Filipi 4:19 - Uwumbɔr aagbaŋ

¹⁹ Uma Uwumbɔr u m dii u na le ga tii nimi naah lann pu na mɔmɔk; waah kpa liwankpal sakpen paacham pu na, kina le u ga tii nimi, Yesu Kristo pu.

UWONBƆR A GBƆNPƆŊ LIKƆƆNL

¹⁹ Le n Wonbɔru li ta U jilima a jɔɔm man be Masiya nin ki sei ni.

Filipi 4:19 ပူးပေါင်းရင်းမြစ်များ

Mpiin 48:15

le ki mee tinyoor ŋa Josef pu ke: “Uwumbɔr u ye ntetiib Abraham ni Aisak Aawumbɔr na, ŋa tinyoor ŋa mbim bee pu. Cha Uwumbɔr u lik mi ki nan saa din wee na, ŋa tinyoor ŋa bi pu.

2 Samuel 22:7

M yin Uwumbɔr maamukl ni; m yin Maawumbɔr ki ban nterm. Le u bi waadichal ni ki ŋun maaneel; u nan ŋun maaterm aawiil pu.

2 Bibɔrb Aabɔr 18:13

Le Mikaya gar u ke, “Uwumbɔr u bi na pu, m ga ti len uma Uwumbɔr aah bui mi ke m len pu na la.”

2 Bibɔrb Aabɔr 31:8

Ubɔr Hesekia ni waaninkpiib aah kan ke bi tii sakpen na, le bi pak Uwumbɔr, ki pak waanib Israel yaab mu.

Nehemia 5:19

Le m mee Uwumbɔr ke, “Uwumbɔr, teer mbɔr, ki ŋa tinyoor ŋa m pu, maah tun nimɔk tii binib bee na.”

Nehemia 9:15

Nkon aah nan joo bi na, aa nan tii bi tijikaar ti nyan ni paacham na, ki tii bi nnyun mu nyan ni litakpal ponn ni na, bi nyun. Aa nan bui bi ke bi li joo kitiŋ ki aa nan puu ke aa ga di tii bi na.

Ilahn 104:24

Uwumbɔr, aa naan tiwan sakpen a. Aa di nlansakpem le naan ni mɔmɔk, saawanfuurkaan le gbii kitiŋ pu.

Ilahn 130:7

Uwumbɔr aageehm aah kaa kpelni na aan u gee ke u gaa nimi lii n‑yoonn mɔmɔk na, nimi Israel yaab, tii u naadii man.

Ilahn 36:8

Saah tii timi tijikaar sakpen ti na le kpiini timi; le ti nyu nnyun saaŋann aamɔɔ na ni.

Ilahn 84:11

Tidindaan Uwumbɔr le ye timi aakikiir, ni timi aabɔr u kpa kipak sakpen na, u ŋani timi tiŋann ki tii timi bunyuŋ. Binib bi aabimbin ŋan na, waa cha bi lanni tiwanyaan nibaa.

Daniel 6:22

Uwumbɔr tun ni waatuun le u nan kiir ichinn ngbaan; yaa ŋmaa ŋa mi nibaa. Waah nyi ke maa tun taani ubaa kaa ti ki ŋa mpɔɔndaan mu tibaa na, le u ŋa kina.”

Maika 7:7

Le mma ga li lik Uwumbɔr pu; m ga ji limɔr ki li kii Uwumbɔr u ga gaa mi lii na. Maawumbɔr ga ŋun maayim.

Malakai 3:10

Ni li joo ni naah yakr tiwan ni ke ni ye min yaan na Maadichal ni, aan tijikaar li bi li ponn ni. Tɔŋ mi man aan ki kan ke m ga piir paacham aatakolu tiib waan, ki cha tijikaar gbiin nimi aatiŋ.

Matiu 6:32

Tiwan ngbaan mɔmɔk pu le binib bi kaa dii Uwumbɔr aasan na aanimbil man. Nite Uwumbɔr u bi paacham na nyi ke ni ban tiwan ngbaan mɔmɔk.

Jɔnn 20:17

Le Yesu bui u, “Taa meeh mi. Maa kee buen paacham, Nte Uwumbɔr chee. Li cha ki ti tuk nnaabitiib ke m cha paacham, Nte u ye Maawumbɔr na chee la, u ye ni mu Aate, ki ye ni mu Aawumbɔr na.”

Jɔnn 20:27

le ki bui Tomas, “Di aaŋanbik baan ŋŋaal aabue ponn ni, ki di aaŋaal baan nsikakl aabuer mu ponn ni, aan ki gaa mi ki kii, aan ki taa ki beeni.”

Rom Yaab 1:8

Yesu Kristo pu, le m dooni Maawumbɔr ni mɔmɔk pu; ba pu? binib bimɔk bi dulnyaa ni na ŋun naah gaa Yesu Kristo ki kii pu na.

