Habakuk 1:8 - Uwumbɔr aagbaŋ

⁸ “Baataan ŋmaa san mala mala ki jer ipeenaamuun, le ki bir jer nkon aah joo takɔtiib bi na. Baatandam nyan ni dandar aatim ni le ki jak ni baataan, baataan aataagbendun pɔɔ sakpen. I booni ke ŋikaagii le aah booni ke ŋi ti chuu tinann na.

Habakuk 1:8 ပူးပေါင်းရင်းမြစ်များ

Job Aagbaŋ 9:26

Maamɔfal jer mala ke buŋɔb bu ŋmaa chuun sakpen na la, ki naahn likaagiil aah booni pu ke li ti chuu sandee na la.

Aisaya 11:14

Bi ga kpaan le ki ti tak Filistia yaab bi bi liwilir wɔb na, aan ki kpaan ti jenn gaa binib bi bi liwipuul wɔb na mu aawan. Bi ga nyaŋ Edom ni Moab aanib; le Amonn yaab mu ga kii baamɔi.

Jeremia 4:13

Lik man, udin le choo ke ntaalangbam na. Waajaak aataan, ni yaatɔroku mam bi ke kinaakpaajabuŋ na la, le waataan ŋmaa san mala mala jer ŋikaagii. Ti kuln a. Timi aamɔfal junn a.

Jeremia 48:40

Uwumbɔr puu ke litimbol ga boon ni nan pee Moab ke likaagiil na,

Jeremia 5:6

Nima pu le ichinn ga nya ni kichook ni ki nan ku bi; le takɔ mam ga nya ni nteersakpiin ni ki nan daa par par bi, le inaamuun ga li chuun tee mban baatim ponn ni. Binib ngbaan yaa nyan lipaal kan, i ga daa par par bi; ba pu? baatunwanbir wiir sakpen a, le bi fenn bipuwɔb tii Uwumbɔr n‑yoonn mɔmɔk.

Jeremia 50:42

Bi yoor baatɔi ni baajaak aajum; bi kpa mbiin, kaa san kinimbaak. Bi yaa jak baataan kan, yaafuuk naahn nnyusakpem aafuuk la. Bi gor ki ban bi to Babiloŋ butɔb la.

Inandalahn 4:19

Bi nan jenn timi sunn mala mala ke likaagiil le aah boon ki nyan ni paacham na. Bi nan ti gob timi ŋigongon pu la; nteersakpiin pu le bi nan loon timi.

Esekiel 17:12

“Baa bimɔyiib ngbaan ke liyataŋakl ngbaan aatataa ye kinye. Bui bi ke Babiloŋ aabɔr dan Jerusalem aatiŋ ni ki nan yoor Jerusalem aabɔr ni waaninkpiib ki di buen Babiloŋ aatiŋ ni.

Esekiel 17:3

ke bi bee ke min le ye Bidindaan Uwumbɔr le ki tuk bi ke: Likaagiil sakpeln libaa le nan bi ki kpa tikokor ti ŋan sakpen na, le laafeen filk ki pee. Li nan fii buen Lebanonn Aajoo ni le ki ti bar santina aabonja aapaachapaacham,

Esekiel 26:11

Baatandam ga jak baataan saatiŋ ponn ni, ki joo baajaak aajum ku saanib. Bi ga tur saajaatɔlk tiib bi pɔɔ sakpen na lir kitiŋ.

Hosea 8:1

Uwumbɔr bui ke, “Faa nkuun man. Bidim boon nan lir maatiŋ pu ke ŋikaagii na la. Maanib bii tipuur ti m nan puu tii bi na, le ki yii maamɔkm.

Nahum 2:5

Bi kuun bijab aayidam; le baah tur cha mɔb pu na, bi gbeer. Bidim chii ki buen kitiŋ ngbaan aagoln chee ki gor baajaak aapeln ke baah ga li joo yur tɔb le na.

Sefania 3:3

Kaaninkpiib bi ke ichinn i ŋuuni na la; le kaabɔjirb naahn takɔ tiib bi nkon joo bi na, kaan ŋmaa mɔr ke likpabl li dɔ ki ti woln kitaak.

Matiu 24:28

“Liwankpol aah bi nin chee na, nangba mam mu kuuni nima chee la.”

Tibɔnyaan ti Luk ŋmee ti na 17:37

Le waadidiliib baa u, “Tidindaan, la chee?” Le u bui bi, “Liwankpol aah bi nin chee na, nangba mam mu kuuni nima chee la.”

Ikaal 28:49

Uwumbɔr ga cha linibol li nyan ni dulnyaa aanaanmɔk aan naa nyi baaliin na nan lir ni pu. Bi ga fii nan lir ni pu, ke likaagiil aah booni chur tiwan pu na la.