Habakuk 2:5 - Uwumbɔr aagbaŋ

⁵ Mbamɔn, liwangol ŋmanni unii la, u kpa kigaak le kaa tee kpa lifuur ma. Waah kpa kikumɔŋ ke likaakul ki bi ke nkun na, waa babr tiwan nibaa, le ki nyaŋni ŋitimbol ki chur binib mɔmɔk tinaagbiir.

Habakuk 2:5 ပူးပေါင်းရင်းမြစ်များ

2 Bibɔrb 14:10

Tɔ, Amasia, aa kpa kipupuk ke aa nyaŋ Edom yaab a. Cha kina aayimbil ŋeer si, aan aa li ka aado. Ba ŋa aa ban aa ban tibɔr tii aa ni saanib?”

Ilahn 138:6

Aa bi paacham paacham la, le aatafal tee bi binib bi sunn bibaa taab na ni, le binib bi kpa kigaak na aan ŋmaa bɔr si.

Ŋiyataŋak 20:1

Lidanyul sakpen ŋani unii ujɔr ni kifuukdaan la. Lidanyul ye igbaan la.

Ŋiyataŋak 21:24

Mɔk mi kalmbaanidaan aan m mɔk si ke u ye nnimpoodaan, ni balaadaan, ni maa‑lik‑faar‑daan la.

Ŋiyataŋak 27:20

Unibɔn aageehn naahn kitekpiitiŋ ni la, mpaan bi n‑yoonn mɔmɔk le ki ban bitekpiib biken.

Ulandaan 5:10

Aa yaa gee ŋimombil kan, saan bab ŋi daalbaadaal. Aa yaa ban ke aa li kpa kan, saan ŋmaa kan saah ban pu na mɔmɔk. Ni ye fam la.

Aisaya 14:6

Bi nan joo liŋuul muk binib bi bi nan chur bi tinaagbiir na, ki ŋani bi falaa n‑yoonn mɔmɔk.

Aisaya 16:6

Juda aanib ga bui ke, “Ti ŋun Moab aanib aah kpa kigaak pu na. Ti nyi baah kpa inimpoo ki kpa kipupuk ni kigaak pu na, le baapupuk ngbaan ye fam la.”

Aisaya 2:17

Unibɔn aagaak ga doo, le unibɔn aakalmbaani mu kuln. Ŋiwaa mɔmɔk ga kuln, le Uwumbɔr baanja le ga kan kipak ni nnyuŋ nwiin ngbaan daal.

Aisaya 21:5

Tibɔkpiirkaan ngbaan ponn ni, bi gor njim aajikaar a, ki di ikan ter ke bicham nan kal i pu. Bi bi ji ki nyu. Libuul ngbaan ni le bi tii nsan: “Butɔb aajab aaninkpiib, gor man nimi aapen ŋi ni joo jaa kijaak na.”

Aisaya 5:14

Kitekpiitiŋ ka waa bumɔb kii bi la, ki ga nab Jerusalem aaninyuum na, ni baanib, ni binib bi nyu ndaan ki kpa kifuuk na mɔmɔk.

Aisaya 5:8

Nimi aamɔfal doo a. Ni moo daa ŋidichal ni ikpaakon ki kpei naah puen kpa i na pu. Naan yunn le unii aan ki kan mpaan ki koo nima chee, le nimi baanja le ga gur kitiŋ ngbaan pu.

Jeremia 25:9

‘M ban m tun yin ni ŋŋangan wɔb aanib mɔmɔk, ni Babiloŋ Aabɔr Nebukadnesar, u ye maatutunn na la. M ga cha bi dan ki nan tak Juda ni kaanib, ni ŋitimbol ŋi mɔmɔk mu bi gbɔk ki na, ki cha mu li gur ye tilangbenn ti kpa ijawaan na, ki ti saa n‑yoonn mu kaa kpa ndoon na. Min Uwumbɔr le len kina.

Jeremia 50:29

“Bui binib bi too itɔi na ke bi tak Babiloŋ aatiŋ. Cha umɔk nyi butɔm ni mpiin aatoom na buen. Gob man kitiŋ ngbaan ki taa cha ubaa ŋmar. Kaah nan di kigaak mɔk min, Israel yaab Aawumbɔr u bi chain na pu na, teen ki kaah nan tun pu na mɔmɔk, ki ŋa ki ke kaah nan ŋani ntim muken pu na.

Jeremia 51:39

Bi ye bikumɔndam la aa? M ga ŋa njim tii bi ki cha bi nyu ti gbii ki li kpa mpopiin. Bi ga ti doon geen, le kaan ki fii.

Habakuk 1:15

Babiloŋ yaab ngbaan joo ijapiin le chur binib ke baah ye ijan le na. Bi joo baapɔr le dar bi cha, le ki tar mpopiin pu.

Habakuk 1:17

Bi ga li joo baajaak aajum kuln ŋitimbol, kaa san ŋi kinimbaak kina le ki cha aa?

Habakuk 2:4

Tibɔr ngbaan sɔ: ‘Utunwanbirdaan aan ŋmar, le uninyaan aah gaa Uwumbɔr ki kii na, u ga li kpa limɔfal.’”

1 Tesalonika 4:11

Cha ninimbil li man ke ni li bi suuna, ki li tun nimi aatuln, ki di nimi aaŋaal tun lituln, ke taah nan tuk nimi pu na.

Jemisi 4:6

Tɔ, Uwumbɔr tii timi nterm ki jer kina, le waagbaŋ len ke, “Uwumbɔr yiil kalmbaanidam, le ki lik faar binib bi sunni bibaa taab na.”