Rom Yaab 11:33

Uwumbɔr kpa nlan ni mbaem sakpen. Ubaa aan ŋmaa bee waah kpa sakpen pu na. Waah siin pu na, ubaa aan ŋmaa bee ŋitaa ŋi pu u siin kina na. Ubaa aan ŋmaa bee waah ŋani pu na.

Rom Yaab 2:4

U ŋa si tibulchinn sakpen, ki kpa limɔr ni suklaa aa pu. Ba ŋa aa lik u fam? Saa nyi ke Uwumbɔr ban ke aa kpeln saabimbin aa? Nima le cha u ŋa si tibulchinn.

Rom Yaab 8:18

M nyi ke dandana aafalaa aan ŋmaa ŋaŋ mpopiin mu ti ga nan kan mu paacham na.

Rom Yaab 9:23

U mu ban ke binib bee waah ŋan sakpen pu na, ki san timi kinimbaak, ki ŋa timi mpopiin pam. U nan naan timi ke u ŋa timi kina la,

2 Korenti 12:21

ke m yaa fuu ni ni chee ki kan ke ni ponn ni pam tun titunwanbir, ni tijɔŋ aatuln, ki gɔr kidagook, ki ŋani tiwan ni kaa ŋan na, kaa kpeln nimi aabimbin kan, ni ga bii nsui sakpen. Le Maawumbɔr ga cha m ji inimɔɔn ni pu.

2 Korenti 4:17

Dandana aafalaa aan yunn, kaa wiir. Falaa ngbaan pu, le ti ga kan mpopiin ki ti nyaŋ, n‑yoonn mu kaa kpa ndoon na.

Efesusi 1:7

Kristo aasin pu, le Uwumbɔr gaa timi lii, ki di cha pinn timi, ki ŋa timi tibulchinn sakpen,

Efesusi 2:7

N‑yoonn mu choo na, nima le ga mɔk ke Uwumbɔr kpa linimbaasaln sakpen, ki gee timi ki ti nyaŋ, Yesu Kristo pu.

Efesusi 3:16

Waah kpa mpɔɔn sakpen pu na, le m mee u ke u tii nimi mpɔɔn nisui ni, Waafuur Nyaan pu,

Efesusi 3:8

Maa pii Uwumbɔr aaniwaatiir ubaa, le u mu tee tii mi litunyaan limina, ke m buen binib bi kaa ye Juu yaab na chee, ki ti moon tibɔnyaan tee, ki tuk bi Kristo aah ŋan sakpen pu na,

Filipi 4:7

Ni yaa ŋani kina kan, Uwumbɔr ga tii nimi nsuudoon mu jer taah nyi pu na. Nisui, ni nimi aalandak ga doon; ba pu? ni kpaan Yesu Kristo chee.

Kolosiya 1:27

U ban ke bi bee tibɔr ngbaan aah ŋan sakpen ki ter ŋitimbol mɔmɔk pu na la. Tibɔbɔrkaan ngbaan le ye ke Kristo bi ni ni. Waah bi ni ni na, nima le ni kpa limakl ke ni ga ji waamɔɔn.

Kolosiya 3:16

Cha Kristo aabɔr li bi nisui ni sakpen, ki tii nimi nlan. Ni li tuk tɔb waabɔr, ki li sur tɔb, ki li gaa ilahn i bi Uwumbɔr Aagbaŋ ni na, ni waanib aalahn, ni ilahn i Waafuur Nyaan mɔk nimi na. Ni li gaa ilahn ngbaan, ki li dooni Uwumbɔr nisui ni.

1 Tesalonika 2:12

ti sur nimi, ki nan sɔŋni nisui, ki gaŋni nimi ke ni li dii Uwumbɔr waah ban pu na. Uma le yin nimi ke ni koo waanaan ni ki nan ji waamɔɔn.

1 Timoti 6:17

Aa sur binib bi kpa liwankpal dulnyaa wee ni na ke bi taa li kpa kalmbaani, ki taa li kpa limakl liwankpal ngbaan pu. Ba pu? li ye libuln la. Bi li kpa limakl Uwumbɔr pu. U tii timi sakpen, le taa ti ki nyi ni mɔmɔk; u ban ke ti gaa, ki li kpa mpopiin.

Filemonn 1:4

N‑yoonn mumɔk m mee Maawumbɔr na, m mee u tii si, ki dooni u aa pu;

1 Piita 5:1

Tɔ, m ye Yesu aanib aaninkpel, ki nan kan Kristo aah jin falaa pu na, ki tuk binib kina. M mu ga ji waamɔɔn mu ga nya mpaan pu na. Nima pu na, m gaŋ nimi bi ye Yesu aanib aaninkpiib na,

1 Piita 5:10

Ni yaa ji falaa ni yunn siib kan, Uwumbɔr ga ter nimi, ki tii nimi mpɔɔn ni li dii u mbamɔm, ki taa gir puwɔb. Ba pu? nterm mɔmɔk nyan ni uma le chee. U nan yin nimi Kristo pu, ke ni nan ji waamɔɔn n‑yoonn mu kaa kpa ndoon na.