Habakuk 2:2 - Uwumbɔr aagbaŋ

² Le Uwumbɔr gar mi ke, “Ŋmee tibɔbɔrkaan ti m ga kpiir tuk si na tiyakr aapen pu, aan unii umɔk yaar tuur ti pu na ga ŋmaa karn ti;

Habakuk 2:2 ပူးပေါင်းရင်းမြစ်များ

Aisaya 30:8

Uwumbɔr bui mi ke m ŋmee ŋa kigbaŋ ponn ni binib ngbaan aah bi pu na, aan ni li dɔ, kaan li kpa ndoon, baatunwanbir aah bi pu na.

Aisaya 8:1

Le Uwumbɔr ki bui mi ke, “Ban tiwaŋmeekaan ni pee na ki ŋmee ni pu aan ŋŋmeen ngbaan li filk aan unii mɔk li waa mu ke: ‘Maher Salal Has Bas’.

Jeremia 30:2

bui mi ke, “Ŋmee maah tuk si tibɔr ti mɔmɔk na ŋa kigbaŋ ni,

Daniel 12:4

“Tɔ, Daniel, kpab kigbaŋ ngbaan ki ŋal biin ki pu ki ti saa dulnyaa aadoon; le binib pam ga bii baayoonn ke bi bee tiwan ni bi ŋani na aatataa.”

Daniel 7:1

Belsasar aah nan jin nnaan Babiloŋ aatiŋ ni njan aabiln ponn ni na, le m nan daŋ tidaŋ kinyeek. M nan ŋmee tidaŋ ngbaan aah ye pu na bil.

Rom Yaab 15:4

Tiwan nimɔk ŋmee Uwumbɔr Aagbaŋ ponn ni na, ni ŋmee ke ti bae ni la. Waagbaŋ pɔɔni timi aataakpab, ki ter timi ti li kpa limɔr, ki tii timi limakl.

1 Korenti 14:19

M mu yaa bi Yesu aanib aakaasisik ni, ki yaa len maalandak aaliin iŋmu baanja, aan ki mɔk bi Uwumbɔr aabɔr kan, ni soor ni m len iliin yayan ŋichur kipiik.

2 Korenti 3:12

Taah kpa limakl tibɔnyaan tee pu na, nima le ti kpa lipobil ki len.

Ikaal 27:8

Ni ŋmee Uwumbɔr aakaal mɔmɔk, ni li waa chain, ŋitakpal ŋi ni ŋum na pu.”

Ikaal 31:19

“Dandana wee, ŋmee nlahn mue ŋa kigbaŋ ni. Di mu mɔk Israel aanib, aan mu li ye seeraa ki tii bi.

Ikaal 31:22

Liyaadaal ngbaan kpala, le Moses nan ŋmee nlahn ngbaan bil, le ki mɔk Israel yaab baah ga gaa mu pu na.

Tibɔkpiirkaan 14:13

Le m ŋun nneel len paacham ke, “Ŋmee ke: Bitekpiib bi nan dii Tidindaan na, waanyoor bi bi pu dandana wee ki joo cha.” Le Uwumbɔr Aafuur Nyaan kii ke, “Ni ye mbamɔn; ba pu? bi nan tun litunyaan linimaln. Baah kpo na, le bi fuur. Baah tun pu na mu dii bi.”

Tibɔkpiirkaan 19:9

Le Uwumbɔr aatuun ngbaan bui mi ke, “Ŋmee ke: Binib bi Uwumbɔr yin bi ke bi dan ki nan ji Upihbo ngbaan aabɔndinn aajikaar na, Uwumbɔr aanyoor bi bi pu.” Le Uwumbɔr aatuun ngbaan ki len ke, “Uwumbɔr aabɔr ti ye tibamɔnn na le na.”