel 32:21

Bijakaab kpaam na, ni bijab bi nan ter Ijipt yaab na ga gaa Ijipt yaab kitekpiitiŋ ni iŋaal ilee. Bi ga li tar ke, ‘Binib bi kaa nyi Uwumbɔr aan ki nan kpoi butɔb ni na sunn ni do, le ki ga li dɔ do.’

Maika 2:4

N‑yoonn ngbaan yaa nan fuu ni kan, binib ga di nimi aabɔr le di ŋa tibɔbir aaseeraa, le ki ga gaa nnandalahn mue, naah kan pu na pu: Ti doo a. Uwumbɔr chuu gaa timi aatiŋ ti chee, ki di tii binib bi chur timi tinaagbiir na.”

Habakuk 1:15

Babiloŋ yaab ngbaan joo ijapiin le chur binib ke baah ye ijan le na. Bi joo baapɔr le dar bi cha, le ki tar mpopiin pu.

Habakuk 2:12

Saamɔfal junn a. Aa di titunwanbir naan kitiŋ, le ki di linikul maa kitiŋ ngbaan siin.

Habakuk 2:13

Uwumbɔr Mpɔɔnsakpiindaan le nan siin ke binib ngbaan aatotoŋ li ye idɔ i ga tuur mmii na, ki mɔk ke ŋitimbol nan tun nimina mɔmɔk fam.

Nkahm 23:18

Balaam aah nan nabr tibɔr ti na sɔ: “Sipor aajapɔɔn Balak, dan, ki nan pel maah ban m len pu na.

Nkahm 23:7

Balaam aah nan nabr tibɔr ti na sɔ: “Moab yaab aabɔr u bi yin u ke Balak na le yin ni mi Siria yaab aabɔr aatiŋ ki bi ŋijoo ŋi bi liwipuul wɔb na ni. U bui ke, ‘Dan nan len tibɔr tii mi. Puun lii Israel yaab pu.’

Tibɔnyaan ti Luk ŋmee ti na 12:20

Tɔ, le Uwumbɔr bui u, ‘Si ujɔr wee, kinyeek kee le aa ga kpo. Saah kuun liwangol limɔk siin na, ŋma ga li yeh li?’

1 Piita 4:7

Tɔ, ni gur siib le tiwan mɔmɔk ga doo. Nima pu na, ni li kpa laasaab, ki chur nibaa, ki mee Uwumbɔr.