Habakuk 1:9 - Uwumbɔr aagbaŋ

⁹ “Baajab choo bi ti nyaŋ ntim mɔmɔk. Bi wiir pam, ki nya ni liwipuul wɔb ke kitaabuŋ na. Le baah chur binib bi tinaagbiir na wiir ke litambol na.

Habakuk 1:9 ပူးပေါင်းရင်းမြစ်များ

Mpiin 41:49

Tijikaar nan ŋa sakpen ki ti nyaŋ, le Josef aa nan ki ŋaŋni waah kuuni pu na, ti nan wiir ke limɔɔtanbol aah wiir pu na la.

2 Bibɔrb 12:17

N‑yoonn ngbaan le Siria aatiŋ aabɔr Hasael nan ti tak Gaf aatiŋ ki nyaŋ ki; le ki ŋa nlandak ke u ti tak Jerusalem mu.

Job Aagbaŋ 29:18

M nan mak n‑yoonn mɔmɔk ke m li kpa limɔfafɔfɔŋ le ki nan kpo linampal, mpopiin ni.

Ilahn 139:18

M yaa ban m kahn i kan, i ga li wiir jer limɔɔtambol. M yaa dɔ geen ki ti finn kan, m beenin bi aa chee la.

Aisaya 27:8

Uwumbɔr cha waanib aadim chur bi tinaagbiir ki di bi buen ki ti daa bitafal. U cha libuln li pɔɔ ki bir ki nyan ni liwipuul wɔb na le di bi buen.

Jeremia 15:8

Bikpopiib bi nimi aatiŋ pu ki wiir jer litambol li bi nnyusakpem aagbaan na. M ku nimi aanachipɔm baanachipɔnn ni la, le binatiib ji falaa. Libuul ni le m tii bi iween ni ijawaan sakpiin.

Jeremia 25:9

‘M ban m tun yin ni ŋŋangan wɔb aanib mɔmɔk, ni Babiloŋ Aabɔr Nebukadnesar, u ye maatutunn na la. M ga cha bi dan ki nan tak Juda ni kaanib, ni ŋitimbol ŋi mɔmɔk mu bi gbɔk ki na, ki cha mu li gur ye tilangbenn ti kpa ijawaan na, ki ti saa n‑yoonn mu kaa kpa ndoon na. Min Uwumbɔr le len kina.

Jeremia 34:22

M ga lii bi bumɔb le bi ki gir ni kitiŋ kee pu. Bi ga tak ki, ki nyaŋ ki, le ki see ki mmii. M ga ŋa Juda aatim ke nteersakpiin mu pu ubaa aa koo na la. Min Uwumbɔr le len kina.”

Jeremia 4:11

N‑yoonn choo, le bi ga nan bui Jerusalem aanib ke libuln li ton sakpen na nyan nteersakpiin ni ki choo bi chee. Laan li ye libuln li bi suuna ki daar tigbengbir cha na.

Jeremia 4:7

Uchinn aah nyani waabɔbɔryaan ni pu na, kina le unii u bii ŋitimbol na nyan ni. U choo u nan bii Juda aatiŋ la. Juda aatim ga kpaln tilangbenn la, le ubaa aan ŋmaa koo mu ni.

Esekiel 17:10

Mbamɔn, bi ŋum bu a, tɔ, bu ga li bi ki ŋa busub aa? Liwipuul wɔb aabuln yaa daa bu pu kan, bu aan yɔl aa? Bu aan yɔl bu aah si nin chee na aa?”

Esekiel 19:12

Tɔ, liŋuul aaŋaal nan daa ŋɔb bu, ki di bu mee bil kitiŋ. Liwipuul wɔb aabuln nan daa kuur bu aasubil. Bi nan bar bar bu aapan, le ŋi kuur aan bi di tuur mmii.

Daniel 11:17

“Siria aabɔr ga kpokl ke u di waajab mɔmɔk buen butɔb aaban. U ga li ban ke u bii waadin aanaan mɔmɔk, kina pu na, u ga cha u ni uma ŋa kimɔbaan ki di ubisal tii u; le ni mu aan kal kina.

Hosea 1:10

Israel aanib ga li wiir ke nnyusakpem aatambol na la. Bi ga li wiir jer baah ga kahn, bee bi ŋaŋ bi pu na. Le Uwumbɔr bui bi n‑yoonn mue ke, “Naa ye maanib,” tɔ, n‑yoonn choo le u ga nan bui bi ke, “Ni ye min Uwumbɔr u bi na aabim la.”

Hosea 13:15

Israel pɔr ke timoor na la, le m tee ga cha libuln li ton ki nyan ni liwipuul wɔb nteersakpiin ni na dan ki nan foor baayayak aanyunbun, ni ŋibun. Li ga yoor tiwanbankaan mɔmɔk buen.

Habakuk 1:17

Bi ga li joo baajaak aajum kuln ŋitimbol, kaa san ŋi kinimbaak kina le ki cha aa?

Habakuk 1:6

M ban ke m di mpɔɔn ŋa Babiloŋ aanib bi kpa mbiin kaa san nibaa na aaŋaal ni la. Bi chuun dulnyaa wee mɔmɔk ni ki ban ntim ke bi nyaŋ ki gaa mu la.

Rom Yaab 9:27

Tɔ, Uwumbɔr aabɔnabr Aisaya nan len Israel yaab aabɔr; u nan len ke Israel yaab wiir ke nnyusakpem aatambol aah wiir pu na, le bi ponn ni, binib siib baanja ga ŋmar;

Bibɔjirb 7:12

Midiann yaab, ni Amalek yaab, ni ŋinibol ŋi bi nteersakpiin ni na aajab nan yaa gaa kifataŋ ngbaan ni ke itoon na, le baalaakumii tiib nan wiir ke limɔɔtambol li dɔ nnyusakpem aagbaan na.